“TRANTSIZIOAK OSO ZORROTZ ZAINDU BEHARKO DITUGU”
Futbola

“TRANTSIZIOAK OSO ZORROTZ ZAINDU BEHARKO DITUGU”

Aitor Zulaikak Valladolid B-k harrobiko taldeen ezaugarri guztiak dituen taldea dela adierazi zuen atzoko prentsaurrekoan. 

DUX-en neurketaren ondotik, denboraldiak abiada hartu du eta jada ez dago geldiunerik. Stadium Galen, zaleen aurrean, lehen hiru puntuak batu eta gero, denboraldiko lehen bidaia eta etxetik kanpoko lehen jardunaldia izango du jokoan talde irundarrak. Gaur, bazkaldu ostean, Valladoliderantz bidean jarriko da talde txuri-beltzaren espedizioa eta igandean, 12:00etan, Real Valladolid Promesas talde konplikatuaren aurka arituko dira.

Aitor Zulaikak Valladolid B-ren aurka aurrekarik ez duen arren, “asko gustatzen” zaion taldea dela aitortu zuen. Nahiz eta taldea goitik behera aldatu, teknikari azpeitiarra ez da gaztelako taldeaz fido; izan ere, “Las Gaunasen jokatu zuten neurketa ikusteko beta izan nuen eta sekulako neurketa jokatu zuen Valladolidek”, argudiatu zuen. SD Logroñesen aurka 1-1 berdindu zuen Valladoliden harrobiko taldeak, errioxarrak aurreratu ziren markagailuan eta 74.minutuan berdindu zuen morea eta zuria uztartzen dituen taldeak.

Hain zuzen ere, Zulaikak aurkari izango duten talderen bertuteak goraipatu nahi izan zituen: “filiala den neurrian, filial gehienek izaten dituzten ezaugarri on guztiak batzen ditu. Eneregia dute, azkarrak dira, ausartak dira, baloiaren jabetza oso ona dute eta trantsizio bortitzak gauzatzen dituzte”. Bertuteak ez direnak ere gogoan izan zituen, Valladolidek geldikako baloietan asko sufritu dezakeela uste du Zulaikak. Bada, zaindu beharrekoak oso argi ditu teknikari azpeitiarrak: “beti zaintzen ditugun aspektuez gain, bereziki, joko konbinatiboa eta trantsizio bizkorrak eragozten saiatu behar dugu”.

Dena den, Valladolid B-ren eta DUX-en aurkako neurketak antzekotasun ugari izango dituela uste du. “Oso argi dut guk zer proposatu nahi dugu, eta, ikusi dudanez, Valladolidek ere DUX-en erako jokoa areagotuko duela”, adierazi zuen.

Ehuneko ehunetik, ehuneko bat gertuago. 

Lehen jardunaldiko atariko prentsaurrekoan Aitor Zulaikak taldea ehuneko ehunean aurkitzen ez zela aitortu zuen. Gaur, taldea ehuneko ehunetik gertuago dagoen ala ez galdetuta “ehuneko bat gertuago” dagoela esan zuen. “Egun batetik bestera ez zara beltzetik zurira igarotzen, tartean grisak ere egon behar dira. Prozesua ez da astebetean gauzatzen, taldeak hobera egin du, baina prozesua ez da astebetean gauzatzen”, argudiatu du Real Unioneko entrenatzaileak.

Min hartutakoen egoera, berdina. 

Lesioei dagokienez, aurreko asteko egoerak hainbestean jarraitzen du. Jagoba Beobide azken unera arte deialdian sartzeko zalantza izango da, baita Carlos Bravo ere. Azken honek hasierako hamaikakoan jokatu zuelarik, aurrealdean aldaketak egon daitezkeela aurreikus genezake. Presaski, nahiz eta neurketa on baten ostean, “hamaikakoan aldaketa asko egiteko aukerak gutxitzen dituen”, hainbat arrazoiengatik aldaketak egon daitezkeela ere ohartarazi zuen Zulaikak: “lesioengatik, aurkariaren azterketagatik, aurkariaren zelaiaren azterketagatik eta beste hainbat arrazoirengatik hamaikakoa aldatzeko aukerak daude”. 

‘ETXEAN’ LEHEN GARAIPENA
Futbola

‘ETXEAN’ LEHEN GARAIPENA

Real Unionen harrobiko taldeak 3-1 mendean hartu zuen Aloñamendi, Ugalde-Ventasko soropilean.

Nahiz eta markagailuak kontrakoa adierazi, Real Union B-ren...

DUBASIN NAHIKOA IZAN DA REAL UNION GARAITZEKO
Futbola

DUBASIN NAHIKOA IZAN DA REAL UNION GARAITZEKO

UD Logroñesi lehen zati txukuna egitea balio izan zaio Real Union 1-0 garaitzeko. 

Min hartutako eta zigortutako jokalariak behartuta, Vivancos,...

UD LOGROÑES, HELDUA ETA LANDUA
Futbola

UD LOGROÑES, HELDUA ETA LANDUA

Ligako aurkari zailenetako baten zelaian jokatuko du Real Unionek, UD Logroñesen aurka eta Las Gaunas zelai klasikoan. Aitor Zulaikak “une bakoitzean nola jokatu...

DENBORALDIA HASTEKO, BERDINKETA
Futbola

DENBORALDIA HASTEKO, BERDINKETA

Real Unionen harrobiko taldeak 1-1 berdindu zuen Zubipen, Hernaniren kontra.

“Baliotsua” den berdinketa eskuratu zuen asteburuan Real Unionen...

GAL BERRITZEAZ GAIN, BABESLE
Futbola

GAL BERRITZEAZ GAIN, BABESLE

Molcaworld, aholkularitza estrategikoan espezializatutako enpresa valentziarra Real Unionen babesle berria bilakatu da.

Real Unionek eta Molcaworld...

CELTA B, A ZER TALDEA
Futbola

CELTA B, A ZER TALDEA

(Argazkia: Gio Batista)

Real Unionek ez du neurketa txukuna egin eta Celta B-k erraz gailendu zaio. 1-4 bukatu da neurketa eta talde...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika