ZAISA TXINGUDIKO TOUCH SAILAK JARDUNALDI ERABAKIGARRIA PLAIAUNDIN
Errugbia

ZAISA TXINGUDIKO TOUCH SAILAK JARDUNALDI ERABAKIGARRIA PLAIAUNDIN

Larunbatean errugbi touch modalitateko Estatuko 1. Mailara igotzeko neurketak jokatuko dira Plaiaundin

Larunbat honetan, goizeko 10etatik aurrera, Zaisa Txingudiko errugbi touch sailak Bartzelona, Valladolid eta Mallorkako bost talde hartuko ditu Plaiaundin, beraien artean Estatuko 1. Mailara igotzeko neurketa erabakigarriak jokatzeko.

Jardunaldiari hasiera emateko, etxeko taldeak jokatuko du lehen neurketa Caldes de Montbui (Barcelona) Herriko Caldes touch taldearen aurka. Bi talde hauekin batera, Montseny Touch (Bartzelona), Mallorca Rebels (Mallorka) eta Arroyo Alligators (Valladolid) klubeko beste bi talde izango dira aurrez aurre egunean zehar ospatuko diren partiduetan.

Martxoan egin zen modalitate honetako lehen jardunaldia, Sant Esteve de Palautorderan (Bartzelona), eta bertan egin zuten bidasotarrek beraien debuta horrelako lehiaketa batean. Topaketa horretan, Txingudik partida bat irabazi (8 entsegu alde eta 3 kontra Alligatorsen aurka) eta beste bat galdu zuten (3 eta 9 Montsenykoen aurrean). Oraingoan, Caldesen kontra aritzeaz gain, mugako taldea Mallorkako Rebelsen aurka ere arituko da. Gainera, Alligatorsen bigarren taldearekin lagunarteko bat jokatuko dute bidasotarrek.

Neurketa hauek lehiatu ondoren, finalerdia eta finala jokatuko dira eta bertan zehaztuko da zein talde igoko den lehen mailara. Aldez aurretik, Montseny eta Alligators taldeak dira hori eskuratzeko faboritoak, biek irabazi baitzituzten aurreko jardunaldian jokatutako hiru partidak. Rebels hirugarren postuan dago eta Caldes, laugarrenean. Txingudi berriz, bostgarren postuan kokatuta dago, lehiaketatik kanpo.

Touch modalitate hau berezia da eta jatorrizko errugbitik aldentzen da zenbait alderditan, hala nola, plakajeen ordez eskuekin ukitu behar dela aurkaria eta ezin dela baloiari ostikorik eman. Gainera, Ligak taldeak mistoak izatera behartzen ditu eta horregatik, hiru emakume eta hiru gizon egon behar dira zelaian neurketa guztian zehar. Zaisa Txingudik ezin duenez azken baldintza hau bete, lortzen dituen emaitzek ez dute sailkapenean eraginik izango, lehiaketatik kanpo geratzen baita. Hala ere, jardunaldia hauetan parte hartu izana urrats handia izan da taldearentzat, eta hurrengo urteetan bertan lehiatzen egongo denaren itxaropena du klubak.

ZAISA TXINGUDIKO 16 ETA 18 URTEZ AZPIKO TALDEAK HERNANIN
Errugbia

ZAISA TXINGUDIKO 16 ETA 18 URTEZ AZPIKO TALDEAK HERNANIN

Gainera, 14 urtez azpiko taldeko sei jokalari Gipuzkoako selekzioarekin izanen dira 

Larunbat honetan,...

MONTSENY TOUCHEK IRABAZI ZUEN MAILAZ IGOTZEKO AUKERA
Errugbia

MONTSENY TOUCHEK IRABAZI ZUEN MAILAZ IGOTZEKO AUKERA

Aurreko larunbatean Plaiaundin ospatu zen Rugby Touch Txapelketa eta Montseny izan zen jardunaldiko garailea

Pasa...

ZAISA TXINGUDIKO TOUCH SAILAK JARDUNALDI ERABAKIGARRIA PLAIAUNDIN
Errugbia

ZAISA TXINGUDIKO TOUCH SAILAK JARDUNALDI ERABAKIGARRIA PLAIAUNDIN

Larunbatean errugbi touch modalitateko Estatuko 1. Mailara igotzeko neurketak jokatuko dira Plaiaundin

Larunbat...

IRUN RUGBY EGUNAREN BIGARREN EDIZIO ARRAKASTATSUA
Errugbia

IRUN RUGBY EGUNAREN BIGARREN EDIZIO ARRAKASTATSUA

Bi urteren ondoren, bigarren edizioarekin bueltatu zen Irun Rugby Eguna eta ehunka lagun bildu zituen Irungo kaleetan

ZAISA TXINGUDIK ERRUGBIAREN EGUNA OSPATUKO DU BIHAR
Errugbia

ZAISA TXINGUDIK ERRUGBIAREN EGUNA OSPATUKO DU BIHAR

Egun guztiko ekitaldiak antolatu ditu klubak, Plaiaundin eta Irungo Kale Nagusian ospatuko direnak

Bi urteren...

ZAISA TXINGUDI BIGARREN MAILARA JEITSIKO DA
Errugbia

ZAISA TXINGUDI BIGARREN MAILARA JEITSIKO DA

Aurreko igandean Riojaren aurka 27-21 galdu ondoren, bidasotarrek bigarren mailan jokatuko dute datorren denboraldian

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika