AITOR ZULAIKA: “LEIOA GUTXIREKIN ASKO ERAGITEN DUEN TALDEA DA”
Futbola

AITOR ZULAIKA: “LEIOA GUTXIREKIN ASKO ERAGITEN DUEN TALDEA DA”

Entrenatzaile azpeitiarrak Real Unioneko jokalariak denboraldia hasteko gogo betez daudela adierazi du gaur egindako prentsaurrekoan.

Real Unionek aurreko asteburuan ekin behar zion denboraldi berriari, baina, bi jokalari Covidaz kutsatuta zeudela atzeman ondoren, Alaves B-ren aurkako neurketa bertan behera geratu zen. Osakidetzak gidatutako protokolo guztiak bete ondoren, talde txuri-beltza igandean Sarriena futbol zelaian Leioaren aurka jokatuko duen neurketa prestatzeko gogo betez eta osasuntsu bueltatu zen.

Aitor Zulaikak aitortu du, “igandetik asteartera bitarteko egunak zailak izan direla plantilarentzat, baina behin arazoa konponduta, taldea gogotsu dago igandeko neurketari begira”. Leioa izango du Real Unionek arerio, bere futbol zelaian garaitzea oso zaila izaten den taldea. Hala uste du behintzat entrenatzaile azpeitiarrak; izan ere, bere ustez, “Leioa oso ondo landutako taldea da, arerioari beti gauzak zail jartzen dizkiona. Gutxi eginda asko eragiten dute jokoan. Oso talde arriskutsua da”. Zulaikak argi du Real Unionek defentsan sendotasuna erakutsi behar duela, “oso adi izan behar gara Pradera eta Iurrebasok egiten dituzten mugimenduekin, bi jokalari hauek eragin handia izan dezakete partidan”.

Real Unioni dagokionez, neurketa hainbat baja nagusirekin aurre egingo dio neurketari. Guille Donoso oraindik zalantzan dago jokatuko duen ala ez, baina argi dagoena da, Javi Martinezek eta Ekhi Bravok ezingo direla berdegunean izango. Lehenak, prozesu mediku bat jarraitzen ari da aste batzuen buruan entrenamenduetara bueltatzeko; eta bigarrenak, lotailuan izandako hausturan berriz min hartu du eta denboraldi baterako zelaietatik kanpo izango da.

Horrekin guztiarekin, Real Unionek asteburu honetan denboraldi berri eta ez-ohiko honi hasiera emango dio. Aurkaria, esan bezala, Leioa izango da, dagoeneko hiru neurketa ofizial jokatu duen taldea. Ikusteke dago bi taldeen erritmo desberdinek eragina izan dezaketen neurketan. 

REAL UNIONEKO JOKALARI OHIAREN GOLAK TXURI-BELTZEN PORROTA ERAGIN DU
Futbola

REAL UNIONEKO JOKALARI OHIAREN GOLAK TXURI-BELTZEN PORROTA ERAGIN DU

Aimar Sagastibeltzak, Real Union taldeko atzelaria zenak, Amorebietaren aldeko gola erdeitsi du, eta beraz, hiru puntuak Urritxeko zelaian geratu...

GIPUZKOAKO DERBIA UNIONENTZAT
Futbola

GIPUZKOAKO DERBIA UNIONENTZAT

Real Unionek aste gogor bezain exijente bat garaipenarekin (0-1) itxi du gaurkoan. Barakaldo eta Alaves Bren aurka lehiatu ostean, eguerdian Zubietan Xabi Alonsok...

GAZTEEK BETERANOTASUNA ERAKUTSI DUTE
Futbola

GAZTEEK BETERANOTASUNA ERAKUTSI DUTE

Real Unionek neurketa ona jokatu duen arren eta Alaves B-k 1-2 menderatu ostean, ezin izan du denboraldiko hirugarren garaipena eskuratu.

Lehen...

EURIPEAN KANTARI REAL UNION
Futbola

EURIPEAN KANTARI REAL UNION

Neurketa gogor batean, Real Unionek denboraldiko bigarren garaipena erdietsi du, 2-1 uneoro gauzak oso zail jarri dituen Barakaldoren aurka.

Real Unionek...

AZKENEAN, STADIUM GALEN
Futbola

AZKENEAN, STADIUM GALEN

Kosta zaio, baina asteburu honetan Real Unionek 2020-2021 denboraldiko lehen neurketa jokatuko du Stadium Galen. Aurrean, aurkari ezaguna izango dute, Aitor...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika