BIDASOAK MULTZOEN FASEA PORROTAREKIN BUKATU DU
Eskubaloia

BIDASOAK MULTZOEN FASEA PORROTAREKIN BUKATU DU

25-23 galdu zuen Ipar Mazedoniako Eurofarm Rabotnic taldearen aurka, hala ere, aurreko astean C multzoaren lidergoa kontsolidatu zuten Artalekun

25 – HC Eurofarm Rabotnik (14+11): Chanevski, Ojleski, Markoski (4), Jotic, Petrovski, Ostroushko (8), Djukic (4); Mitrevski, Madzovski (1), Radovic (2), Shevelev (2), Vegar (1), Kukoski, Velkovski, Gradjan (1) eta Kuzmanoski (2).

23 – Bidasoa Irun (15+9): Rangel, Cavero (2), Crowley, Serrano (2, 1p.), De la Salud (1p.), Renaud-David (4), Seri (9); Ledo, Zabala (1), Esteban Salinas (2), Barthe (1), Santano, Nieto (1), Tesoriere eta Da Silva. 

Atzo Bidasoak ezin izan zuen Eurofarm Rabotnic taldea bere etxean, Ipar Mazedonian garaitu (25-23). Galdu arren, Jacobo Cuetararen taldeak C multzoko liderrak bukatuko zutela zekiten, baina euren buruetan multzoen fasea porrotik gabe bukatzea pentsatzen zuten. Azkenean ez zen horrela izan, eta Wisla Plocken aurka jokatu baino lehen, martxoan izango da hori, lehen porrota jasa zuten. Nabarmentzekoa da, Jon Azkue eta Kauldi Odriozolaren tankerako jokalariak etxean geratu zirela deskantsatzen.

Neurketaren hastapena oso berdinduta hasi zen, Rudi Serik zazpigarren minutuan bi goleko abantaila lortu zuen Bidasoarentzat (3-5), horixe izango zen talde irundarraren lehen errenta nagusia. Serik lehen zatian bost gol erdietsi zituen, Bidasoaren lehen zatiko goleatzaile nagusia izan zen; Milos Orbovic, Kauldi Odriozola eta Jon Azkueren bajekin, jokalari frantziarrak erasoko erantzukizuna hartu eta ondo bete zuen ere bai. Hamalaugarren minutuan 5-9ko aldea zuen Bidasoak eta hamar minutu geroagoa, abantaila 10-15ekoarekin mantentzen zen. Ipar mazedoniarrek ordea bere etxean garaipena erdietsi nahi zuten, eta lehen zatia bukatu baino lehen lau goleko partzial bat erdietsi zuten 14-15ekoa markagailuan ezartzeko.

Bigarren zatian, Gorka Nieto eta Martin Santano gazteek Velux EHF Champions Leaguen debutatzeko aukera izan zuten, baina bigarren zatian Bidasoak ez zuen aurrenekoan bezain ondo jokatu eta Eurofarm Rabotnikek erasoan gehiago asmatzen hasi zen. 34.minutuan, lehen aldiz neurketa osoan, etxeko taldea aurretik jarri zen markagailuan (18-17) eta ordutik bi goleko errentarekin mantenduko ziren Ipar mazedoniarrak. Jacobo Cuetararen taldea ez zen gehiago markagailuan aurretik jarriko, baina neurketa 23-23 berdintzea lortu zuten neurketako azken minutuetan, baina azkeneko 2-0eko partzialak, bi puntuak Bitolan geratzea ahalbidetu zuen (25-23).

Multzoko fasearen azken neurketa honen ondoren, Jacobo Cuetararen taldeak Asobal Ligako hiru jardunaldi jarraian jokatuko ditu espainiako ligako lehen itzuliari amaiera emateko. Hiruetatik lehena asteazkenean izango da, Artalekun Frigorificos del Morrazo Cangasen aurka hain zuzen ere. Aipatu bezala, Velux EHF Champions Leaguea martxoaren azken egunetan bueltatuko da.    

BIDASOAK ASOBAL KOPAN SARTZEKO AUKEREKIN JARRAITZEN DU
Eskubaloia

BIDASOAK ASOBAL KOPAN SARTZEKO AUKEREKIN JARRAITZEN DU

Bidasoak estreinekoz Balonmano Nava segoviartarren aurka jokatu du eta Bidasoaren 50 jarraitzaile ingururen aurrean, Asobal Kopan sartzeko aukerak izateko bi puntu...

BIDASOA GARAIPENAREN IBILBIDERA ITZULI DA
Eskubaloia

BIDASOA GARAIPENAREN IBILBIDERA ITZULI DA

Aise garaitu du Cangas de Morrazo talde galiziarra, lehen zatian bost goleko aldearekin iritsi dira eta amaieran 32-19 irabazi dute

32 -...

BIDASOAK MULTZOEN FASEA PORROTAREKIN BUKATU DU
Eskubaloia

BIDASOAK MULTZOEN FASEA PORROTAREKIN BUKATU DU

25-23 galdu zuen Ipar Mazedoniako Eurofarm Rabotnic taldearen aurka, hala ere, aurreko astean C multzoaren lidergoa kontsolidatu zuten Artalekun

25 –...

ETXEKO ALTXORRA 2020-2021 DENBORALDIAN BUELTAN IZANGO DA
Eskubaloia

ETXEKO ALTXORRA 2020-2021 DENBORALDIAN BUELTAN IZANGO DA

Julen Aginagaldek eta Bidasoak akordio batera iritsi dira 2020-2021 denboraldian berriz bideak batzeko. Ordea, Esteban Salinasek ez due datorren denboraldian...

IZUGARRIZKO BERDINKETA ETA LIDERTZA MATEMATIKOA BIDASOARENTZAT
Eskubaloia

IZUGARRIZKO BERDINKETA ETA LIDERTZA MATEMATIKOA BIDASOARENTZAT

Azken segunduan, Kauldi Odriozolaren zartako baten bidez, Bidasoak 32na berdindu zuen Lisboako Sportingen aurka eta jada, matematikoki, C multzoko liderrak...

ASOBAL LIGAN GARAIPENERA ITZULI DA BIDASOA
Eskubaloia

ASOBAL LIGAN GARAIPENERA ITZULI DA BIDASOA

Guadalajararen aurka etxetik kanpo berdindu ostean, Bidasoa garaipenera itzuli da Artalekun Puerto Sagunto 28-24 talde valentziarra garaituta 

28...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika