REAL UNIONEK BILBAO ATHLETIC B BISITATUKO DU
Futbola

REAL UNIONEK BILBAO ATHLETIC B BISITATUKO DU

Talde txuribeltza baldintzatuta egonen bada ere, David Movillak azpimarratu du hori ez dela emaitzarako erabakigarria izanen

Real Unionek igande honetan eginen dio aurre Bilbao Athletic B taldeari Lezaman, arratsaldeko 16:00etan. Talde bilbotarra sailkapeneko azken aurreko postuetan kokatuta dago, baina David Movillak onartu duen moduan, ez diote aurkariari garaipena erraztuko. Txuribeltzak, gainera, zenbait baja izanen dituzte iganderako eta horrek euren jokoa baldintzatuko du, nahiz eta ez den “erabakigarria izanen emaitzarako”.

Denboraldiko hemeritzagarren jardunaldia jokatuko du igande honetan (urtarrilak 15) Real Unionek Bilbao Athletic B-ren kontra. David Movillak ongi ezagutzen duen kluba da hau, izan ere, hiru urte egon zen Lezaman harrobiarekin lanean. Berak aipatu duen moduan, “lana aurreratua” zuen aste honetan, nahiz eta “gaur egun aurkariaren inguruan informazio asko edukitzea erraza” den.

Bilbao Athletic-en inguruan, “talde filiala” dela erran du entrenatzaileak, “kalitateari begira eta jokalariak denbora gutxian futbol profesionalean ikusiko ditugunak direlako”. Talde moduan, “gaitasun handia” duela ere azpimarratu du Movillak eta partidu honek “zailtasun handiak” planteatuko dituela.

Real Unionek, hala ere, “aste ona” izan duela jakinarazi du prestatzaileak, “lortu nahi ditugun helburuei zuzendutako entrenamenduekin”. Bilbotarren kontra, bertze edozein talderen kontra egin beharko duten moduan, “erasoan hobeki aritu” behar direla adierazi du. Hala ere, taldeak ez du erraza izanen, zenbait baja dituztelako. Movillak Bravoren falta baieztatu du, baita Santos, Kijera eta Chema Nuñez zalantza izanen direla ere: “Bravo ez da igandera iritsiko. Santos errekuperazioaren azken fasean dago, eta taldearekin entrenatzen ari da dagoeneko. Chema ere mindua dago, baina taldearekin lanean. Eta Kijera igandean zelaian egon daiteke”.

“Baldintzatuta” egonen da taldea igande honetan, baina “honek ez du emaitza erabakiko”, entrenatzaileak aipatu duen moduan. Beraz, ahal duten mailarik onena zelairatuko dute Lezaman, igandean 16:00etan, Bilbao Athletic B-ren kontra. 

REALE ARENAN JOKATUKO DA SANSE ETA REAL UNIONEN ARTEKO NEURKETA
Futbola

REALE ARENAN JOKATUKO DA SANSE ETA REAL UNIONEN ARTEKO NEURKETA

Datorren otsailaren 11n jokatuko da derbia eta, Zubietan beharrean, donostiarren lehen taldearen zelaian ospatuko da

DAVID MOVILLA: `AZKEN PARTIDUETAN BAINO BERTSIO HOBEA ERAKUTSI BEHAR DUGU´
Futbola

DAVID MOVILLA: `AZKEN PARTIDUETAN BAINO BERTSIO HOBEA ERAKUTSI BEHAR DUGU´

Real Unionek Intercity jasoko du bihar Galen, azken bi jardunaldietan porrotak jaso ondotik

Real Unionek...

MIKEL BENGOA: `BARNE LEHIA HOBETU NAHI IZAN DUGU´
Futbola

MIKEL BENGOA: `BARNE LEHIA HOBETU NAHI IZAN DUGU´

Neguko merkatuan Real Unionek Mario Capelete utzi, Antxon Jasoren kontratua eten eta Unai Agirre, Jose Carrillo eta Julen Agirre gehitu ditu taldera

ANTXON JASO EZ DA GEHIAGO REAL UNIONGO JOKALARIA IZANEN
Futbola

ANTXON JASO EZ DA GEHIAGO REAL UNIONGO JOKALARIA IZANEN

Jokalari nafarrak ekainean bukatuko zuen bere kontratua, baina aldez aurretik joanen da Irunetik

Antxon Jaso ez...

JOSE CARRILLO REAL UNIONGO JOKALARI BERRIA
Futbola

JOSE CARRILLO REAL UNIONGO JOKALARI BERRIA

Atzelaria 2022/23ko denboraldi honen bukaerara arte arituko da Irunen

Real Union Klubak jakitera eman duenez,...

GARAIPENAK BATZEN JARRAITZEN DU REAL UNION ROCAK
Futbola

GARAIPENAK BATZEN JARRAITZEN DU REAL UNION ROCAK

Carlos Garciaren mutilek Usurbil FT garaitu zuten Galeko anexoan

Real Union Roca: Iza; Arteaga, Gordo,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika