Estu hartu du Real Unionek Barakaldo liderra
Futbola

Estu hartu du Real Unionek Barakaldo liderra

REAL UNION: Txusta, Azkoiti, Esnaola, Aimar, Urkizu, Rodellar, Mikel Alonso (Mujika, 81'), Eizmendi (Morcillo, 77'), Ozkoidi (Martins, 69'), Barrón, Galán.

BARAKALDO: Alejandro, Aguiar, Pomares, Quintanilla, Etxebarria (Martin, 45'), Albisua, Héctor (Armiche, 83'), Cusi, Iker Hernández (Yurrebaso, 72'), Alain Arroyo, Izquier.

GOLAK: 1-0: Esnaola (24'). 1-1: Alain Arroyo (41').

EPAILEA: Antonio López Toca. Txartel horiak: Rodellar (Real Union); Etxebarria, Cusi, Iker Hernández, Izquier (Barakaldo). Txartel gorria: Aimar Sagastibeltza (Real Union).

Norgehiagoka erakargarria hartu du Stadium Galek hamaseigarren jardunaldian. Neurketa bizia eta lehiatua. Multzoko lider sendoa da Barakaldo, eta partidarik galdu gabe heldu da Bidasoa ibaiaren ertzera. Boladari jarraipena ematea lortu du Galen, baina sufritu behar izan du puntua eskuratzeko. Presio itogarria egin dio Unioni lehen zatian. Ondorioz, txuribeltzek zailtasunak izan dituzte baloia atzetik ateratzeko. Jokaldiak landuta, hutsuneak topatuz joan dira, eta arriskua sortzen hasi dira Alejandroren atearen inguruan. Mikel Alonsok falta gogorra jaso du, areara bidean bakarrik zihoala. Txartel gorria ateratzeko arrazoia izan zitekeen, baina epaileak horia atera du. Haren erabakiek dezente baldintzatu dute partida.

24.minutuan, Iosu Esnaolak gol ederra sartu du. Mikel Alonsok falta bat atera du eskuin aldetik, ia hondoko marratik, eta atzelari oriotarrak buruz bidali du baloia sarera. Bigarrena sartzeko aukera ere izan du Esnaolak, beste aldetik ateratako falta batean. Zangoarekin eman dio bigarrenean, eta gora joan zaio errematea. 35.minutuan beste gol aukera argi bat eduki du Jorge Galanek. Eizmendik erdiratze aproposa egin du, baina aurrelari nafarrak kanpora bidali du burukada. Barakaldoren gola une estrategikoan heldu da. Real Union jaun eta jabe zen berdegunean, eta hurbil zirudien 2-0ekoak. Baina Alain Arroyok Txustaren pase okerra harrapatu du, eta banakoa jarri du markagailuan. Atsedenaldiaren atarian, gainera.

Kolpe mingarria izan da berdinketa Real Unionentzat. Hala ere, indartsu irten da bigarren zatian, lehenengoaren bidetik. 53.minutuan Eizmendik abagune ederra izan du, korner batean, Galanek baloia buruz ukitu ondoren. Bi minutu beranduago, Alonsok izan du bigarrena sartzeko aukera. Barronen pasea jaso du, baina kanpora egin du errematea. Garaipenaren bila jotzeko ardurak arazoak sortu dizkio Unioni kontraerasoan. Sor dezakeen arriskua erakutsi dio Barakaldok behin baino gehiagotan. Kontraeraso horietako bat hausteko faltaren ondorioz, txartel gorria ikusi du Aimar Sagastibeltzak, 74.minutuan. Beraz, hamar jokalarirekin aritu behar izan du talde txuribeltzak azken ordu laurdenean. Nabaritu du, sufritu arazi egin baitio Ezkerraldeko taldeak. Edonola ere, banakoari eustea lortu du Real Unionek.

BERDINKETA BERRIZ STADIUM GALEN
Futbola

BERDINKETA BERRIZ STADIUM GALEN

Real Unionek Calahorraren aurka beste berdinketa bat eskuratu zuen, oso neurketa berdindua izan zen eta bi taldeek gola egiteko aukerak izan bazuten ere, ate...

URREZKO HIRU PUNTU
Futbola

URREZKO HIRU PUNTU

Modurik onenean hasi du 2020.urtea Real Unionek; 96.minutuan, neurketako azken jokaldian, Galanek 0-1ekoa sartu eta hiru puntuak eskuratu zituen talde...

REAL UNION 2019a PORROTAREKIN BUKATU DU
Futbola

REAL UNION 2019a PORROTAREKIN BUKATU DU

Real Unionek 1-0 galdu zuen larunbatean Ibaian Alaves Bren aurka eta urtea oso sentsazio kaxkarrekin bukatu du

Urteko azken neurketan Real Unionek ezin...

BI PUNTU IHES EGIN ZION REAL UNIONI
Futbola

BI PUNTU IHES EGIN ZION REAL UNIONI

Real Unionek ezin izan zuen gipuzkoako derbia sententziatu eta azken minutuan, 93.minutuan, Sansek 2-2koa lortu zuen Stadium Galen

Gipuzkoako lehen...

LASESARREN ASPALDIKO PARTEZ PORROTA
Futbola

LASESARREN ASPALDIKO PARTEZ PORROTA

Real Unionen bolada ona Barakaldok eten du, talde txuribeltza markagailuan aurreratu bazen ere, Barakaldok 2-1 garaipena erdietsi zuen

Real Unionek ez...

PUNTU BANAKETA STADIUM GALEN
Futbola

PUNTU BANAKETA STADIUM GALEN

Real Unionek ezin izan du Leioa etxean garaitu, hala ere, azken hiru neurketak irabazi eta gero, puntuak batzen jarraitzen du talde txuribeltzak

Ez da...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika