“BARTZELONAK SELEKZIOAK GARAITUKO LITUZKEEN TALDEA DU”
Eskubaloia

“BARTZELONAK SELEKZIOAK GARAITUKO LITUZKEEN TALDEA DU”

Lehen itzulia bukatzeko, Bidasoak Bartzelona ahalguztidunaren aurka jokatuko du. Lehen sailkatuaren eta bigarrenaren arteko neurketa sutsua izango da.

Iritsi da eskubaloi eta Bidasoaren zaleak hainbeste itxaron behar izan duten neurketa. Artalekura ikusleak hurbildu ezin badira ere, talde irundarraren jarraitzaile orok Bartzelonaren aurkako neurketaren esperoan igaro du lehen itzuli osoan zehar. Denboraldiko hirugarren jardunaldian jokatu beharreko neurketa, bihar 12:00etan jokatuko da. Minbiziaren aurka dirua jaso nahian, Bidasoak arrosa koloreko kamisetakin jokatuko du eta nork daki, agian zortea eman lezake.

Prebiaren izenburuak dioena oso potoloa da, horrela deskribatu du Jacobo Cuetarak, Bidasoako entrenatzaileak, bihar aurrean izango duen taldea: “Bartzelona honek munduko selekzio onenak garaitzeko gai da”. Are gehiago, “Asobal ligako hirugarren sailkatuari 16 goleko aldeaz irabazi zuen, laugarrenari 11 golengatik eta pasaden jardunaldian, Bada Huesca 39-19 txikitu zuten”, gehitu du. Horrelako adierazpenekin zaila dirudi Bidasoak garaipena lortzeko aukerak izan ditzakeela pentsatzeak, baina Bidasoaren maila ere goraipatu nahi izan du. “Argi dago ez gaudela Bartzelonaren mailan, baina Asobal Ligako bigarrenak gara eta norbaitek Bartzelona garai badezake, gu gara. Ia ezinezkoa da, baina batzuetan horrelakoak gertatzen dira”. Horrelako neurketetan, zalegoaren presentzia zinez garrantzitsua da; biharko egunean, Bidasoako bazkideak ezin izango dira presente izan, eta horrek, Cuetararen ustez, “garaipena eskuratzeko aukerak murrizten ditu”.

Jokalarientzat munduko onenen aurka jokatzea beti izaten da berezia, beti izaten dute presente aukera nimiñoa hauei min handiena emateko. Iker Serranoren, Bidasoako kapitainaren, esanetan, “badakigu oso neurketa zaila dela, munduko jokalari onenetarikoen aurka jokatuko dugula, baina beti duzu garaipena lortzeko esperantza. Taldea gogotsu dago, behingoz, Bartzelona garaitzeko aurrerapausua emateko”. Azken urteetan Bidasoa gero eta hurbilago izan du garaipena, Bartzelona sufriarazi du, baina 2002 urtetik ezin izan dute talde kataluinarra garaitu. Talde irundarraren kapitainak, desiraz eta positibotasun beteriko mezua bidali nahi izan die bihar telebistan neurketa jarraituko duten Bidasoazale guztei: “badakigu urtea zaila izaten ari dela, gustatuko litzaiguke biharko neurketa gure zalegoarekin bizitzea, baina horri ere aurre egingo diogu eta gure ahalmen guztiekin, zaleentzako garaipena lortzen saiatuko gara”.

Racotea eta Matheus Da Silvak ez dute jokatuko. 

Erasoan eta defentsan bi baja garrantzitsu izango ditu Bidasoak biharko neurketari begira. Biek, Dan Racoteak eta Matheus Da Silvak, bi metroak gainditzen dituzte eta Bartzelona bezalako talde baten aurka, jokalari altuak pistan izatea ezinbestekoa izaten da. “Garaipena lortzeko aukera gutxi bagenituen, Racotea eta Da Silvaren bajekin are gutxiago, jokalari garaiak eta garrantzitsuak dira guretzat, zer esanik ez Bartzelonaren aurka”.

Horrekin guztiarekin, Bidasoak bihar lehen itzuliari amaiera emango dio, garaipena lortu ala porrota jasan, sekulako lehen itzulia: 26 punturekin Sacyr Asobal Ligako bigarren sailkatuak, Errege Koparako sailkatuak eta Asobal Koparako sailatuak. 

BILLERE GAILENDU DA BIGARREN LAGUNARTEKOAN
Eskubaloia

BILLERE GAILENDU DA BIGARREN LAGUNARTEKOAN

 Etxeko taldeak bigarren zatian erritmo eta lehiakortasun gehiago erakutsita, 27-25 gailendu zaio Bidasoari. 

Nicolas Bonnanok Munduko...

URDANETA ERE GARAITU DU ILCAPO HONDARRIBIAK
Eskubaloia

URDANETA ERE GARAITU DU ILCAPO HONDARRIBIAK

Aitor Etxaburuk zuzentzen duen taldeak, bizkaiko lurretan denboraldiko bigarren garaipena erdietsi zuen (30-34) eta sailkapeneko liderra bezala mantentzen...

LEHEN PROBA GAINDITUTA
Eskubaloia

LEHEN PROBA GAINDITUTA


 Bidasoak atzo Bada Huescaren aurka denboraldi-aurreko lehen jardunaldia jokatu eta 27-29 garaitu...

DONAT BARTOKEK EZ DU BIDASOAREKIN BIGARREN ITZULIA JOKATUKO
Eskubaloia

DONAT BARTOKEK EZ DU BIDASOAREKIN BIGARREN ITZULIA JOKATUKO

Kadetten Schaffhausen talde suitzarrak orain arte Bidasoako eskuin hegalekoa zena denboraldi amaierara arte fitxatu du. 

Bidasoak Bada Huescaren...

JIPOIA DENBORALDIA HASTEKO
Eskubaloia

JIPOIA DENBORALDIA HASTEKO

Indartsu hasi du 2021 urtea Ilcapo Hondarribiak, Euskadiko Senior Ligari zegokion neurketan 27-10 irabazi zuen Gure Auzune talde...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika