REAL UNIONEK PORROTA JASO ZUEN SALAMANCAN
Futbola

REAL UNIONEK PORROTA JASO ZUEN SALAMANCAN

Unionistas de Salamancak 2-1eko markagailuarekin garaitu zuen talde txuribeltza

Real Unionek, atzo denboraldiko 33. jardunaldia jokatu zuen Unionistas de Salamanca taldearen aurka, Reina Sofia zelaian. Nahiz eta txuribeltzek markagailuan aurrea hartu, berdinketa lortu zuen etxeko taldeak atsedenaldiaren aurretik. Gainera, neurketa amaitzeko hiru minutu falta zirenean, Unionistaseko Jesus de Miguelek gola sartu eta 2-1eko markagailua ezarri zuen beraien alde. Honekin, hiru puntuak Salamancan gelditzea ahalbidetu zuten etxekoek.

Neurketa hasi eta segidan izan zuen Real Unionek lehendabiziko aukera. Ekhi Senarrek area kanpotik baloia jaurti, baina hau desbideratu egin zen. Honen ondoren, etxeko taldearen erantzuna etorri zen, baina hau ere ez zen atean sartu. Cris Montesek egin zuen jaurtiketa, baina zutoinean jo zuen baloiak. 29. minutuan berriz, talde txuribeltzak hartu zuen aurrea markagailuan. Alain Oyarzunek konbinatu ondoren, Nacho Sanchez jarri zen Blochen aurrean eta baloia sarera sartzea lortu zuen, 0-1ekoa ezarriz. Bi taldeen arteko aldea handitzeko aukera ere izan zuen Real Unionek hurrengo minutuetan, Praderaren eskutik, baina ezin izan zuen jokaldia errematatu. 39. minutuan, etxeko taldearen aukera etorri zen, arrakastarekin amaitu zena. Salinasek baloia jaurti eta Irazustak defendatzen zuen atean sartu zuen, 1-1ekoa ipiniz. Atsedenaldia baino lehen, Oyarzunek beste aukera bat izan zuen, baina Unionistaseko atezainak geldiketa egin zuen.

Bigarren zatian, etxeko taldea indarrez zelairatu zen eta beraien nagusitasuna erakutsi zuten azken 45 minutuetan zehar. Hala ere, Real Unionek aurretik jartzeko beste aukera bat izan zuen 81. Minutuan, Sanchezen partetik, baina honek ez zuen asmatu. Aldiz, neurketa amaitzeko soilik hiru minutu falta zirenean, Jesus de Miguelek Unionistasen aldeko bigarren gola sartu zuen, talde txuribeltzari berdinketarako aukerarik gabe utziz. Horrela, 2-1eko markagailuarekin, etxeko taldeak hiru puntu gehiago gehitu zituen sailkapenean eta Real Union azken momentuko porrotak uzten duen sentsazio txarrarekin itzuli zen Irunera.

Irundarrek hurrengo igandean izango dute porrot hau konpontzeko aukera, Stadium Galen, Rayo Majadahonda taldearen aurka jokatuko duten partiduarekin. Eguerdiko 12etan hasiko da neurketa.

(Argazkia: Unionistas CF)

REAL UNION ASTE HONETAKO IGANDEROKO PROTAGONISTA IZANGO DA
Futbola

REAL UNION ASTE HONETAKO IGANDEROKO PROTAGONISTA IZANGO DA

Klub txuribeltzeko harrobiak Irungo Udalak Kolon Pasealekuan antolatzen duen Igandero programan parte hartuko du

REAL UNION PLAY-OFFETIK HURBILAGO
Futbola

REAL UNION PLAY-OFFETIK HURBILAGO

Talde txuribeltzak 3-1eko markagailuarekin eskuratu zuen garaipena Talaveraren kontra

Real Unionek, pasa den...

REAL UNION B-K EZIN IZAN DIO MAILARI EUTSI
Futbola

REAL UNION B-K EZIN IZAN DIO MAILARI EUTSI

Real Uniongo bigarren taldeak 2-0 irabazi zuen Mutrikuren kontra, baina ezin izan dio Ohorezko Errejional Mailari eutsi

REAL UNION ETA TALAVERA AURREZ AURRE STADIUM GALEN
Futbola

REAL UNION ETA TALAVERA AURREZ AURRE STADIUM GALEN

Neurketa bihar izango da, larunbata, arratsaldeko 19:00etan

Real Unionek bihar Talavera jaso beharko du Stadium...

REAL UNION B-K GERO ETA ZAILAGO DU SALBAZIOA
Futbola

REAL UNION B-K GERO ETA ZAILAGO DU SALBAZIOA

Amaikak Bat-en kontra 1-0 galdu ondoren, talde txuribeltza besteen zain egon beharko da bere burua libratzeko

REAL UNIONEK 2-0 GALDU ZUEN DUX-EN KONTRA
Futbola

REAL UNIONEK 2-0 GALDU ZUEN DUX-EN KONTRA

Aukera askorik gabeko neurketa baten ondoren DUX taldeak irabazi zuen, Real Unioni play-offa jokatzeko aukera zailduz

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika