JAINKOAK GIZAKI BILAKATU ZIREN
Eskubaloia

JAINKOAK GIZAKI BILAKATU ZIREN

Bartzelonak asko izerditu behar izan zuen atzo Bidasoa garaitzeko, neurketa osoa oso parekatua izan zen, baina azkenean 17-21 Bartzelonaren alde bukatu zen partidua

17- Bidasoa-Irun (9+8) : Ledo (p), Zabala (3), Kauldi, Serrano (1), De la Salud (2), Rodrigo Salinas (1), Seri (1), –hasierako zazpikoa-, Rangel (ps), Cavero (1), Aldaba, Esteban Salinas (2), Barthe, Renaud (1, de p.), Azkue (5) y Tesoriere.

21- Barça Lassa (9+12): Moller (p), Gómez (4, 2 de p.), Petrus (1), Mem (5), Ilic (1), Palmarsson (2), Fabregas (1) –hasierako zazpikoa-, Pérez de Vargas (ps), Víctor Tomás, Entrerríos (1), Andersson, Ariño, N’Guessan (3), Syprzak (2), Dolenec (1, de p.) y Brito. 

Norgehiagoka gogoangarria izan zen atzokoa, zaletasuna eta zirrara sortzen duen horietakoa. Bigarren aldiz denboraldi honetan Artalekuko lehiatiletan “Sarrerarik ez” karteltxoa ateratzen zutela, garai oparoetako lurrin usaia nabaritzen zen. Artalekura hurbildu zen pertsona orok goi mailako eskubaloiaz gozatzeko aukera izan zuen; erritmo handiko norgehiagoka, defentsa bortitzak eta ateetan bi atezain ikusgarri, Kevin Moller erraldoia eta Xoan Ledo bertutetsua.

Lehen zatia oso parekatua izan zen, bi taldeek defentsa gogorrak burutu zituzten eta zirrikitu bat aurkitzen zutenean atezainek erantzun paregabeak ematen zituzten. Ahalguztiduna zirudien taldea txikitu egin zen eta Bidasoak garaipenean sinisten hasi zen. Lehen 30 minutuetan bi desabantaila izan zuen etxeko taldeak, 2-4koa 8.minutuan eta 4-6koa 15.minutuan, baina bi kasuetan, partzialak berdintzeko eta markagailuan aurretik jartzeko indarra ere izan zuten Esteban Salinasen gol baten eskutik (8-7). Hori bai, Xavi Pascualen taldeak bere maisutasuna erakutsi zuen lehen zatiko azken minutuetan eta atsedenaldia 9-9ko berdinketarekin iritsi zen. Bidasoa oso oso bizirik eta Artaleku liluratuta.

Bigarren zatia ordea maldan gora hasi zitzaion Bidasoari eta ondorioz, Jacobo Cuetarak hirugarren minutuan hutsartea eskatu behar izan zuen (9-12). Bazirudien Bartzelonak martxa berri bat sartuta zuela eta irundarren esperantzak xahutuko zituztela, baina atzo Bidasoak Asobal Ligako bigarren sailkatua zergatik den erakutsi zuen. Bartzelonaren erasoa henegarrenez gelditzeko indarrak izan zituzten eta gol bateko aldera hurbildu ziren, Iker Serrano eta Sergio de la Saluden golen bitartez eta Xoan Ledoren 7 metroko jaurtiketa bat gelditu eta gero (12-13, 13.min).

Berriro ere Artalekuk eztanda egin zuen, Bartzelona irabaztea posible zela sinistu zuten, baina jokalari onak momentu zailenetan agertzen dira, eta Raul Entrerriosen gidaritzapean kataluniarrek 2-5eko partzial berri bat eskuratu zuten 54.minutuan. Azken partzial horrek, neurketa Bartzelonaren kontrolpean egotea ahalbidetu zuen eta azkenean 17-21ko markagailuarekin irundik bi puntu ihes egin zuten. Hori bai, azken minutuan Artalekuko zaleek txalo zaparrada itzela eskeini zioten taldeari, egindako partiduaren ostean merezitako saria.

19.jardunaldiaren norgehiagoka aurreratu honen ostean, Bidasoak datorren larunbatean Granollersera bidaituko du Palau D’Esportsen Fraikin Granollersen aurka lehiatzeko. Hau da, Asobal Ligako bigarren sailkatua, Bidasoa, hirugarren sailkatuaren aurka, Fraikin Granollers; beste goi mailako neurketa bat.  

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”
Eskubaloia

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”

Bidasoa Irunen ortzirale honetan (martxoaren 29an) jasoko du etxean Anaitasuna, euskal derbia jokatzeko

Bidasoa Irun etxera bueltatuko da asteburu...

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN
Eskubaloia

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN

Apirilaren 10ean ospatuko dute bi taldeek hirugarren kanporaketa partida bakarrean

Agustinos Alicante izanen da Bidasoa Irunen aurkaria apirilaren 10ean...

BIDASOAK PORROTA JASO ZUEN NAVAN
Eskubaloia

BIDASOAK PORROTA JASO ZUEN NAVAN

Bigarren zatian aukera izan zuen talde horiak puntuak eskuratzeko, baina azkenik gol bakarrarengatik ihes egin zion garaipenak

Bidasoak ezin izan...

HONDARRIBIA ESKUBALOIAK BERE ZUZENDARITZA BATZORDEA BERRITU DU
Eskubaloia

HONDARRIBIA ESKUBALOIAK BERE ZUZENDARITZA BATZORDEA BERRITU DU

Ibilbide berri honetan, CD Bidasoako presidenteak, Gurutz Aginagaldek, bere babesa adierazi nahi izan du eta 2019ko udatik dauden harremanak...

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”
Eskubaloia

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”

Bidasoa Irunek Viveros Herol BM Nava taldea bisitatuko du larunbatean 21:00etan

Bidasoa Irunek Plenitude ASOBAL Ligari segida emanen dio asteburu...

BM BIDASOA IRUN EUSKADIKO JUBENIL TXAPELKETAKO TXAPELDUNORDE
Eskubaloia

BM BIDASOA IRUN EUSKADIKO JUBENIL TXAPELKETAKO TXAPELDUNORDE

Irundarrek Balonmano Barakaldo A taldea izan zuten aitzinean finalean, eta 24-23ko markagailuarekin irabazi zuten bizkaitarrek

Euskadiko Jubenil...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika