NAIA LLORENTE, MARIO ESTANGA, ANDER ANGLADA, JOSEBA LARZABAL ETA ARITZ ZUAZO NAGUSITU DIRA GIPUZKOAKO ABSOLUTU TXAPELKETAN

Urrezko bortz domina hauez gain, zilarrezko bertze bortz lortu zituzten BATeko atletek, baita brontzezko hiru ere

Gipuzkoako Absolutu Txapelketa ospatu zen pasa den asteburuan Anoetan eta Bidasoa Atletiko Taldeko kirolariek hamahiru domina lortu zituzten bertan: urrezko bortz, zilarrezko bertze bortz eta brontzezko hiru. Naia Llorente, Mario Estanga, Ander Anglada, Joseba Larzabal eta Aritz Zuazo izan ziren euren probetan nagusitu zirenak.

Mario Estangak urrezko domina eskuratu zuen asteburuan, Gipuzkoako Absolutu Txapelketan, pertigan. 4,60 metroko jauzia egin zuen, denboraldiko bere markarik onena izan zena. Ander Anglada ere lehen postuan sailkatu zen, 800 metroko lasterketan, 1:55,25 minutuetan proba osatuz. Joseba Larzabalek ere urrezko domina eskuratu zuen 3000 metroko lasterketan (8:37,85). Azkenik, lehen postua lortu zuen Aritz Zuazo altuera jauzian, 1,86 metroko jauzi hoberenarekin.

Aitor Fernandezek 60 metroko hesi lasterketan zilarrezko domina lortu zuen, 9 segundutan osatuta proba. Podiumeko hirugarren koskara ere igan ziren BATeko atletak: Ioritz Labandibar (400 metroko lasterketan, 51,05 segundu), Luken Aizpurua (luzera jauzian, 6,49 metro) eta Mikel Aguirrebeña (3000 metroko lasterketan, 8:54,61 minutu).

Azkenik, podiumetik kanpo, Liher Ugartemendia sailkatu zen laugarren postuan (7,12 segundu). Marka pertsonal onena lortu zuen Ugartemendiak, baita estatu mailako minimoa ere. Horrez gain, Jose Gomez de Arribak bostgarren postua eskuratu zuen 3000 metroko lasterketan, 8:56,72 minutuetan osatuz.

Emakumeen artean, urrezko domina bat eta zilarrezko lau

Naia Llorente izan zen emakumeen artean urrezko domina eskuratu zuen atleta bakarra. Altuera jauzian 1,62 metro lortu zituen eta lehen postuan sailkatu zen beraz. Zilarrezko dominak ere ekarri zituzten Anoetatik bueltan etxera, zehazki lau: Alazne Garrido 400 metroko lasterketan (56,62 metro), Irati Erro 1500 metroko lasterketan (5:01,30 minutu), Elaia Tapia luzera jauzian (5,26 metro) eta Leire Martiarena 200 metroko lasterketa (25,61 metro).

Azkenean, Alaine Aguerraldek 400 metroko lasterketan 57,58 segundu egin zituen eta Eider Zumeagak 10,53 metro jauzi hirukoitzean. 

BIDASOA ATLETIKO TALDEKO EMAKUMEEK HIRUGARREN POSTUA ESKURATU DUTE LIGAKO LEHEN HITZORDUAN

Iruñean jokatu zen Ligako lehen jardunaldia eta BATeko emakumeak hirugarren postuan sailkatu ziren, Playas de Castellon eta Pamplona Atletismoren...

MADDALEN JIMENEZ BERATARRAK IRABAZI DU BERE HERRIKO MENDI MARATOI ERDIA

Gizonetan aldiz, Iñaki Olano nagusitu zen beroak baldintzatu zuen lasterketan

Berako XVIII. Mendi Maratoi Erdia ospatu zen pasa den igande goizean,...

ANA PULGARIN ZORTZIGARREN NAZIOARTEKO MARTXA TXAPELKETAN

Carla Martinezek klubeko errekorra hautsi zuen Alacanten 200 metroko lasterketan

Nazioarteko Martxa Txapelketa ospatu zen pasa den apirilaren 6an...

ARANTXA AUSAN EUROPAKO TXAPELDUN W50-KO 60 METROKO HESI LASTERKETAN

Abel Castañaresek zilarrezko domina eskuratu zuen M65 kategoriako 8 kilometroko krosean

Europako Master Txapelketa ospatu zen pasa den astean,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika