GORA EGITEKO FITXAKETAK

Bidasoa Atletiko Taldeak apostu garbia egin du datorren denboraldirako: emakumezkoen ohorezko ligan erosotasunarekin mantendu eta gizonezkoen ohorezko ligara igotzea.

2020 urtea bukatu aurretik Bidasoa Atletiko Taldea datorren denboraldirako azpiegitura guztiak prest ditu. Duela bi aste Super Amararekin babesletza berritu bazuten, gaurkoan datorren denboraldiari begirako atleta berrien izenak jakinarazi ditu.

Urteak daramatza BAT-ek atletismoko Espainiako Ligako emakumezkoen ohorezko ligan lehiatzen eta komeriekin bada ere, beti elite mailan mantentzea lortu izan dute. Gizonezkoen taldeak, aldiz, ohorezko mailara igotzeko hainbat saiakera egin dituzte, baina ezin izan dira emakumezkoen ligara iritsi.

Aurreko urtean bi taldeetan baja ugari izan ostean, Bidasoa Atletiko Taldeko zuzendaritza azkar mugitu da eta bi taldeen errendimendua hobetzeko helburuarekin, taldea hainbat atleta berrirekin indarberritu dute. Helburuak argiak dira: gizonezkoetan taldea Ohorezko Dibisiora igotzeko apustua egin da eta emakumezkoen taldearen kasuan, lehian diharduten Ohorezko Mailan zailtasunik gabe mantentzea.

Hauek dira Bidasoa Atletiko Taldeak egindako fitxaketa berriak:

• Jon Fuentes, oztopoetan.

• Maria Hernandez, Sergi Teixeira eta Iñigo Lozano abiaduran.

• Eva Queimaño, Heptatloian

• Maria Jover, luzera jauzian.

• Miriam Gregori, 800 metroetan.

• Camila Sanguino eta Unai Gonzalez, pertika jauzian

• Adriana de Prado, 1500 metroetan.

• Adrian Mazo, hesietan.

• Ivan Redondo, jabalina jaurtiketan.

• Dani Gallardo, fondo erdiko proban. 

Klubeko ordezkariak pozik agertu dira egindako lanarekin; izan ere, “aurreko urteko atletak mantendu ditugu eta fitxaketa berriekin bi taldeen maila gora egingo duela sinesten dugu”. 

EMAKUMEZKOEK ZILARRA ETA GIZONEZKOEK BRONTZEZKOA

Bidasoa Atletiko Taldeak 2021eko lehiaketak asteburuan hasi zuten. Zehazki, Donostiako belodromoan, Taldekako Pista Estaliko Euskadiko Txapelketa absolutuan...

LAIA OLASCOAGAK ETA BEÑAT MIQUELERENAK GOI-MAILAKO 16 URTEZ AZPIKO ESPAINIAKO TXAPELKETAN PARTE HARTU ZUTEN

Teresa Errandonea 7’’58ko denborarekin estreinatu zen 60 metro libreetan Donostiako Belodromoan egindako proba libreetan. 

Bidasoa Atletiko...

BIDASOA ATLETIKO TALDEAK LEHEN PROBAK BURUTU DITU

Denbora asko lehiatu gabe egon ostean, pasaden igandean Bidasoa Atletiko Taldeko atletek Donostiako belodromoan pista estaliko lehen proba libreetan parte hartu...

GABONETAKO KROSAK 2021era ARTE ITXARON BEHARKO DU

Covid-19a dela-eta, Bidasoa Atletiko Taldeak urtero gabonak partean antolatzen duen lasterketa bertan behera uzten da.

Denok espero genuen albistea bete...

GORA EGITEKO FITXAKETAK

Bidasoa Atletiko Taldeak apostu garbia egin du datorren denboraldirako: emakumezkoen ohorezko ligan erosotasunarekin mantendu eta gizonezkoen ohorezko ligara...

SUPER AMARAK ESKUALDEKO ATLETISMOAREKIN DARRAI

Bidasoa Atletiko Taldeak eta Super Amarak 2023ra arte luzatu dute batzen dieten akordioa. Laugarren urtea da Super Amarak eskualdeko atletismoari babes babesa...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika