BERDINKETA NEURKETA ZAIL BATEAN
Eskubaloia

BERDINKETA NEURKETA ZAIL BATEAN

Irabaztekoa zuten neurketa oso zaila bilakatu zen eta Bidasoak Cangas Frigorificos del Morrazoren aurka 22-22 berdindu zuen

22 – Bidasoa-Irun (12+10): Rangel (p), Cavero (2, 1 p), Zabala (4), Serrano, Renaud (2), Rodrigo Salinas (2), Azkue (3, 1 p.) –hasierako zazpikoa-, Ledo (ps), Aldaba (1), Kauldi (3), Esteban Salinas (1), Barthe (1), De la Salud, Tesoriere y Seri (3).

22 – Frigoríficos Cangas de Morrazo (11+11): Díaz (p), Vujovic (2), Cancio (2), Gavidia, Cerqueira (3), Menduiña, Muratovic (4) –hasierako zazpikoa-, Fernández (ps), Simes (3, 1 p.), Aranda, Soliño (3), Chapela (4), Iglesias (1), Mitic y Castro. 

Neurketa Bidasoaren aldeko abantaila txikiarekin hasi zen, irundarrak lehen minutuetan aurretik jarri ziren, beti ere, gehienez hiru goleko errenta izenez. Beti bezala, Bidasoaren defentsa oso ongi moldatu zen eta Brasilgo selekzioarekin jokatzeko hautatu berria izan den Rangel Luanen lanaren bitartez, lehen 25 minutuetan Morrazo zortzi goletan uztea ahalbidetu zuen. Hala ere, azkeneko hiru minutuetan 1-3ko partziala lortu zuen talde galiziarrak eta atsedenaldira 12-11 emaitzarekin iritsi zen Bidasoaren alde.

Atsedenik egon ez balitz bezala, bigarren zatia lehen zatiko azkeneko minutuen bide beretik hasi zen eta kanpoko taldeak neurketan lehen aldiz markagailua berdintzea lortu zuen (14-14, 36.minutuan). Aurretik jartzeko bi aukera izan zuten ere, baina Bidasoaren defentsa bikain egon zen eta 41.minutuan Rodrigo Salinasen eta Kauldi Odriozolaren golen bitartez 17-15ekoa adierazten zuen markagailuan.

Neurketaren amaierara iristeko 20 minuturen faltan, Artalekun dena erabakitzeko zegoen. Talde galiziarrak joanekoan 21-20 irabazi zuen talde irundarri eta beraz, Jacobo Cuetararen taldea ezin zen fidatu. Norgehiagokak tentsio handia zuen eta Jacobo Cuetararen mutilek ongi kudeatzen hasi ziren lau goleko errenta lortuz (21-17, 48.minutuan). Baina dena okertu zen. Bidasoa hamar minutu egon zen golik sartu gabe eta Morrazo pixkanaka markagailuan hurbiltzen hasi zen. Hurbildu eta aurretik jarri, Muratovic beteranoak 21-22koa jarri zuen markagailuan. Minutu bat falta zen neurketaren amaierarako, Jon Azkuek penalti baten bidez neurketa 22-22 berdindu zuen eta hurrengo jokaldian Xoan Ledok galiziarren aldeko zazpi metroko jaurtiketa eten zuen. Azken erasoa irundarrentzat izan zen, baina Mikel Zabalaren jaurtiketa zutoinera joan zen eta azkenen neurketa berdinketarekin bukatu zen.

Berdinketaren ostean, Bidasoa 28 punturekin sailkapeneko bigarren postuan Balonmano Logroño La Riojarekin berdinduta aurkitzen da. Asteazkenean Errege Kopako laugarren fasearen itzuliko partidua izango du Helvetia Anaitasunaren aurka eta larunbatean Teucroren aurka arituko da Asobal Ligako 22.jaurdunaldian. Bi neurketa etxetik kanpo aste berean.   

BERDINKETA NEURKETA ZAIL BATEAN
Eskubaloia

BERDINKETA NEURKETA ZAIL BATEAN

Irabaztekoa zuten neurketa oso zaila bilakatu zen eta Bidasoak Cangas Frigorificos del Morrazoren aurka 22-22 berdindu zuen

22 – Bidasoa-Irun...

DUELA URTE BATZUK AMETSA ZENA, ERREALITATE HUTSA EGUN
Eskubaloia

DUELA URTE BATZUK AMETSA ZENA, ERREALITATE HUTSA EGUN

Bidasoak 12 denboraldi Palau d’Esportsen irabazi egon eta gero, Granollersen oso garrantzitsua den eta bigarren postuan indartzea ahalbidetzen duen garaipena...

JAINKOAK GIZAKI BILAKATU ZIREN
Eskubaloia

JAINKOAK GIZAKI BILAKATU ZIREN

Bartzelonak asko izerditu behar izan zuen atzo Bidasoa garaitzeko, neurketa osoa oso parekatua izan zen, baina azkenean 17-21 Bartzelonaren alde bukatu zen...

BALENTRIA LEONEN
Eskubaloia

BALENTRIA LEONEN

20- Abanca Ademar León: Biosca (9 paradas), López, Simonet, Vieyra, J. Fernández (1), Mosic (5), Pesic (5) –hasierako zazpikoa-, Slavic (6 paradas) Carou, R. Pérez, Ligetvári (3), D....

BIGARREN ITZULIKO ARTALEKUKO LEHEN BI PUNTUAK ETXEAN GERATU DIRA
Eskubaloia

BIGARREN ITZULIKO ARTALEKUKO LEHEN BI PUNTUAK ETXEAN GERATU DIRA

28 – Bidasoa-Irun (12+16 ) : Ledo (p), Zabala (1), Kauldi (5, 1 p.), Barthe (1), Rodrigo Salinas (5), Tesoriere, Seri (6) –siete inicial-, Rangel (ps), Cavero (2), Aldaba, Serrano,...

BIGARREN ITZULIA BIDE BERETIK HASI DU BIDASOAK
Eskubaloia

BIGARREN ITZULIA BIDE BERETIK HASI DU BIDASOAK

19- Helvetia Anaitasuna (12+7): Bols (p), Bazan (1), Mendez (1), Etxeberria (3), Pujol, Chocarro, Vaquer-hasierako zazpikoa-, Salazar (ps), Gaston, Meoki (2), Krsmancic (5,2p), Goñi,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika