Landutako garaipena eskuratu du Real Unionek
Futbola

Landutako garaipena eskuratu du Real Unionek

REAL UNION: Txusta, Azkoiti, Aimar, Esnaola, Urkizu, Rodellar, Martins (Alonso, 67'), Barrón, Ozkoidi (Juan Domínguez, 75'), Eizmendi, Galán (Iriondo, 88').

FUENLABRADA: Gil, Anuarbe, Guillén, Cabrera, San José, Rovirola, Ortiz (Malagón, 67'), Tello, Babunski (Pachón, 75'), Sánchez (Díaz, 63'), Rocha.

GOLAK: 1-0: Eizmendi (41'). 1-1: Ortiz (61'). 2-1: Barrón (83').

EPAILEA: Román Román. Txartel horiak: Martins (Real Union); Cabrera, Rocha, Malagón (Fuenlabrada). Ricardo Costa Real Unioneko atezainen entrenatzailea kanporatu du.

Stadium Galeko menderaezintasunari eutsi dio Real Unionek. Gogotik lan egin behar izan du, hala ere, helburua lortzeko. Kontrako baldintzei aurre egin behar izan diete txuribeltzek lehen zatian. Neurketa hasi aurreko euri zaparradak motel-motel utzi du zelaia. Gainera, haize ufada handiek baloiaren zirkulazioa oztopatu dute. Neurketaren hasieran irundarrak ez dira eroso aritu, baina egoerara egokitzea lortu dute pixkanaka. Fuenlabradak gol aukera bakarra izan du, baina argia izan da. Ortizek jaurtiketa ozta-ozta urrundu du Txustak, 29.minutuan. Ondoren, Unionen aukerarik onenak heldu dira. Ozkoidiren kontraerasoa izan da lehena. Azken pasean huts egin du lasarteoriatarrak. Martinsek gora bidali du baloia hurrengo jokaldian. 41.minutuan, berriz, baloiak sarean amaitu du. Azkoitik egin du erdiratzea eskuin aldetik, eta ziztu bizian agertu da Eizmendi bigarren zutoinean, buruz gola sartzeko.

Ondo hasi dira txuribeltzak bigarren zatian. Baina 61.minutuan kolpea jaso dute, Fuenlabradaren golarekin. Jorge Ortizek sartu du, eroso errematatzeko eman dioten aukera baliatuta. Min egin dio banakoak Unioni, eta kosta zaio aurreko jokoa berreskuratzea. Hala ere, ez du atzera pausorik eman. Erasoan jarraitu du, garaipenaren bila. Azken ordu laurdenean arrisku handia sortu du Real Unionek. Bi penalti ere eskatu dituzte zaleek eta jokalariek. Barroni egindakoa argia izan da, eta Ricardo Costa atezainen entrenatzailea kanporatu du epaileak, protesta egiteagatik. Gero Mikel Alonso lurrera bota dute, gola sartzeko aukera argia zuenean. Garaipenak ihes egingo zuela zirudienean, Alain Barronek bigarren gola sartu du. Alonsoren erdiratzearen ondoren, baloia ukitu besterik ez du egin gasteiztarrak. Nahikoa izan da taldeari garaipena emateko. Hiru puntuak bildu ditu Unionek, bigarren aldiz segidan.

SANDRA RAMAJOK FUTBOL BOTAK ESKEGI DITU
Futbola

SANDRA RAMAJOK FUTBOL BOTAK ESKEGI DITU

Jokalari gisa 360 neurketa jokatuta agur esan dio futbolari Sandra Ramajo irundarrak. Azken denboraldia Fundación Albaceten jokatu duen arren, Errealean pasa ditu...

OSO GUTXI BALIO DUEN BESTE PUNTU BAT
Futbola

OSO GUTXI BALIO DUEN BESTE PUNTU BAT

Real Unionek bigarren zatian oso zaila zuen neurketa berdintzea lortu zuen, Lezaman Bilbao Athleticen aurka 3-3 egin zuen

Erreakzionatzeko betak xahutzen...

REAL UNIONEK EZ DU HAUSPORIK
Futbola

REAL UNIONEK EZ DU HAUSPORIK

Real Union hutsean bueltatu zen Valladolidetik, 1-0 galdu zuen Valladolid Bren aurka eta 28 punturekin promozio postuetan pixkanaka sakontzen hasiak...

MIN HANDIA EMATEN DUEN PORROTA
Futbola

MIN HANDIA EMATEN DUEN PORROTA

Real Unionen bolada txarrak ez du etenik, 0-1 galdu zuen Amorebietaren aurka eta jada salbazio postuak markatzen dituen Barakaldoren bi puntutara...

OHIKOA, BERDINKETA
Futbola

OHIKOA, BERDINKETA

Real Unionek Getxoko Arenasen aurka Facurdan jokatutako neurketa 0-0ean bukatu zen. Bi taldeek gola egiteko aukera izan bazuten ere, atezainen aurrean ez zuten...

BESTE BERDINKETA BAT
Futbola

BESTE BERDINKETA BAT

Real Unionek bana berdindu du Osasuna Promesasen aurka eta jardunaldia hasi zuten egoera berdinean aurkitzen dira, promozio postuetan dagoen Unionistas taldearen...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika