IZUGARRIZKO BERDINKETA ETA LIDERTZA MATEMATIKOA BIDASOARENTZAT
Eskubaloia

IZUGARRIZKO BERDINKETA ETA LIDERTZA MATEMATIKOA BIDASOARENTZAT

Azken segunduan, Kauldi Odriozolaren zartako baten bidez, Bidasoak 32na berdindu zuen Lisboako Sportingen aurka eta jada, matematikoki, C multzoko liderrak dira

32 – Bidasoa Irun (16+16): Ledo, Orbović, Zabala (2), Kauldi (8), Esteban Salinas (1), Barthe (2), Tesoriere; Rangel, Cavero (3), Crowley (2), Serrano (1), De la Salud (5, 1 pen.), Renaud-David (2), Azkue (6, 2 pen.), Da Silva eta Seri.

32 – Sporting Clube de Portugal (16+16): Cudic, Vieira (1), Frankis (10), Bingo (1), Ghionea (4, 2 pen.), Vujin (4), Frade (4); Gaspar, Veitia (1), Araujo (4), Rocha (2), Carneiro (1), Tavares, Mladenovic eta Nikcevic. 

Atzokoa sekualko berdinketa bat izan zen, 23 urte itxaron zuen Bidasoak Europan zehar lehiatzeko eta bueltako urtean, Lisboako Sportingen aurka C multzoko lidergoa matematikoki eskuratu zuen neurketa bat jokatzeke dutelarik. Velux EHF Champions Leagueko talde gogorrenetariko bat da Lisboako SPorting eta jokatutako bi neurketetan, bi berdinketa erdietsi du Jacobo Cuetararen taldeak.

Neurketari dagokionez, lisboatarrak hasi ziren markagailuan eta neurketan agintzen. Duten nagusitasuna erakutsi zuten, lehen minutuetan hiru goleko errenta eskuratuta (0-3), Bidasoa hutsartea eskatzera behartu zuten. Hurrengo hamar minutuetan, talde irundarrak Mikel Zabalaren lanaren bitartez neurketa berdintzea lortu zuten (3-3, 13.minutuan). Horiek izan ziren Bidasoaren minuturik gozoenak lehen zatian eta erlaxatu ezean, lau goleko errenta ere lortu zuten 22.minutuan (14-10). Kolpekako neurketa izan zen, izan ere, lau goleko errenta hori ezer ezean geratu zen Lisboako Sportingen erreakzioarekin, atsedenaldira berdinketarekin iritsi ziren bi taldeak (16-16).

Bigarren zatia lehen zatiaren antzeko hasiera izan zuen, bost minututan Lisboako Sportingek hiru goleko errenta lortu zuten (35.minutuan, 17-20), baina lan handia eginez, neurketa berdintzea eta bigarren zati osoan zehar Lisboako Sporting geldiaraztea erdietsi zuten. Partidua bukatzeko hiru minuturen faltan, Jon Azkuek neurketako azken aurreko berdinketaren gola eskuratu zuen (56.minutuan, 29-29), Lisboako Sportingek Rangelen atearen aurrean asmatu zuen une kritiko horietan eta azken minutuan bi goleko abantailarekin iritsi ziren (59.minutuan, 30-32). Baina eskubaloiko neurketak 60 minutu irauten dituzte, 40 segundu aurretik zituztelarik, Paco Barthek gola sartu zuen, Rangelek lisboatarren erasoko baloia gelditu zuen eta Kauldi Odriozolak ezkerkada bortitz batekin berdinketa ezarri zuen markagailuan eta Artaleku eztandarazi zuen.

Esan bezala, puntu bat eta C multzoko lidertza matematikoa eskuratu zuen atzo Bidasoak, egiten ari diren denboraldiaren merezitako saria. Lehen fase hau bukatzeko neurketa bat aurretik badute ere, jada jakitun dira Velux EHF Champions Leagueko bigarren fasean izango duten arerioaren izena, Poloniako Wisla Plock. Baina hori beranduago izango da, asteazkenean, Asobal Ligara bueltatuko dira eta neurketa garrantzitsu bat jokatuko dute, Balonmano Logroño La Riojaren aurka lehiatuko dira etxetik kanpo.     

BESTE URTE BAT DE LA SALUDEN GIDARITZAPEAN
Eskubaloia

BESTE URTE BAT DE LA SALUDEN GIDARITZAPEAN

Bidasoa eta Sergio de la Salud akordio batetara iritsi dira urtebetez kontratua berritzeko. Bartzelonakoaren hirugarren denboraldia izango da Bidasoaren elastikoa...

RUDY SERIK BIDASOA UTZIKO DU
Eskubaloia

RUDY SERIK BIDASOA UTZIKO DU

 Sacyr Asobal Ligan jokatzeko eskaintzak zituen arren, Frantziako Lehen Mailara igo berri den Cesson taldean jokatuko du datorren...

OFIZIALKI, DATORREN DENBORALDIAN BIDASOAK EUROPAN JOKATUKO DU
Eskubaloia

OFIZIALKI, DATORREN DENBORALDIAN BIDASOAK EUROPAN JOKATUKO DU

Espainiako Federazioaren Batzorde delegatuak atzo onartu zuen denboraldia lehen itzuliko sailkapenarekin bukatzea, beraz, Bidasoak 2019-2020 denboraldia hirugarren...

BIRTUALKI BADA ERE, BIDASOA EUROPAN IZANGO DA DATORREN URTEAN
Eskubaloia

BIRTUALKI BADA ERE, BIDASOA EUROPAN IZANGO DA DATORREN URTEAN

RFEBM-ko zuzendaritza direktiboak lehen itzuliko emaitzekin Sacyr Asobal Liga bukatutzat ematea proposatu du, beraz, Bidasoak erdietsitako hirugarren postuan...

FINAL LAURDENETAN KALE
Eskubaloia

FINAL LAURDENETAN KALE

Sacyr Asobal Ligako Errege Kopan Bidasoak lehen eliminatorian kale egin zuen, Benidormek 26-29 garaitu zituzten

Bidasoa Irun (13+13). Rangel,...

GARAIPEN HANDIA HENDAIAKO ESTADIOARENA
Eskubaloia

GARAIPEN HANDIA HENDAIAKO ESTADIOARENA

Goi-mailako neurketa batean talde Hendaiarrak sailkapenean arnasa hartzeko balio izan dien garaipena lortu zuen 35-26 Roques Sur Garonnen aurka

Hendaiako...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika