ASOBAL LIGAKO BIGARREN POSTUAN JARRAITZEN DU BIDASOAK
Eskubaloia

ASOBAL LIGAKO BIGARREN POSTUAN JARRAITZEN DU BIDASOAK

 Bigarren itzuliko zazpigarren garaipena erdietsi zuen larunbatean Bidasoak 23-28 Secin Group Alcobendas mendean hartu eta gero 

Secin Group Alcobendas (14+9): Patotsky, de la Rubia (3), Pelidija (3), Guiterrez (1), Santi Lopez (1), Gimeno (3), Crespo (3); Anton Martin, Catalina (4), Jose Antonio Lopez (3), Velasco (1) Ortega, Villoria (1), Nieto eta Thorsson.

Bidasoa-Irun (15+13): Rangel Luan, Zabala (3), Kauldi (2), Serrano, De la Salud (2), Rodrigo Salinas (4), Seri (9); Ledo, Cavero, Aldaba (1), Tesoriere, Barthe, Esteban Salinas (3) eta Leo Renaud (4) 

Secin Group Alcobendas eta Bidasoaren artekoa neurketa estua izan zen. Bidasoako jokalariek espero zuten norgehiagoka lehiatua jokatu zuen Alcobendasek baina bigarren zatian Jacobo Cuetararen jokalariak gehiago izan ziren eta bi puntuak Irunera eramatea lortu zuten.

Esan bezala, lehen zatian bi taldeek zituzten atezainen ateak zulatzeko erraztasunak, hala ere, 0-2ko partzialarekin hasi zen partidua. Baina Alcobendas oso talde gogorra da Los Sueñoseko kantxan eta neurketa berdintzeaz gain, lau goleko errenta ere eskuratu zuten (11-7). Hortik aurrera, Bidasoak lehia berdintzea lortu zuen eta defentsan oinarritutako lanean markagailuan aurretik jarri ziren atsedenaldira iritsi aurretik. Lehen 30 minutuak igaro ondoren, markagailuak 14-15 Bidasoaren alde adierazten zuen.

Bigarren zatian Jacobo Cuetararen mutilek argi zuten ezin zutela Alcobendasi aukerarik eman. Defentsa gogor aritu zen eta bigarren zatian Rangel Luan atezain brasildarrak geldiketa bikainak lortu zituen. Guzti honek eta erasoan egindako mugimedu onek, 40.minutuan momenturarte neurketaren errentarik nagusiena lortu zuten, hiru golekoa (18-21). Zazpi minutu geroago, lau goleko diferentzia eskuratu zuten (20-24) eta geroztik, irundarrek markagailua bikain kudeatu zuten. Amaieran, 23-28ko emaitzarekin bukatu zen neurketa, bigarren itzuli honetan zazpigarren garaipena erdietsita.

Gaurko partiduaren ondoren, lau puntu jokatzeke daude Asobal Ligan, beraz, matematikoki Bidasoa hirugarren sailkatua izan liteke, 1995-1996 denboralditik gauzatzen ez zuen balentria. Momentuz, Bidasoa 41 punturekin Asobal Ligako bigarren sailkatua da eta puntu bat gutxiagorekin Balonmano Logroño La Rioja atzetik du. 35 punturekin laugarren eta bostgarren postuan Abanca Ademar Leon eta Fraikin Granollers daude eta seigarren sailkatua Liberbank Cuenca da 33 punturekin.

Etorkizunari begira, bi jaurdunaldi besterik ez dira geratzen Asobal Liga hau bukatzeko eta dena jokatzeke dago oraindik. Lehen lehia gogorra datorren asteburukoa izango da, izan ere, sailkapeneko hirugarren sailkatua den Balonmano Logroño La Riojaren kantxa bisitatuko dute. Bi aste barruko neurketa ezta ez da batere erraza izango, liga bukatzeko Liberbank Cuenca jasoko dute Artalekun. 

MIKEL ZABALA 2023ra  ARTE LOTU DU BIDASOAK
Eskubaloia

MIKEL ZABALA 2023ra ARTE LOTU DU BIDASOAK

Bidasoak eta Mikel Zabalak 2023ko ekainaren 30era arte luzatu dute elkarri lotzen dien akordioa.

Bidasoak ezker hegalekoa 2018ko udan fitxatu zuen Somos...

BESTE URTE BAT DE LA SALUDEN GIDARITZAPEAN
Eskubaloia

BESTE URTE BAT DE LA SALUDEN GIDARITZAPEAN

Bidasoa eta Sergio de la Salud akordio batetara iritsi dira urtebetez kontratua berritzeko. Bartzelonakoaren hirugarren denboraldia izango da Bidasoaren elastikoa...

RUDY SERIK BIDASOA UTZIKO DU
Eskubaloia

RUDY SERIK BIDASOA UTZIKO DU

 Sacyr Asobal Ligan jokatzeko eskaintzak zituen arren, Frantziako Lehen Mailara igo berri den Cesson taldean jokatuko du datorren...

OFIZIALKI, DATORREN DENBORALDIAN BIDASOAK EUROPAN JOKATUKO DU
Eskubaloia

OFIZIALKI, DATORREN DENBORALDIAN BIDASOAK EUROPAN JOKATUKO DU

Espainiako Federazioaren Batzorde delegatuak atzo onartu zuen denboraldia lehen itzuliko sailkapenarekin bukatzea, beraz, Bidasoak 2019-2020 denboraldia hirugarren...

BIRTUALKI BADA ERE, BIDASOA EUROPAN IZANGO DA DATORREN URTEAN
Eskubaloia

BIRTUALKI BADA ERE, BIDASOA EUROPAN IZANGO DA DATORREN URTEAN

RFEBM-ko zuzendaritza direktiboak lehen itzuliko emaitzekin Sacyr Asobal Liga bukatutzat ematea proposatu du, beraz, Bidasoak erdietsitako hirugarren postuan...

FINAL LAURDENETAN KALE
Eskubaloia

FINAL LAURDENETAN KALE

Sacyr Asobal Ligako Errege Kopan Bidasoak lehen eliminatorian kale egin zuen, Benidormek 26-29 garaitu zituzten

Bidasoa Irun (13+13). Rangel,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika