OTSAILAREN 25EAN OSPATUKO DA BIDASOAKO MARATOI ERDIA

Irun eta Hondarribia artean eginen da eta 1200 korrikalari espero dituzte

70. hamarkadan Irun eta Hondarribiako Maratoi Erdia ospatzen zen. Urteetan zehar, lasterketa berritu egin dute eta dagoeneko bost urte dira proba egokitu eta jende artera hurbiltu zutela. Horrela, Maratoi Erdia ez ezik, 10 kilometroko lasterketa ere ospatzen dute. Aurten ibilbidea berriz ere berritu dute eta oraindik ere lauago bilakatu dute.

Otsailaren 25ean ospatuko da aurten Bidasoako Maratoi Erdia, baita 10 kilometroko lasterketan ere. Helburua Bidasoaldeko korrikalari guztiek parte hartzea izanen da, nahiz eta 1200 korrikalarien langa jarri duten. Irun eta Hondarribia elkartuko ditu ibilbideak aurten. Adur Amilibia Bidasoa Atletiko Taldeko ordezkariak erran duenez, “laua izanen da gehien bat, baita homologatua ere”. "Desbinel negatiboa ere izanen duela” aipatu du Amilibiak eta hori “lasterkarientzartaproposa” izanen dela argitu du, batez ere “marka pertsonala hobetzea bilatzen dutenentzat”.

Oraingoz, 970 korrikalarik eman dute izena lasterketan, eta guztira 1200 partehartzaile izatea espero dute antolatzaileek. Otsailaren 25ean, 10:00etan, abiatuko da proba Irungo Kolon Pasealekutik. Dortsalak egunean berean eskuratu daitezke, baita aste horretan ere, ortzegunetik hasita. Ortzegunetik larunbatera, otsailaren 22tik 24ra, Hondarribia Kaleko Deportes Gonzalez dendan hartu ahal izanen dira dortsalak: ortzegunean, 16:00etatik 20:00etara eta ortziralean eta larunbatean, 10:00etatik 13:00etara eta 16:00etatik 20:00etara. Egunean bertan ere eskura daitezke, Uranzu pilotalekuan, 8:15etik 9:30era. 


BIDASOA ATLETIKO TALDEKO EMAKUMEEK HIRUGARREN POSTUA ESKURATU DUTE LIGAKO LEHEN HITZORDUAN

Iruñean jokatu zen Ligako lehen jardunaldia eta BATeko emakumeak hirugarren postuan sailkatu ziren, Playas de Castellon eta Pamplona Atletismoren...

MADDALEN JIMENEZ BERATARRAK IRABAZI DU BERE HERRIKO MENDI MARATOI ERDIA

Gizonetan aldiz, Iñaki Olano nagusitu zen beroak baldintzatu zuen lasterketan

Berako XVIII. Mendi Maratoi Erdia ospatu zen pasa den igande goizean,...

ANA PULGARIN ZORTZIGARREN NAZIOARTEKO MARTXA TXAPELKETAN

Carla Martinezek klubeko errekorra hautsi zuen Alacanten 200 metroko lasterketan

Nazioarteko Martxa Txapelketa ospatu zen pasa den apirilaren 6an...

ARANTXA AUSAN EUROPAKO TXAPELDUN W50-KO 60 METROKO HESI LASTERKETAN

Abel Castañaresek zilarrezko domina eskuratu zuen M65 kategoriako 8 kilometroko krosean

Europako Master Txapelketa ospatu zen pasa den astean,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika