“JOKALARI BETERANOAK ETA BANAKAKOAN TREBEAK DIREN JOKALARIAK DITU PUERTO SAGUNTOK”
Eskubaloia

“JOKALARI BETERANOAK ETA BANAKAKOAN TREBEAK DIREN JOKALARIAK DITU PUERTO SAGUNTOK”

Bidasoak Puerto Saguntoren aurka jokatuko du bihar arratsaldean, lehen itzuliko azken aurreko lehia izango dena.

Min eman zuen Granollerseko porrotak. Bidasoak neurketa ona jokatu zuen, Lehen zatian bazirudien neurketa Bidasoak planteatutako bidetik zihoala, baina bigarren zatian, bost minuturen buruan egindako akatsek, eta Granollersen lan onak, bi puntuak herrialde kataluniarrean geratzea ahalbidetu zuen.

Aurtengo ligak zerbait positiboa badu porrotak azkar ahazteko aukera ematen duela; izan ere, Granollersen aurka galdu eta 72 orduen buruan, Bidasoak sailkapeneko azken sailkatua den Puerto Sagunto jasoko du Artalekun. “Jokatzeko gogoz gaude, mentalki eta fisikoki, lehen itzuliko amaierara iristen ari bagara ere, taldea ehuneko ehunean lehiatzeko motibatuta ikusten dut”, adierazi du Jacobo Cuetarak gaur goizean egindako agerraldian. Hain zuzen ere, bi puntuak batzeko irrikaz daudela aitortu du Bidasoaren entrenatzaileak: “ostiralekoaz ahazteko eta bidenabar, Asobal Koparako txartela lortzeko gogotsu irtengo gara bihar Artalekuko pistara”.

Talde Valentziarra sailkapeneko azken postuan kokatuta dago, baina esperientzia eta maila handiko jokalariekin kontatzen duela ohartarazi du Cuetarak, “jokalari trebeak dituzte banakako jokaldiak gauzatzeko eta duten esperientzia baliagarria izan daiteke neurketa berdindu bat bereganatzeko”. Pozzer, Pomeranz, Guillermo Corzo eta Gonzalo Carou bezalako jokalariak dituzte plantilan; beraz, Asobal Ligako azkenak diren arren, Bidasoak ezin du aurkaria gutxietsi. Presaski, “neurketa tranpa” izan daitekeela aitortu du Cuetarak, “neurketa berdindua baldin badago, sustoa eman dezakeen taldea sa Puerto Sagunto, ahalik eta azkarren errenta eroso bat lortzen saiatu behar gara”. Denboraldi honetan, bi neurketa besterik ez ditu irabazi Puerto Saguntok, baina Anaitasunaren aurka irabazi zuen eta Leongo Ademarren aurka, Atletico Recoletasen eta Balonmano La Rioja Logroñoren aurka gutxigatik ez zituen bi puntuak bereganatu.

Jacobo Cuetarak, ordea, argi du Bidasoak bere mailarik onena ematekotan, edozein talde garaitzeko beta duela. “Talde osoa prest dut Puerto Saguntoren aurka jokatzeko, ezken neurketetan izan ditugun akats puntualak hobetuz gero, edozein talde garai dezakegunaren konfiantza osoa daukat”.

Garrantzitsua izango da Puerto Saguntoren aurka garaipen sendoa erdiestea. Batetik, Asobal Kopako txartela eskuratu eta lehen itzulia bigarren sailkatu bezala bukatzeko eta bestetik, Bartzelonaren aurkako neurketa konfiantza eta anbizio guztiarekin prestatzeko. 

BILLERE GAILENDU DA BIGARREN LAGUNARTEKOAN
Eskubaloia

BILLERE GAILENDU DA BIGARREN LAGUNARTEKOAN

 Etxeko taldeak bigarren zatian erritmo eta lehiakortasun gehiago erakutsita, 27-25 gailendu zaio Bidasoari. 

Nicolas Bonnanok Munduko...

URDANETA ERE GARAITU DU ILCAPO HONDARRIBIAK
Eskubaloia

URDANETA ERE GARAITU DU ILCAPO HONDARRIBIAK

Aitor Etxaburuk zuzentzen duen taldeak, bizkaiko lurretan denboraldiko bigarren garaipena erdietsi zuen (30-34) eta sailkapeneko liderra bezala mantentzen...

LEHEN PROBA GAINDITUTA
Eskubaloia

LEHEN PROBA GAINDITUTA


 Bidasoak atzo Bada Huescaren aurka denboraldi-aurreko lehen jardunaldia jokatu eta 27-29 garaitu...

DONAT BARTOKEK EZ DU BIDASOAREKIN BIGARREN ITZULIA JOKATUKO
Eskubaloia

DONAT BARTOKEK EZ DU BIDASOAREKIN BIGARREN ITZULIA JOKATUKO

Kadetten Schaffhausen talde suitzarrak orain arte Bidasoako eskuin hegalekoa zena denboraldi amaierara arte fitxatu du. 

Bidasoak Bada Huescaren...

JIPOIA DENBORALDIA HASTEKO
Eskubaloia

JIPOIA DENBORALDIA HASTEKO

Indartsu hasi du 2021 urtea Ilcapo Hondarribiak, Euskadiko Senior Ligari zegokion neurketan 27-10 irabazi zuen Gure Auzune talde...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika