ZAISA TXINGUDIK PORROTA JASO ZUEN SARAKO IZARREN AURKA
Errugbia

ZAISA TXINGUDIK PORROTA JASO ZUEN SARAKO IZARREN AURKA

Larunbatean, arratsaldeko 15:30ean, Sarako zelaian jokatutako partidua 57-20ko markagailuarekin amaitu zen

Zaisa Txingudi taldeak larunbatean izan zuen denboraldiko bosgarren hitzordua Sarako zelaian, bertako taldearen aurka. Nahiz eta bidasoatarrak gogoz eta intentsitatzez jokatu, antolakuntza faltak eta defentsa gutxi zaintzeak zigortu egin zuen taldea eta Sarako Izarrak hori aprobetxatuta, puntuak gehitzen joan ziren.

Lehen zatitik Txingudik zigor golpe gehiegi jaso zituen, Sarako taldeak aprobetxatu zituenak lehen puntuak lortzeko. Horrela, neurketa hasi bezain laster, 3-0ko markagailua erdietsi zuten etxekoek. 8. minutuan txartel horia jasotzen ere lehendabizikoak izan ziren eta bost minutu beranduago, kanpokoei ere txartel bera atera zieten. Jarraian, Sarako mutilak markagailuan aldea irekitzea lortu zuten, entsegura iritsi eta 10-0koa erdietsiz. Bide berean jarraitu zuen jokoak ondorengo minutuetan, eta etxekoek gero eta zulo handiagoa irekitzen joan ziren, alde zabalena 36. minutuan lortuz, 38-0 markagailuarekin. Atsedenalda hasi aurretik, Bidasoakoek zigor kolpe bat aprobetxatuz arratsaldeko lehenbiziko hiru puntuak lortu zituzten.

Bigarren zatian berriz, Txingudi indarberritu eta partidua menderatzen hasi zen. 43. minutuan Poncinik, bigarren aldiz, beste hiru puntu erdietsi zituen taldearentzat, eta zazpi minutu beranduago, jokalari berak 38-13ko markagailuan lortu zuen. 50. minututik aurrera, partiduaren tentsioa areagotu zen eta Bidasoak beste jokalari bat galdu zuen aldi baterako. Sarakoek orduan, beraien 6. entsegua emanez, 45-13koa markatu zuten.

Hurrengo minutuetan, kanporaketak izan ziren nagusi. Etxeko jokalari baten egindako plakaketa arriskutsu baten ondorioz, bertako hiru jokalari eta kanpoko beste jokalari bat kanporatu zituzten txartel gorriarekin. Segidan, kiroltasunaren aurkako beste jokaldi batengatik, talde bakoitzeko jokalari bana atera zituzten zelaitik, eta falta gehiegi egiteagatik ere beste batek txartel horia jaso zuen. Tirabira hauen ondoren, Txingudik indarra hartu zuen berriro ere eta 45-20koa erdietsi zuen. Hala ere, partidua amaitzeko bost minutu geratzen zirenean, Sarako taldeak bi entsegu lortu eta 57-20ko markagailua ezarrita.

TXINGUDI RUGBY KLUBAK BERE EGUNA OSPATUKO DU BIHAR
Errugbia

TXINGUDI RUGBY KLUBAK BERE EGUNA OSPATUKO DU BIHAR

Plaiaundin elkartuko dira adin guztietako errugbilariak arratsaldean partiduak jokatzeko

Denboraldia bukatuta, eta hau bera ospatzeko, Txingudi...

BIOK TXINGUDI EUSKAL LIGAKO B MULTZOKO TXAPELDUNORDEA
Errugbia

BIOK TXINGUDI EUSKAL LIGAKO B MULTZOKO TXAPELDUNORDEA

Txingudi Rugby Klubeko taldeak ezin izan zuen Sarako Izarra garaitu eta bigarren postuan bukatu du senior mailako bere lehen denboraldia

Ligako...

BIOK TXINGUDIK DENBORALDIKO AZKEN NEURKETA JOKATUKO DU ASTEBURUAN
Errugbia

BIOK TXINGUDIK DENBORALDIKO AZKEN NEURKETA JOKATUKO DU ASTEBURUAN

Ligako B multzoko lider moduan buka dezake modu ofizialean lehiatu duen lehen denboraldia

Biok Txingudik bukaera emanen dio asteburu honetan Ligari....

TXINGUDI/BAZTAN TALDEA GIPUZKOAKO B MULTZOKO TXAPELDUNA
Errugbia

TXINGUDI/BAZTAN TALDEA GIPUZKOAKO B MULTZOKO TXAPELDUNA

Txingudi Rugby Klubeko 14 urtez azpiko taldeak ezin hobe bukatu du denboraldia

Txingudi Rugby Klubeko 14 urtez azpiko Txingudi/Baztan taldeak...

TXINGUDI/BAZTANEK B MULTZOKO FINALA JOKATUKO DU BIHAR PLAIAUNDIN
Errugbia

TXINGUDI/BAZTANEK B MULTZOKO FINALA JOKATUKO DU BIHAR PLAIAUNDIN

La Unica taldea jasoko dute 14 urtez azpiko taldeak finala jokatzeko, maiatzaren 11n 11:00etan

Txingudi Rugby Klubeko taldeak denboraldi bukaerara...

BIOK TXINGUDIK GARAIPENA ESKURATU ZUEN ETXEAN
Errugbia

BIOK TXINGUDIK GARAIPENA ESKURATU ZUEN ETXEAN

Arrasate/Eibar Bri 27-22ko markagailuarekin irabazi zion mugako taldeak eta honela, sailkapeneko bigarren postura igo da

Biok Txingudik 27-22ko...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika