KROAZIAN ERABAKIKO DA KANPORAKETA
Eskubaloia

KROAZIAN ERABAKIKO DA KANPORAKETA

Itzulerako neurketa gogorra izango du Bidasoak Kroazian, asko sufrituta Bidasoak 30-27 irabazi dio RK Nexeri. Kroaziarrak talde ona eta gogorra direla demostratu dute.

Lehen zatia oso gogorra izan da, Bidasoak asko sufritu du eta argi geratu da RK Nexe talde gogorra dela. 5.minutuan Pesici bi minutuko zigorrarekin egotzi dute, ordura arte, pibote Serbiarrak bi gol eskuratu eta min handia eragin dio defentsari. Orduan, Bidasoak 3-0eko partziala lortu du 6-4 berriz aurretik jartzeko.

Hala ere, 12.minututik aurrera zailtasun handiak izan ditu Bidasoak, erasoan zein defentsan. Kroaziarra bi goleko aldera hurbildu da (8-6) eta Jacobo Cuetarak Pesicen lana oztopatzeko helburuarekin hutsartea eskatu du; izan ere, Nexek erdietsitako 8 goletatik 4 azken bi denboraldietan Leongo Ademarren aritutako piboteak gauzatu ditu. Bidasoak erasoan huts egiten jarraitu du eta kroaziarrek pixkanaka aldea jaten joan dira neurketa berdindu eta 8-9 aurretik joan arte. Bigarren hutsarte bat eskatzera behartuta ikusi da Cuetara, Bidasoa ezinean aurkitu da Nexek egiten zuen piboteko lana gelditzeko. Bigarren hutsartearen ondoren, Bidasoa hobeto kokatu da defentsan eta neurketa berdintzea lortu du. Azken hamar minutuetan bi taldeek ondo estutu dute defentsan eta atsedenaldira arte golak egiteko aukerak murriztu egin dira. 14-14ko berdinketarekin bukatu dira lehen 30 minutuak.

Zailtasunak bigarren zatian jarraitu dute, lehen bi minutuetan talde kroaziarra 14-16 aurretik jarri da. Laugarren minutuan, Jelinicek txartel gorria ikusi du Donat Bartoki kolpe gogor bat eman ondoren, baina kroaziarrek bere horretan jarraitu dute, defentsa la nona eginez eta erasoan golak gauzatzen. Denbora asko geratzen zen oraindik eta beti bezala, Bidasoak barrutik indarra atera du neurketari buelta eman eta markagailua berdintzeko. Bi minututan 15-17ko markagailutik, neurketa 17-17 berdintzera pasa da talde irundarra. Baina, beste behin, RK Nexek Pesic pibotea aurkitzen jakin dute eta bi golen aldera hurrundu dira (18-20).

Erasoan zulo bat aurkitzeko eraso luzeak burutu behar izan ditu Bidasoak, baina pixkanaka markagailua berdintzea lortu du 16.minutuan (21-21). Jose Manuel Sierraren geldiketek talde irundarra defentsan hauspotu dute, baina RK Nexe lan txukuna egiten jarraitu du. Neurketako azken 10 minutuetara 22-23–ko markagailuarekin iritsi dira bi taldeak, eta orduan, gol trukaketan aritu dira. RK Nexe oso fin ibili da norgehiagoka osoan zehar, baliabide ugari dituela erakutsi dute, baina, azken minutuetan, Bidasoak azken jardunaldietako maila berreskuratu du eta minutu garrantzitsuenetan asmatzen jakin du. Neurketa bukatzeko bost minuturen faltan, Bidasoa markagailuan aurretik jarri da aspaldiko partez (25-24) eta aldeko aldea murritza bazen ere, ondo kudeatu dute. Asko borrokatu ostean, Bidasoak 30-27 garaitu du RK Nexe. EHF European Leagueko bigarren kanporaketa Kroazian erabakiko da, hiru goleko aldea defendatu beharko du talde irundarrak. 

MERITU HANDIKO GARAIPENA
Eskubaloia

MERITU HANDIKO GARAIPENA

 Bidasoa Irunek garaipen garrantzitsua lortu du Logroñon, astebeteko hiru partidetatik bigarrenean (28-32) 

28- BM. Logroño La Rioja...

JACOBO CUETARA: “LEHEN ALDIZ FABORITOAREN ZAMA GAINETIK KENDUKO DUGU”
Eskubaloia

JACOBO CUETARA: “LEHEN ALDIZ FABORITOAREN ZAMA GAINETIK KENDUKO DUGU”

Bidasoak aste baten buruan hiru neurketa jokatuko ditu; Guadalajararen garaitu ostean, Balonmano Logroño La Riojaren, sailkapeneko aurkari zuzenaren, kantxan...

20 EGUNEN ONDOREN, LEHIAKETARA GARAIPENAREKIN BUELTATU DA BIDASOA
Eskubaloia

20 EGUNEN ONDOREN, LEHIAKETARA GARAIPENAREKIN BUELTATU DA BIDASOA

Bidasoak Asobal Ligan neurketarik galdu gabe jarraitzen du, zazpi entrenamendu gauzatuta, Quabit Guadalajararen aurka 24-28 irabazi du.

Bidasoak Recoletas...

EZINEAN OLORONEN AURKA
Eskubaloia

EZINEAN OLORONEN AURKA

Hendaiako Estadioak ezin izan zuen denboraldiko lehen garaipena eskuratu Oloronen aurka (30-27). Garaipena gertu izan zuten, baina bigarren laurden kaxkar baten...

BIDASOAK GUDALAJAREN AURKAKO NEURKETA ATZERATZEA ESKATU DU
Eskubaloia

BIDASOAK GUDALAJAREN AURKAKO NEURKETA ATZERATZEA ESKATU DU

Plantilan eta talde teknikoan Covid-19 frogan bi positibo atzeman ondoren, larunbateko neurketa atzeratzeko esakera egin du talde irundarrak.

Denbora...

DENBORALDIA HASTEKO BERDINKETA
Eskubaloia

DENBORALDIA HASTEKO BERDINKETA

Covid-19a zela eta, lehen jardunaldia bertan behera geratu zen, eta beraz, Hendaiako Estadioak aurreko asteburuan hasi zuen denboraldi berria. Pessacen aurka 23-23...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika