ZAISA TXINGUDIKO 16 ETA 18 URTEZ AZPIKO TALDEAK HERNANIN
Errugbia

ZAISA TXINGUDIKO 16 ETA 18 URTEZ AZPIKO TALDEAK HERNANIN

Gainera, 14 urtez azpiko taldeko sei jokalari Gipuzkoako selekzioarekin izanen dira 

Larunbat honetan, maiatzak 14, Zaisa Txingudiko 16 eta 18 urtez azpiko taldeak Hernani izango dira, bertako Hernani Club de Rugby Elkarteak antolatu duen errugbi zazpiko txapelketan lehiatzen. 16 urtez azpikoetan, bidasotarrekin batera, Zarautz, Bera Bera, Eibar eta Hernani izango dira aurrez aurre. Maila nagusienean aldiz, Eibar, Hernani A, Hernani B eta Zaisa Txingudi arituko dira. Neurketak eguerdiko 13:00etatik aurrera ospatuko dira.

Txapelketan talde guztiak izango dira elkarren kontra eta ondoren, sailkapenaren arabera, kanporaketa bat jokatuko dute. Zazpiko modalitate hau 15koaren zelai berberean ospatzen da, baina bi desberdintasun nagusi ditu. Bata talde bakoitzaren jokalari kopurua da, eta bestea partiduaren iraupena hamalau minutukoa dela, hau da, zazpi minutuko bi zati dituela. Berezitasun hauek “jokoa azkarragoa, arinagoa eta ikusgarriagoa” egiten duela diote Txingudi klubetik.

14 urtez azpiko sei jokalari Gipuzkoako selekzioarekin

Maiatzaren 15ean berriz, goizeko 10etatik aintzinera, Zaisa Txingudiko 14 urtez azpiko taldeko sei jokalari Zarautzen izango dira, Astiko instalazioetan, Gipuzkoako selekzioaren kontzentrazioan. Hain zuzen ere, bertan parte hartuko dute Aritz Arrietak, Aimar Echevestek, Aimar Iturrek, Ewan Littlek eta Aiert Mendizabalek. Sei hauek ekainaren 4ean Kanbon jokatuko den VI. Clovis Leizagoyen torneo prestatuko dute selekzioarekin.

Eskola Jaia Plaiaundin

Plaiaundi ere errugbiko jokalariz beteko da igandean. Izan ere, klubeko errugbi eskolak Eskola Jaia ospatuko du bertan. Antolatutako ekintzen artean, Txingudik entrenamendua irekia egingo du jokalari txikientzat, hauen gurasoentzat eta baita errugbiaren inguruan ikusi nahi duen familia guztientzat ere. Saioa amaituta, bertara hurbiltzen direnentzat bazkari herrikoia izango da gainera.

(Argazkia: Brayan Oliveira, 14 urtez azpiko taldeko jokalaria)

TXINGORDIK IRABAZI DU FAT RUGBY TXAPELKETA
Errugbia

TXINGORDIK IRABAZI DU FAT RUGBY TXAPELKETA

Monzonen jokatu zen txapelketa, Quebratahuesos RC taldeak antolatuta, eta Txingudi Rugby Klubeko taldeak irabazi zuen

ZAISA TXINGUDIK KLUBEKO EGUNA OSPATZEN AMAITU DU DENBORALDIA
Errugbia

ZAISA TXINGUDIK KLUBEKO EGUNA OSPATZEN AMAITU DU DENBORALDIA

Talde bidasotarrak lesioek baldintzatutako denboraldi honi agur esan zion larunbatean eta dagoeneko hurrengoari begira jarri da

ROUTE 33 TXINGUDI RUGBY KLUBAREN BABESLE BERRIA
Errugbia

ROUTE 33 TXINGUDI RUGBY KLUBAREN BABESLE BERRIA

Txingudi Rugby Klubak, prentsa ohar baten bidez jakitera eman duenez, Route 33-rekin babes-akordio bat sinatu berri du. Honen ondorioz, Hondarribiako enpresa errugbi taldeen babesle berria izango...

EUSKAL LIGAKO FINALA JOKATUKO DU ITSASMENDIK LEKAROZEN
Errugbia

EUSKAL LIGAKO FINALA JOKATUKO DU ITSASMENDIK LEKAROZEN

Plaiaundin ere Touch errugbiko Espainiako eta Frantziako selekzioak arituko dira aurrez aurre

Larunbat honetan, 18...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika