DUELA URTE BATZUK AMETSA ZENA, ERREALITATE HUTSA EGUN
Eskubaloia

DUELA URTE BATZUK AMETSA ZENA, ERREALITATE HUTSA EGUN

Bidasoak 12 denboraldi Palau d’Esportsen irabazi egon eta gero, Granollersen oso garrantzitsua den eta bigarren postuan indartzea ahalbidetzen duen garaipena eskuratu zuen atzo (24-25) 

24 – FRAIKIN BM. GRANOLLERS (13+11): Marc Guardia; Marc García, Oswaldo dos Santos (1), Adriá Figueras (7), Mamadou Gassama (2), Popovic, Antonio García (5, 4p) – hasierako zazpikoa- Almeida (ps), Marquez (3), Rakocija (1), Pol Valera (3), Alvaro Ferrer, Adriá Martínez (1), Pau Ferré, Sergi Franco, Víctor Sáez (1).

25 – BIDASOA-IRUN (14+11) Rangel; Zabala (1), Kauldi (1), Esteban Salinas (3), Sergio de la Salud (4,1p), Leo Renaud (7), Rodrigo Salinas (4, 1p) –hasierako zazpikoa- Xoan Ledo (ps), Cavero, Aldaba, Iker Serrano (1), Rudy Seri (2), Barthe (2), Tesoriere. 

Irundarrek sekulako garaipena erdietsi zuten Granollersen. Partidua bikain hasi bazuten ere, neurketan zehar asko sufritu eta lan handia egin behar izan zuten Fraikin Granollers mendean hartzeko. Jacobo Cuetararen taldea bikain zelairatu zen Palau D’Esportseko kantxara, beti bezala, defentsako lanean oinarrituta kataluniarrek baloi asko galtzea fortzatu zuten eta erasoan gol errazak lortzen zituzten kontraerasoen bitartez. Horrela, lehen 10 minutuetara 2-7ko markagailuarekin iritsi zen, bost goleko aldea lortu zuten irundarrek, eta horien artean, Iker Serranoren Liga Asobaleko 800.gola iritsi zen.

Baina Fraikin Granollers talde handia da eta partidua irabaztera behartuta zegoen Bidasoa aurreratzeko eta azkar batean hiru goletara hurbildu ziren. Jacobo Cuetarak 22.minutuan hutsartea eskatu zuen orduan kataluniarren erritmoa baretzeko, baina Leo Renaudeen eta Kauldi Odriozalen bi minutuko kaleratzeak baliatu zituzten atsedenaldira 13-14 markagailuan hurbiltzeko atsedenaldia iritsi baino lehen.

Lehen zatian ez bezala, bigarren zati osoa oso berdindua izan zen, hala ere, errenta handia ez bazen ere, Bidasoa beti mantendu zen markagailuan aurretik. Hortaz, 36.minutuko 16-16ko berdinketaren ondoren, Bidasoak markagailuan izan zuen alde handiena 39.minutuan Leo Renauden gol batek ezarri zuen, 17-19koa hain zuzen. Hamar minutu itxaron behar izan ziren berriro ere bi gol aurretik jartzeko, 20-22 49.minutuan, baina Xoan Ledoren geldiketa batek eta Seriren bonba batek norgehiagoka bukatzeko bederatzi minutu geratzen zirela 20-23koa ezarri zuen.

Ordea, neurketa ez zegoen batere erabakita eta neurketako azken hamar minutuak bigarren zatiko berdinketa estuarekin jarraitu zuen. Tentsio handia nabaritzen zen zelaian eta entrenatzaileek bi hutsarte eskatzera behartuta ikusi ziren. Jacobo Cuetarak eta Antonio Ramak egin beharreko guztiak azaldu zuten azkeneko minutuak jokatzeko, baina azken minutuetan Bidasoak erasoan asmatu eta azkenean, Fraikin Granollersi 24-25 gailendu zen. Zazpigarren aldia da 25 saiakeretatik talde irundarrak Palau D’Esportsen irabazten duela, lehena 2006-2007 denboralditik.

Iñaki Caverok Asobal Ligan jokatu zuen 100.neurketa honetan, Bidasoak bi puntu berri eskuratuta 27 punturekin sailkapeneko bigarren sailkatua izaten jarraitzen du, sailkapeneko hirugarrena, Fraikin Granollers hiru puntuko aldera utzita. Neurketa honen ondoren, Jacobo Cuetararen taldea astebete lehiatu gabe egongo dira, hurrengo kompromezua datorren asteazkenean izango baitute: Artalekun, Helvetia Anaitasunaren aurka, Errege Koparen laugarren kanporaketan arratsaldeko 20:15tan.  

24 URTE ONDOREN GARAIPENA EUROPAN
Eskubaloia

24 URTE ONDOREN GARAIPENA EUROPAN

Izugarrizko neurketa eginez Bidasoak Tartan Presov talde eslovakiarra 23-25 menderatu zuen, 24 urte ondoren, Bidasoaren kamiseta horia EHF Txapelketan garaipen...

MILOS ORBOVIC BIDASOAREN HEGALEKO BERRIA
Eskubaloia

MILOS ORBOVIC BIDASOAREN HEGALEKO BERRIA

Bidasoak atzo ezagutarazi zuen 26 urteko jokalari serbiarra urte baterako sinatu dutela Rodrigo Salinasekin batera ezker hegalean aritzeko

Bidasoa eta...

GEROZ ETA GERTUAGO DAUDE
Eskubaloia

GEROZ ETA GERTUAGO DAUDE

Bidasoak 23-26 galdu zuen Bartzelona ahalguztidunaren aurka, majo sufritu eta asko izerdituta hori bai, Bidasoa Europarako prest dagoela erakutsi baitzuten...

AURREKO DENBORALDIKO BIDE BERETIK JARDUN ZUEN BIDASOAK
Eskubaloia

AURREKO DENBORALDIKO BIDE BERETIK JARDUN ZUEN BIDASOAK

Asobal Ligako denboraldi berriko lehen neurketan Leongo Ademarren aurka aritu zen talde irundarra eta oso sendo 27-33 irabazi zuen, beste behin ere sasoiko daudela...

MATHEUS FRANCISCO DA SILVA, BIDASOAREN LEHEN FITXAKETA
Eskubaloia

MATHEUS FRANCISCO DA SILVA, BIDASOAREN LEHEN FITXAKETA

Bidasoak defentsa indartzeko helburuarekin, 1,98 metroko altuera duen 21 urteko gazte brasildarra fitxatu du hurrengo bi urteetarako

Bidasoak eta Esporte...

LEO RENAUD-DAVID 2020ra ARTE
Eskubaloia

LEO RENAUD-DAVID 2020ra ARTE

Leo Renaud-Davidek (Amiens, 1987) beste urtebetez Bidasoaren kamiseta horia janzten jarraituko du 2020ko ekainaren 30era arte

Duela lau urte talde...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika