ZAISA TXINGUDIK EZIN IZAN ZION AURRE EGIN ATLETICO SAN SEBASTIANI
Errugbia

ZAISA TXINGUDIK EZIN IZAN ZION AURRE EGIN ATLETICO SAN SEBASTIANI

Txingudikoek 19-22ko markagailuarekin galdu zuten Atletico San Sebastian taldearen aurka jokatutako partiduan

Pasa den larunbatean urteko lehendabiziko partidua jokatu zuen Zaisa Txingudik, Plaiaundin, Atletico San Sebastian taldearen aurka. Neurketa oso parekatua izan zen eta bidasotarrek ahaleginak egin zituzten puntuak etxean gelditzeko, baina azkenean ezin izan zioten aurre egin donostiarrek markagailuan irekitako aldeari eta 19-22 galdu egin zuten.

Lehendabiziko zatia hasi eta hamabostgarren minuturako, donostiarrek bi entsegu egin zituzten eta bietan arrakasta izanda, markagailua 0-10ean jarri zuten. Hala ere, Txingudikoek ez ziren atzean gelditu eta 18. minutuan, beraien aukera iritsi zen eta Adur Manterolaren eraldaketaren bidez, 7-10ekoa lortu zuen taldeak. Hemendik aurrera, jokoa oso parekatua egon zen. Hala ere, etxekoek egindako akats batzuen ondorioz, ezin izan zuten puntu gehiago batu markagailura atsedenaldia baino lehen. Gainera, taldeak izandako falta metatuengatik, Xabi Sanchez jokalariak txartela horia jaso eta Txingudi bat gutxiagorekin gelditu zen.

Bigarren zatian berriz, tentsioa nabaria zen zelaian eta honek etxekoek akatsak egitea eragin zuen. Hauek aprobetxatuz, Atleticok entsegua egin eta 7-17koa eskuratu zuen. Hala ere, Txingudi indarberritu eta honi aurre egin zion. Hain zuzen ere, pick and go fase baten ondorioz, Ivan Martin marka-gunera iritsi eta bost puntu eskuratu zituen taldearentzat, Adur Manterolak transformazioarekin osatu zuena. Horrela, etxekoak 14-17ko markagailua ipini zuten. 63. minutuan berriz, donostiarrek abantaila handitu zuten entsegu baten bidez lortutako zortzi punturekin (14-22).

Txingudik garaipena hain hurbil ikusita, ez zuen amorerik eman eta egindako entsegu batean arrakasta izanda, 19-22koa eskuratu zuen. Hiru puntuko aldea txikitu nahiean jarraitu zuten etxekoek partiduaren azken minutuetan, baina ezin izan zuten markagailua mugitu. Donostiarrek irabazi zituzten lau puntuak, baina bidasotarrak ere bonus puntu garrantzitsu bat eskuratu zuten, salbatzeko aukerak oraindik ere mantenduz.

TXINGUDI RUGBY KLUBEKO SENIORRAK PLAIAUNDIN ARIKO DIRA
Errugbia

TXINGUDI RUGBY KLUBEKO SENIORRAK PLAIAUNDIN ARIKO DIRA

Biok Txingudik Bera Bera/Ordizia jasoko du eta Zaisa Txingudik berriz, Zarautz B/Beltzak taldea

Txingudi Rugby Klubeko senior mailako bi...

ZAISA TXINGUDIK ARRATIKO ZEKORRAK GARAITU ZUEN
Errugbia

ZAISA TXINGUDIK ARRATIKO ZEKORRAK GARAITU ZUEN

Igorren aritu ziren bi taldeak elkarren kontra eta 17-20ko markagailuarekin irabazi zuten mugakoek

Zaisa Txingudik garaipena eskuratu zuen pasa den...

ZAISA TXINGUDIK ARRATIKO ZEKORRAK TALDEA BISITATUKO DU
Errugbia

ZAISA TXINGUDIK ARRATIKO ZEKORRAK TALDEA BISITATUKO DU

Igorren ariko dira bi taldeak elkarren kontra bihar 16:00etatik aitzinera

Zaisa Txingudi, atsedenaldi ttiki baten ondotik, martxan izanen da berriz...

TXINGUDIKO GAZTEAK GARAIPENAREN BILA JOANEN DIRA ASTEBURUAN
Errugbia

TXINGUDIKO GAZTEAK GARAIPENAREN BILA JOANEN DIRA ASTEBURUAN

18 urtez azpiko taldea Iruñaren kontra ariko da eta 16 urtez azpikoa berriz, Uni Bilboren kontra

Txingudi Rugby Klubeko seniorrek atsedena hartuko...

TXINGUDI RUGBY TALDEKO SENIORRAK PLAIAUNDIN IZANEN DIRA ASTEBURUAN
Errugbia

TXINGUDI RUGBY TALDEKO SENIORRAK PLAIAUNDIN IZANEN DIRA ASTEBURUAN

Biok Txingudik Neskak Loratzen taldea jasoko du eta Zaisa Txingudik berriz, La Unica

Txingudi Rugby Taldeko seniorrek urteko lehen partidua jokatuko...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika