ZAISA TXINGUDIK GALDU EGIN ZUEN DURANGOREN AURREAN
Errugbia

ZAISA TXINGUDIK GALDU EGIN ZUEN DURANGOREN AURREAN

Durangotarrak nagusi izan ziren beraien etxean eta 84-0ko markagailuarekin menderatu zituzten bidasotarrak

Bajek baldintzatutako taldea zelairatu zuen Zaisa Txingudik eta hori nabaria izan zen neurketa guztian zehar. Durangok, hau aprobetxatuta, bere nagusitasuna erakutsi zuen etxean eta 84-0ko markagailuarekin irabaztea lortu zuen azkenean.

Lehen zatia hasi eta segidan, Txingudi jokalari bat gutxiagorekin gelditu zen. Izan ere, neurketaren lehendabiziko minutuetan, Asier Gonzalezek min hartu eta zelaia utzi behar izan zuen. Etxeko taldeak, hau aprobetxatuta, eta bisitariek egindako plakaje-hutsegiteen ondorioz, 46-0ko markagailua ezarri zuen atsedenaldirako. Nahiz eta bidasotarrek puntuak gehitzeko zorian egon ziren lehen zatiaren erdialdean, ezin izan zituzten aukera hauek errematatu eta Durango izan zen partiduaren buruzagi.

Bigarren zatiaren hasieran, gainera, bisitariek beste jokalari bat galdu zuten. Oraingoan, Adur Manterola atera behar izan zen zelaitik eta Txingudi hamahiru jokalarirekin geratu zen. Hala ere, ez zituzten besoak jaso eta Durango bere zelaian mantendu zuten, defentsa lerroa behin baino gehiagotan hautsiz. Bidasotarrak entsegua egiteko puntuan egon ziren baita ere, zigor kolpe baten ondoren hainbat fase lortu baitzituzten, baina azkenean aurkarien defentsa lanak marka-eremutik aldentzea egin zuen. Hortik aurrera, Durango taldeak lehen zatiko nagusitasuna berreskuratu zuen eta beste 38 puntu eskuratu zituen, behin betiko 84-0ko markagailua ipiniz.

Asteburu honetan Ligako taldeek ez dute jardunaldirik jokatuko, atsedenaldia izango baitute. Apirilaren 2an jarriko dira berriz ere martxan. Bidasotarrentzat partidu erabakigarria izango da hau, izan ere, jaitsiera zuzena sahiestera atera beharko dira zelaira.

(Argazkia: Beñat Herrero)

KIROLETIK - TXINGUDI ERRUGBI KLUBEKO NESKAK
Errugbia

KIROLETIK - TXINGUDI ERRUGBI KLUBEKO NESKAK

Zaisa Txingudi kluba erronkez betetako denboraldia prestatzen ari da. Klubak harrobia eta Touch sekzioa sendotzeaz eta seniorren gizonezkoen taldea euskal lehen mailara itzularazteaz gain,...

ZAISA TXINGUDIK URRIAN HASIKO DU DENBORALDI BERRIA
Errugbia

ZAISA TXINGUDIK URRIAN HASIKO DU DENBORALDI BERRIA

Klubak harrobia eta Touch sekzioa indartzea, emakumeen taldea sortzea eta seniorrak lehen mailara itzultzea izanen du helburu

TXINGORDIK IRABAZI DU FAT RUGBY TXAPELKETA
Errugbia

TXINGORDIK IRABAZI DU FAT RUGBY TXAPELKETA

Monzonen jokatu zen txapelketa, Quebratahuesos RC taldeak antolatuta, eta Txingudi Rugby Klubeko taldeak irabazi zuen

ZAISA TXINGUDIK KLUBEKO EGUNA OSPATZEN AMAITU DU DENBORALDIA
Errugbia

ZAISA TXINGUDIK KLUBEKO EGUNA OSPATZEN AMAITU DU DENBORALDIA

Talde bidasotarrak lesioek baldintzatutako denboraldi honi agur esan zion larunbatean eta dagoeneko hurrengoari begira jarri da

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika