Go Fit Hondarribiak hirugarren eta bostgarren egin zuen Santurtziko eta Getxoko estropadetan. Euskotren Ligan arraunlari hondarribitarrek hirugarren eta laugarren egin zuten

Eusko Label Liga bizkaiko uretan aritu zen asteburu honetan eta berriro ere, Orio izan zen etekin handiena atera dion taldea. Larunbatean bandera eskuratu zuten ‘San Nicolas’ ontzikoek eta igandeko emaitzen arabera gainontzeko ontziekiko distantzia handitu dute sailkapen nagusiaren arabera.

Santurtziko estropadan esan bezala Oriok denboraldiko bostgarren ikurriña erdietsi zuten, ohorezko txandako azkarrenak izan ziren Santurtzi, Hondarribiaren eta Zierbenaren aurretik. Ondoren bigarren txandako traineruak izan ziren eguneko azkarrenak, hau da, Donostiarra bostgarren sailkatua izan zen, Urdaibai seigarrena, Ondarroa zazpigarrenak eta Cabo zortzigarrenak.

Hirugarren txandan, Kaikuk eta Astillerok lehia bortitza izan zuten eta azkenean Sestaoarrak izan ziren bederatzigarren sailkatuak. Astillero hamargarrenak izan ziren, Lekittarra hamaikagarren iritsi ziren eta azken postuan San Pedroren ‘Libia’ sailkatu zen.

Igandean ordea Getxoko estropada ospatu zen eta itsasoan errekan ez bezala bigarren txandako zenbait ontzi ohorezko txandakoen tartean sartu ziren eta sailkapen nagusiko puntu garrantzitsu asko lapurtu zituzten. Hala, Donostiarrak Eusko Label Ligako lehen ikurriña irabazi zuen. Gipuzkoako hiriburukoak eguneko azkarrenak izan ziren, gainontzeko traineruak baino azkarrago ibili zen eta eguneko kale onena baliatu zuten historia egiteko. Bigarren postuan Orio sailkatu zen Santurtziren aurretik eta laugarrena Urdaibai izan zen. Go Fit Hondarribia bostgarren postura erori zen eta hauen atzetik Kaiku, Cabo eta Zierbena iritsi ziren. Azkeneko lau postuetan Ondarroa, Astillero, San Pedro eta Lekittarra eguneko traineru motelenak izan ziren.

Horrela, Espainiako Txapelketa jokatzen den bitartean Eusko Label Ligak asteburu honetan atsedena hartuko du. Horrela bukatu da CaixaBank Koroaren lehia atsedenaldiko jardunaldira:

Oriok agintzen jarraitzen du eta Hondarribia ez da Donostiarrari hurbildu sailkapen nagusian 

Oriotarrak beste bi ikurriña lortu dituzte asteburu honetan. Argi dago gainontzeko traineruak baino gehiago izaten ari direla denboraldi honetan eta nagusitasun hori eskuratutako ikurriña kopuruan nabaritzen da. Bi egunetan ere Arraun Lagunak bigarren postua lortu zuten, hirugarren eta laugarren postuan ordea emaitza desberdinak eman ziren. Larunbatean Iker Cortesen arraunlariak hirugarren izan ziren Donostiarrari puntu bat janez, baina igandean ez zuten emaitza errepikatu eta Donostiarrak Go Fit Hondarribia baino gehiago izan zen. Nabarmendu beharra dago, Santurtziko estropadan Euskotren Ikurriña jokoan jarri zela eta normalean baino distantzia handiago eta ziaboga gehiago eman zituztela, hain zuzen 2.778 metro egin zituzten lau luze eta hiru ziaboga emanez.

Asteburu berri bat bukatuta, horrela dago Euskotren Ligako sailkapenaren egoera: