LEHEN GARAIPENA KORDOBAKO MIGUEL SALAS KANTXAN
Eskubaloia

LEHEN GARAIPENA KORDOBAKO MIGUEL SALAS KANTXAN

Bidasoak sendotasun handiarekin 22-28 garaitu zuen Angel Ximenez Avia Puente Genil taldea, historian lehen aldia da Bidasoak Kordobako hirian garaipena lortzen duela

Angel Ximénez Avia Puente Genil (11+11): Álvaro de Hita, Tuá (3), Chispi (3), Rudovic (2), Domenech, Víctor Alonso (4, 2 p.) y Almeida; Costa (3), Moyano (1), Chaparro (1), Jiménez (1), Martín (1) y Castro (3).

Bidasoa Irun (16+12): Xoán Ledo, Zabala (4), Serrano (1), Kauldi (6), Seri, De la Salud (4, 2 p.), Rodrigo Salinas (4); Aldaba (1), Azkue (4, 1 p.), Esteban Salinas (2), Cavero (1), Tesoriere, Paco Barthe y Renaud (1). 

Aukera ezinhobea zuen ostiralean Bidasoak Asobal Ligako bigarren postuan sendotzeko, eta aukera primeran profitatu zuten. Jacobo Cuetarak Kordobara bidaiatu baino lehenago aipatu zuen neurketa garrantzitsua izango zela denboraldi bukaera iristear dagoen une honetan taldearen egoera ikusteko, eta taldeak denboraldi osoan zehar bezala, ezinhobe erantzun zuen Angel Ximenez Avia Puente Genil 22-28 garaituz.

Lehen minutuak oso berdinduak izan ziren ordea, erasoak defentsei gainentzen ziren eta hamargarren minutura Bidasoa gol bateko aldearekin iritsi zen (5-6). Ordutik aurrera, Jacobo Cuetararen defentsa kokatu zen eta Puente Genileko erasoak arazo handiagoak izan zituzten golak eskuratzeko. 11.minutuan Julian Ruizek, Bidasoako entrenaitzaile ohiak, hutsartea eskatzera behartuta ikusi zen, izan ere, bi minututan 5-8ra urrundu zen Bidasoa. Etxekoak erreakzionatu zuten eta gol batetara jarri ziren ere, baina atsedenaldira 11-16ko emaitzarekin iritsi zen Bidasoaren alde. Defentsa lan bikaina eta kontraeraso bortitzak baliatu zituzten lehen 30 minutuetan bost goleko aldearekin bukatzeko.

Bigarren zatian etxekoek erritmo handiarekin irtetzea espero zen, baina Bidasoak eskarmentu handia erakutsi zuen eta lehen zatia bukatu bezala hasi zen bigarrena. Bi taldeek gol batzuk jarraian eskuratu ondoren, Bidasoak berriro ere errenta eroso bat lortu zuen, 14-21 hain zuzen eta Julian Ruiz sutan, hutsartea eskatu zuen berrriz. Berandu zen erreakzionatzeko eta ordurako Bidasoak kruzero martxa abian zuen, neurketa bukatzeko hamar minuturen faltan, hamar goleko aldea zuten markagailuan (16-26). Barthe eta Tesorieren defentsak eragin handia izan zuen alde hau lortzeko, baita Xoan Ledoren lanak ere. Azkenean 22-28 bukatu zen partidua, bi puntu gehiagorekin, 34rekin eta Asobal Ligako bigarren postuan sendotuta.

Esan bezala, asteburu honetan ez da Asobal Liga jokatuko, Errege Kopako fase finala jokatuko du Liberbanc Ciudad Encantada Cuencaren aurka, 18.30etan eta ETB1en bidez ikusteko aukera izango da.   

24 URTE ONDOREN GARAIPENA EUROPAN
Eskubaloia

24 URTE ONDOREN GARAIPENA EUROPAN

Izugarrizko neurketa eginez Bidasoak Tartan Presov talde eslovakiarra 23-25 menderatu zuen, 24 urte ondoren, Bidasoaren kamiseta horia EHF Txapelketan garaipen...

MILOS ORBOVIC BIDASOAREN HEGALEKO BERRIA
Eskubaloia

MILOS ORBOVIC BIDASOAREN HEGALEKO BERRIA

Bidasoak atzo ezagutarazi zuen 26 urteko jokalari serbiarra urte baterako sinatu dutela Rodrigo Salinasekin batera ezker hegalean aritzeko

Bidasoa eta...

GEROZ ETA GERTUAGO DAUDE
Eskubaloia

GEROZ ETA GERTUAGO DAUDE

Bidasoak 23-26 galdu zuen Bartzelona ahalguztidunaren aurka, majo sufritu eta asko izerdituta hori bai, Bidasoa Europarako prest dagoela erakutsi baitzuten...

AURREKO DENBORALDIKO BIDE BERETIK JARDUN ZUEN BIDASOAK
Eskubaloia

AURREKO DENBORALDIKO BIDE BERETIK JARDUN ZUEN BIDASOAK

Asobal Ligako denboraldi berriko lehen neurketan Leongo Ademarren aurka aritu zen talde irundarra eta oso sendo 27-33 irabazi zuen, beste behin ere sasoiko daudela...

MATHEUS FRANCISCO DA SILVA, BIDASOAREN LEHEN FITXAKETA
Eskubaloia

MATHEUS FRANCISCO DA SILVA, BIDASOAREN LEHEN FITXAKETA

Bidasoak defentsa indartzeko helburuarekin, 1,98 metroko altuera duen 21 urteko gazte brasildarra fitxatu du hurrengo bi urteetarako

Bidasoak eta Esporte...

LEO RENAUD-DAVID 2020ra ARTE
Eskubaloia

LEO RENAUD-DAVID 2020ra ARTE

Leo Renaud-Davidek (Amiens, 1987) beste urtebetez Bidasoaren kamiseta horia janzten jarraituko du 2020ko ekainaren 30era arte

Duela lau urte talde...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika