BIDASOA JAUN ETA JABE
Eskubaloia

BIDASOA JAUN ETA JABE

Bidasoak ez dio Puerto Saguntori aukerarik eman garaipena lortzea posible zutela sinesteko. 13 garaipenekin, Cuetararenek Asobal Koparako txartela ziurtatu dute.

29 – Bidasoa Irun (18+11): Sierra, Racotea (2), Zabala (6), Odriozola (2), Salinas (1), Tesoriere, Da Silva; Ledo, Cavero (5), Furundarena, Aginagalde (1), Serrano (2), De la Salud (2) , Azkue (3), Bartók (5, 1p) eta Bonanno.

22 – Fertiberia Puerto Sagunto (11+11): Guitart, Miralles (3), Gil (4), Camacho (2), Aizen (4), García (1), Kozina (4); Bengivenga, Mirallave (3), Querín, Corzo (1 p.) eta Pozzer.

Porrot mingarri baten ondotik, garaipena eskuratzeko anbizioa izan ohi du edozein taldek, baita Bidasoak ere. Arantzak kitatzeko modurik onena neurketa sendoa egin eta maisutasunez irabaztea da; hain zuzen ere, hori da gaur Bidasoak Puerto Saguntoren aurka lortu duena. Erraztasun handiarekin, lehen zatian neurketa ia erabakita utzi dute eta azkenean 29-22 irabazi diote Puerto Saguntori.

Sailkapeneko azken sailkatua den Puerto Sagunto, giza hesian jokalari garrantzitsua den, Gonzalo Carouren, bajarekin Bidasoari aurre egin behar izan dio. Nabaritu dute hutsunea. Neurketa nahiko berdintsu hasi bazen ere (2-2), 6-0eko partzialaren bidez, Bidasoa 7-2 agintzen jarri da lehen zazpi minutuetan. Mikel Zabala izan da lehen zatiko protagonista, Eibartarrak 6 gol egin ditu, horietako 4 lehen minutuetan eta kontra erasoan. Irundarrek erarik errazenean ari ziren golak egiten, defentsan golak ekiditen zituzten eta azkar erasotzen zuten Saguntoren atea. Talde valentziarrak erreakzio txiki bat izan du eta 8-5era hurbildu dira. Irudikapen bat besterik ez da izan. Lehen zatiko minutuak aurrera egin ahala, Bidasoak abantaila handitzen joan da. Zortzi goleko errenta lortu badute ere, Sagunto, berriz eta Bidasoak golak gauzatzerako orduan izan dituen zailtasun batzuengatik, bost goletara hurbildu da. Gutxirako balio izan du, lehen zatiaren amaieran, Bartoken bi gol eta Caveroren bat baliatuta 18-11 joan dira aldageletara.

Bigarren zatia lehenaren segida izan da. Uneoro Bidasoak 7-8 goleko errenta mantentzen jakin du, apuro handirik gabe igaro dituzte azken 30 minutuak. Azken neurketetan, talde irundarraren atezainak baloiak geratzeko orduan ez zebiltzan batere fin; gaur, berriz, Sierrak sekulako neurketa gauzatu du 14 geldiketa eginik (8 bigarren zatian egin ditu). Sierraren lana baliatuta, Kauldi Odriozolaren gol batek 22-12koa ezarri dute markagailuan, neurketako alderik handiena. 0-4ko partzialaren bidez eta atepean Pau Guitarten lana ardatz zutela, Saguntok markagailuan hurbiltzeko imintzioa egin du (22-16). Caverok eta Azkuek hirutan, partziala bueltatu dute, golek Bidasoa erasoan kokatuarazi dute eta egon zitezkeen zalantza guztiak alboratu dituzte. Neurketak erritmoa galtzen joan da eta azkenean 29-22ko garaipena lortu du Bidasoak. 

“URTARRILA HILABETE ERABAKIORRA IZAN OHI DA”
Eskubaloia

“URTARRILA HILABETE ERABAKIORRA IZAN OHI DA”

Hiru asteko atsedenaldiaren ostean, Sacyr Asobal Ligako bigarren itzulia prestatzen hasteko, Bidasoa duela minutu gutxi batzuk bueltatu da...

HIRU TALDE SENDO BIGARREN ITZULIA PRESTATZEKO
Eskubaloia

HIRU TALDE SENDO BIGARREN ITZULIA PRESTATZEKO

Bigarren itzulia lehena bezain ona izan dadin, Bada Huesca, Helvetia Anaitasuna eta Fenix Toulouse HB taldeen aurka arituko da Bidasoa.

Datorren...

MATHEUS DA SILVA MIN HARTUTA BUELTATU DA IRUNERA
Eskubaloia

MATHEUS DA SILVA MIN HARTUTA BUELTATU DA IRUNERA

Brasilgo selekzioarekin kontzentratuta zegoela, eskuin eskuko hirugarren metakarpianoan haustura izan du.

 Berri txarrarekin hasi du urtea Bidasoak....

BARTZELONA SLEKEZIOA DA
Eskubaloia

BARTZELONA SLEKEZIOA DA

Lehen bukatzeko, porrot mingarria jaso du Jacobo Cuetararen taldeak. Hori bai, Asobal Ligako 2.bezala eta Asobal zein Errege Kopako sailkatze-txartelak...

“BARTZELONAK SELEKZIOAK GARAITUKO LITUZKEEN TALDEA DU”
Eskubaloia

“BARTZELONAK SELEKZIOAK GARAITUKO LITUZKEEN TALDEA DU”

Lehen itzulia bukatzeko, Bidasoak Bartzelona ahalguztidunaren aurka jokatuko du. Lehen sailkatuaren eta bigarrenaren arteko neurketa sutsua izango...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika