BARTZELONA SLEKEZIOA DA
Eskubaloia

BARTZELONA SLEKEZIOA DA

Lehen bukatzeko, porrot mingarria jaso du Jacobo Cuetararen taldeak. Hori bai, Asobal Ligako 2.bezala eta Asobal zein Errege Kopako sailkatze-txartelak ziurtatuta.

Bartzelona beste galaxia batean aurkitzen den taldea da. Europan zaila du gauzak zailak jartzen dizkion aurkariaren aurka lehiatzeko. Asobal Ligan, are eta zailtasun gehiago ditu; hain zuzen ere, Artalekun Asobal Ligako lehen bi sailkatuak lehiatu dira eta Xavi Pascualek zuzentzen duen taldeak (27-37) Bidasoa txikitu du. Lehen zatitik, neurketa erabakita utzi du. Bartzelona oso garaia den taldea da, azken egunetako Matheus Da Silvaren eta Dan Racotearen, taldeko bi gizon garaienen, bajaek min handia egin die kanpoko jokalariak defendatzeko unean.

Neurketaren prebian, Jacobo Cuetarak abisatu zuen, “Bartzelonako jokalariak sasoi betean eta Final Fourreko deialdian sartzeko anbizioarekin etorriko dira Artalekura”. Esan eta egin. Neurketa oso indartsu hasi dute Xavi Pascualen jokalariek, 5.minutuan 2-4 aurreratu dira eta 0-5eko partzial goiztiarra baliatuta, 3-9 urrundu dira markagailuan. Jacobo Cuetarak hutsartea eskatzera behartuta ikusi da, Bidasoa, gutxi bada ere, erasoan eta defentsan egonkortu da eta Cavero zein Serranoren golek partiduan mantendu dute. Hala ere, Bartzelonak ondo baliatu du duen plantel luzea. Hasieran Palmarsonek eta Dika Memek gol-kopuru handiena erdietsi badituzte, ondoren, Ludovic Fabregasek erreleboa hartu eta hiru gol jarraian egin ditu. Bidasoa, beti ere, neurketan zentratua izan da, baina Bartzelonaren aurka gutxi dago egiteko. Salinasek eta Kauldi hiru bider, Bidasoa 12 goletara hauspotu dute. Hori bai, N’Guessanen 3 golek 12-20 urrundu dute markagailua. Kevin Mollerrek atepean egindako lana azpimarratzekoa izan da ere bai. Lehen zatian, maila handiko 6 geldiketa gauzatu ditu (orotara, 14 gauzatu ditu).

Bidasoa ezinezkoak diruditen balentriak gauzatzera ohitutak gaitu; gaurkoa, aldiz, benetan ezinezkoa izan da. Alabaina, Bidasoak ez du amore eman eta bigarren zatiko lehen minutuetan aurrez-aurre ekin dio Bartzeloren atea zulatu lanetan. Gutxi iraun dute Azkue eta Zabalaren bi golek, Aleix Gomezen, Memen eta Raul Entrerriosen golen bitartez, 11 goleko errenta lortu du Bartzelonak (14-25). Luka Cindricen golak hauspotuta, 12 goleko abantaila nagusia lortu du ere bai Bartzelonak eta Jacobo Cuetarak, neurketa gelditzeko intentzioarekin, hutsarte berri bat eskatu du (18-31, 40.minutuan). Zifra horietan mantendu da neurketa, Bidasoak saiakerak egin ditu aldea murriztu eta markagailuan gerturatzeko, baina Bartzelonak izugarrizko botorea duela demostratu du neurketa osoan zehar. Azkenean, Bidasoa 10 goletara hurbiltzeko gaitasuna izan du, Mikel Zabala eibartarrak egin du neurketako azken gola. Xoan Ledo, bigarren zatian, Bidasoaren atea defendatzen aritu da eta Jose Manuel Sierrak baino egun hobea izan du. Bigarren zatian, 8 geldiketa gauzatu ditu. 

BILLERE GAILENDU DA BIGARREN LAGUNARTEKOAN
Eskubaloia

BILLERE GAILENDU DA BIGARREN LAGUNARTEKOAN

 Etxeko taldeak bigarren zatian erritmo eta lehiakortasun gehiago erakutsita, 27-25 gailendu zaio Bidasoari. 

Nicolas Bonnanok Munduko...

URDANETA ERE GARAITU DU ILCAPO HONDARRIBIAK
Eskubaloia

URDANETA ERE GARAITU DU ILCAPO HONDARRIBIAK

Aitor Etxaburuk zuzentzen duen taldeak, bizkaiko lurretan denboraldiko bigarren garaipena erdietsi zuen (30-34) eta sailkapeneko liderra bezala mantentzen...

LEHEN PROBA GAINDITUTA
Eskubaloia

LEHEN PROBA GAINDITUTA


 Bidasoak atzo Bada Huescaren aurka denboraldi-aurreko lehen jardunaldia jokatu eta 27-29 garaitu...

DONAT BARTOKEK EZ DU BIDASOAREKIN BIGARREN ITZULIA JOKATUKO
Eskubaloia

DONAT BARTOKEK EZ DU BIDASOAREKIN BIGARREN ITZULIA JOKATUKO

Kadetten Schaffhausen talde suitzarrak orain arte Bidasoako eskuin hegalekoa zena denboraldi amaierara arte fitxatu du. 

Bidasoak Bada Huescaren...

JIPOIA DENBORALDIA HASTEKO
Eskubaloia

JIPOIA DENBORALDIA HASTEKO

Indartsu hasi du 2021 urtea Ilcapo Hondarribiak, Euskadiko Senior Ligari zegokion neurketan 27-10 irabazi zuen Gure Auzune talde...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika