ASOBAL LIGAKO BIGARRENAK!
Eskubaloia

ASOBAL LIGAKO BIGARRENAK!

Denboraldia amaitzeko jardunaldi baten faltan, Bidasoak Logroñon historia egin du garaipenaren bitartez Asobal Ligako bigarren postua ziurtatu eta gero. 1993-1994 urtetik horrelakorik lortzen ez zenik

26– BM. Logroño La Rioja (15+11): Sergey Hernández (p), Ilic (4), Javier Muñoz (5,1p), Moreira (3), Kukic (4), Del Arco (2), Garciandia (4), Sánchez Migallón, Balenciaga (3), Fekete (1) y Scott.

28– Bidasoa Irun (13+15): Xoán Ledo (p)(1), Cavero (2), Mikel Zabala, Iker Serrano, Paco Barthe (5), Tesoriere, Seri (4), Kauldi (4,1p), Esteban Salinas (1), De la Salud (4), Leo Renaud (5) y Rodrigo Salinas (2). 

Bidasoak Asobal Ligako bigarren sailkatu bezala denboraldia bukatzea ziurtatu du etxetik kanpo ligako hirugarrena den Balonmano Logroño La Rioja 26-28 mendean hartuz. Bidasoako 300 zale inguru bertaratu ziren Errioxara eta sekulako jaia antolatu zuten norgehiagoka bukatu eta gutxira.

Etxeko taldea abiada bortitzean hasi zuen norgehiagoka eta azkar 3-0eko partziala lortu zuen. Jacobok argi ikusi zuen neurketa gelditu beharra zuela eta zortzigarren minutuan markagailuak 6-3 adierazten zuela hutsartea eskatu zuen. Ordutik aurrera, Bidasoak lau gol atzetik egon bazen ere, errentak gol batetara murriztea lortu zuen (10-9, 19.minutuan). Baina atsedenaldira iritsi aurretik, Balonmano Logroño La Riojak bi gol errenkadan sartu zituen eta beraz, dena jokatzeke aldageletara 15-13koarekin joan ziren bi taldeak.

Bigarren zatiko aginte makila berriro ere etxeko taldeak hartu zuen. Neurketa irabaztera irten ziren, horrela, lehen zatian izandako errenta nagusia gainditu zuten bost goleko errenta lortuz (21-16, 39.min). Hala ere, Bidasoak buru hotz zuela bere lana egiten jarraitu du eta 22-17koaren ondoren, Paco Barthe ikusgarri baten gidaritzapean eta Xoan Ledo seguru bati esker markagailua irauli zuen. 1-9ko partzial ikaragarri bat erdietsi zuten Jacobo Cuetararen mutilek eta partiduan zehar lehen aldiz, 23-25 aurretik jarri ziren markagailuan. Hamar minutu geratzen ziren neurketa bukatzeko eta bi goleko errenta bikain kudeatu zuten irundarrek amaieran 26-28koarekin partidua bukatzeko.

Garaipen honekin, Bidasoak bigarren itzulian etxetik kanpo jokatutako neurketa guztiak irabazi ditu, 43 puntu eskuratzera iritsi da eta 40 punturekin Balonmano Logroño La Rioja atzean uzten du matematikoki Asobal Ligako bigarren postua matematikoki lortuta. Txapeldunordea bada ere, bigarren postu honek txapeldunaren zaporea uzten du. 

24 URTE ONDOREN GARAIPENA EUROPAN
Eskubaloia

24 URTE ONDOREN GARAIPENA EUROPAN

Izugarrizko neurketa eginez Bidasoak Tartan Presov talde eslovakiarra 23-25 menderatu zuen, 24 urte ondoren, Bidasoaren kamiseta horia EHF Txapelketan garaipen...

MILOS ORBOVIC BIDASOAREN HEGALEKO BERRIA
Eskubaloia

MILOS ORBOVIC BIDASOAREN HEGALEKO BERRIA

Bidasoak atzo ezagutarazi zuen 26 urteko jokalari serbiarra urte baterako sinatu dutela Rodrigo Salinasekin batera ezker hegalean aritzeko

Bidasoa eta...

GEROZ ETA GERTUAGO DAUDE
Eskubaloia

GEROZ ETA GERTUAGO DAUDE

Bidasoak 23-26 galdu zuen Bartzelona ahalguztidunaren aurka, majo sufritu eta asko izerdituta hori bai, Bidasoa Europarako prest dagoela erakutsi baitzuten...

AURREKO DENBORALDIKO BIDE BERETIK JARDUN ZUEN BIDASOAK
Eskubaloia

AURREKO DENBORALDIKO BIDE BERETIK JARDUN ZUEN BIDASOAK

Asobal Ligako denboraldi berriko lehen neurketan Leongo Ademarren aurka aritu zen talde irundarra eta oso sendo 27-33 irabazi zuen, beste behin ere sasoiko daudela...

MATHEUS FRANCISCO DA SILVA, BIDASOAREN LEHEN FITXAKETA
Eskubaloia

MATHEUS FRANCISCO DA SILVA, BIDASOAREN LEHEN FITXAKETA

Bidasoak defentsa indartzeko helburuarekin, 1,98 metroko altuera duen 21 urteko gazte brasildarra fitxatu du hurrengo bi urteetarako

Bidasoak eta Esporte...

LEO RENAUD-DAVID 2020ra ARTE
Eskubaloia

LEO RENAUD-DAVID 2020ra ARTE

Leo Renaud-Davidek (Amiens, 1987) beste urtebetez Bidasoaren kamiseta horia janzten jarraituko du 2020ko ekainaren 30era arte

Duela lau urte talde...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika