SUFRITUTA, DENBORALDIKO BIGARRENA
Errugbia

SUFRITUTA, DENBORALDIKO BIGARRENA

Azken minutuan Roman Solisen entseguak neurketa Txingudi Errugbi Klubaren alde erabaki zuen. Bera Bera B-ri 32-28 nagusitu zen talde bidasotarra.

Larunbatean Zaisa Txingudik Bera Beraren aurka jokatu zuen Plaiaundin. Elkar oso ondo ezagutzen duten eta joko maila oso antzekoa duten bi talderen arteko partida oso lehiatua izan zen. Zaisa Txingudi oso motibatuta zelairatu zen eta lehen jokaldian Alejandro Lasak defentsa lerroa haustea lortu zuen Roman Solisek lehen entsegua egin zezan. Ugo Poncinik zigor kolpea gauzatu zuen eta lehen mintuetan, Txingudi Errugbi Kluba 7-0 markagailuan aurretik jarri zen. Txingudik jabetzaren nagusitasunarekin eta presio handiarekin jarraitu zuen. 6. minutuan, Adur Manterolak eskuan jokatzea erabaki zuen zigor kolpe batean, jokaldia Erik Gonzalezen entseguarekin amaitu zen. Berriz ere, Ugo Poncinik zigor kolpearekin asmatu eta etxeko taldea 14-0 aurretik jarri zen.

Hortik aurrera, Bera Bera erreakzionatzen hasi zen eta horren ondorioz 13. minutuan zigor kolpe batean zutoinetara jaurti eta lehen 3 puntuak lortu zituzten (14-3); 17.minutuan, aldiz, Txingudik beste zigor kolpe bat jaso zuen eta Ugok hirugarren zigor kolpea asmatzea lortu zuen (17-3). 

Txingudi Errugbi Klubak markagailuan aldea bazuen ere, norgehiagokak berdinduta jarraitu zuen lehen zatiko bigarren zatitik aurrera Txingudik huts gehiegi egin zituen (Bera Berak, aldiz, ez zuen gehiago egin lehen zatian). Akerrek geroz eta metro gehiago galtzen hasi ziren eta 24. Minutuan Bera Beraren eguneko lehen entsegua iritsi zen (17-8). 26. minutuan arazo gehiagotan sartu zen Txingudi Rugby Kluba. Keoma Pachecok aurrera jo zuen baloia eta nahi gabe izan bazen ere, epaileak ez zion txartel horia barkatu. Jokalari bat gutxiagorekin 10 minutu igoaro zituen Txingudi Errugbi Klubak eta Bera Berak aukera galdu gabe, entsegu berri bat egin zuen 31. minutuan (17-15). Horrela iristen zen atsedenaldira, markagailu estu batekin eta dena erabakitzeke.

Bigarren zatiko lehen minutuak Txingudirentzat izan ziren berriro eta 42. minutuan Bera Berak egindako zigor kolpetik Ugo Poncinik 20-15koa egin zuen. Txingudik nagusitzen jarraitzen zuen eta 50. minutuan, Bera Beraren akatsa baliatu zuen. 22 puntuko tartean, Unai Herrerok baloia ostu zuen eta zuzenean entseguko marra gainditu zuen. Ponciniren zigor kolpearen bitartez, 27-15 aurreratu zen Txingudi Errugbi Taldea.

Edonola ere, neurketa ez zegoen batere erabakita. Txingudik falta asko egiten jarraitzen zuen eta Bera Berak beste hiru puntu sartu zituen 55. minutuan. (27-18). 59. minutuan, minutu erabakigarrenak iristear zirela, Julen Iglesiasek txartel horia ikusi zuen eta 14 jokalarirekin utzi zituen etxekoak. Bera Bera egoeraz baliatu zen eta 65. minutuan 27-25koa ezartzen zuen entsegua lortu zuten.

15 minutuko partida geratzen zen eta Bera Bera berdinketatik 2 puntura zegoen. Txingudik hutsegite asko egiten jarraitzen zuen eta kosta egiten zitzaion jabetza mantentzea. 76. minutuan Bera Berak zigor kolpea jo zuen eta markagailuan aurretik jarri zen, neurketan lehen aldiz (27-28).

Erdialdeko sakearen ondoren, Txingudik azken puntuak egiteko ahaligentan, zigor kolpe bat eragin zuen. Ugo Poncinik, orain arte zigor kolpe guztiak gauzatutakoak, makiletara jaurtitzera ausartu zen. Haizeak ez zuen baloiaren ibilbidea lagundu eta zutoinean jo zuen, baina etxeko jokalariak arinago ibili ziren errebotea jasotzeko eta Roman Solis kapitainak, 79.minutuan, azken 32-28ko markagailua ezarri zuen.

Azken minutuan erdietsitako garaipena izan zen. Merezitakoa eta borrokatua izan arren, Iñigo Camarerok adierazi duenaren arabera, “zapore gazi-gozoa” uzten duena; izan ere, Txingudi Errugbi Klubeko entrenatzailearen aburuz, “neurketan zehar zigor kolpe gehiegi eskaini genituen, gehienak ekidin zitezkeenak”. 

GARAIPENA LEHEN LAGUNARTEKOAN
Errugbia

GARAIPENA LEHEN LAGUNARTEKOAN

Ezaugarri bereko bi arerio lehiatu ziren Plaiaundin, Txingudi Errugbi Kluba eta Bera-Bera B. Nuerketa etxean geratu zen, 14-8.

Txingudi Errugbi Kluba eta...

PUNTU BATENGATIK ERE BALIO DU
Errugbia

PUNTU BATENGATIK ERE BALIO DU

Denboraldiko lehen jardunaldian 15-14 garaitu zuen Hendaiako Estadioak Saint Paul le Dax.

Kirola eta errugbia bueltatu zen pasa den igandean...

AURREKO DENBORALDIA HOBETZEA HELBURU
Errugbia

AURREKO DENBORALDIA HOBETZEA HELBURU

Txingudi Errugbi Kluba osatzen dute jokalariek abuztuaren 2an lanean hasi ziren eta pasa den denboraldi amaiera “iraultzeko gogoz” dira.

BIGARREN PORROTA ERRESKAN
Errugbia

BIGARREN PORROTA ERRESKAN

Talde bidasotarraren bajek neurketa baldintzatu zuten eta lehen fasean garaitu zuten Atletico/Hernanik neurketa aurrera eraman zuen (21-36).

Denboraldia...

KOLPE LATZA
Errugbia

KOLPE LATZA

Kontsolidazio fasea modurik traketsenean hasi zuen Txingudi Errugbi Klubak. Veltesca Bilbo taldeak, errukirik gabe, 8-48 mendean hartu zuen talde...

 BIGARREN FASERA DENBORALDIKO HELBURUA BETE GABE
Errugbia

BIGARREN FASERA DENBORALDIKO HELBURUA BETE GABE

Kanpazar Arrasateren aurka galdu ostean (19-10), Zaisa Txingudi Errugbi Klubak Euskadiko Senior Ligako kontsolidazio fasea jokatuko du, sailkapeneko azken lau...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika