PORROTA PALAUN
Eskubaloia

PORROTA PALAUN

Lehen zatian Bidasoak aurpegia eman duen arren, bigarren zatian Bartzelonak bere botere guztia azalarazi du eta bi puntuak eskuratu ditu (33-25)

33 – Barça (17+16). Pérez de Vargas, Entrerríos (1), N’Guessan (4), Gómez (4, 2 p.), Mem (4), Pascual (2), Fabregas (3); Møller, Tomás (6), Sorhaindo (3), Andersson (1), Ariño, Serdio (3), Petrus, Dolenec, Pálmarsson (2).

25 – Bidasoa Irun (17+8). Rangel, Odriozola (7), Rodrigo Salinas (6, 1 p.), Crowley (1), Da Silva, Tesoriere, Serrano (2); Ledo (1), Cavero, Esteban Salinas (1), De la Salud (1), Renaud-David (2), Santano, Nieto (1), Bartók (3), Seri. 

Bidasoa hutsik bueltatu zen Palau Blaugranatik, 33-25 galdu zuen Sacyr Asobal Ligako Bartzelona liderraren aurka. Beste behin, Bidasoak min hartuta dituen jokalarien bajak nabariak izan ziren, batez ere bigarren zatian. Emaitza honen ostean, 17.jardunaldia puntu berdinekin baina sailkapenean postu bat behera egin du Jacobo Cuetararen taldeak, Balonmano Logroñok aurreratu ditu eta beraz 24 punturekin sailkapeneko laugarrenak dira. Datorren asteartean, Benidorm jasoko dute Artalekun.

Hasieratik atzetik hasi zen Bidasoa, lehen minutuan bi minutuko zigorra jasota lehen minutuak jokalari bat gutxiagorekin aritu ziren, eta horrek Bartzelona zazpigarren minutuan 5-1eko aldea lortzea baimendu zuen. Hurrengo minutuetan ordea Bidasoaren defentsa egonkortu eta Gonzalo Perez de Vargasen aurrean asmatu zuen Bidasoak 7-5era hurbilduz. 18.minutuan etxeko taldeak berriz aldea handitu zuen, 13-8, baina Bidasoaren lanak 4-8ko partzial bat egitea ahalbidetu zuen eta gol bakar batetara gerturatu ziren (17-16). Atsedenaldira berdinketarekin iritsi zen, 17-17, Adrian Crowleyk Asobal Ligan 400.gola sartu zuen.

Bigarren zatian aldiz, Jacobo Cuetararen taldeari asko kostatu zitzaion lehen gola erdiestea, Iker Serranoren eskutik iritsi zen 34.minutuan (19-18), baina defentsak neurketa estu mantentzea lortu zuen. 42.minutuan Bartzelonaren entrenatzaileak, Xavi Pascualek, hutsartea eskatu zuen eta bere taldea indarberrituta irten zen kantxara. Bi minututan neurketa hautsi zuten, bost golen aldera aldendu zen berriz Bartzelona (44.minutuan, 24-19). Beste behin ere talde irundarrak ezin izan zuen min hartuta dauden Paco Barthe, Mikel Zabala eta Jon Azkuerekin kontatu eta Rudi Serik jokatu bazuen ere, ez zegoen bere 100%ean. Hauen ordez, Gorka Nieto eta Martin Santano gaztean sartu ziren deialdian eta oso paper ona jokatu zuten Europako jokalari onenen aurka.

Minutuak aurrera egin ahala, Bidasoak indarra galtzen joan zen eta Bartzelonak neurketa kontrolpean mantendu zuen. 0-3 partzial baten bitartez, markagailuan hurbildu zen Bidasoa, baina azkenean neurketa 33-25ekoarekin bukatu zen.  

JOSE MANUEL SIERRA BIDASOAKO ATEZAIN BERRIA
Eskubaloia

JOSE MANUEL SIERRA BIDASOAKO ATEZAIN BERRIA

Jose Manuel Sierra atezainaren fitxaketak (Moguer, 1978ko maiatzaren 21a) eskarmentu handia handia eskeiniko dio Bidasoaren atepeari. Munduko eta Asobal Ligetako txapelduna da, baita Friantziako...

NICOLAS BONANNO, TANGO ARGENTINARRA BIDASOARENTZAT
Eskubaloia

NICOLAS BONANNO, TANGO ARGENTINARRA BIDASOARENTZAT

Bidasoak eta Nicolas Bonanno ezker hegalekoak (Marcos Paz, Buenos Aires, Argentina, 1991ko azaroaren 18a) aurreakordioa lortu dute datorren denboraldian Irunen jokatzeko. Aurre-akordio hori...

MIKEL ZABALA 2023ra  ARTE LOTU DU BIDASOAK
Eskubaloia

MIKEL ZABALA 2023ra ARTE LOTU DU BIDASOAK

Bidasoak eta Mikel Zabalak 2023ko ekainaren 30era arte luzatu dute elkarri lotzen dien akordioa.

Bidasoak ezker hegalekoa 2018ko udan fitxatu zuen Somos...

BESTE URTE BAT DE LA SALUDEN GIDARITZAPEAN
Eskubaloia

BESTE URTE BAT DE LA SALUDEN GIDARITZAPEAN

Bidasoa eta Sergio de la Salud akordio batetara iritsi dira urtebetez kontratua berritzeko. Bartzelonakoaren hirugarren denboraldia izango da Bidasoaren elastikoa...

RUDY SERIK BIDASOA UTZIKO DU
Eskubaloia

RUDY SERIK BIDASOA UTZIKO DU

 Sacyr Asobal Ligan jokatzeko eskaintzak zituen arren, Frantziako Lehen Mailara igo berri den Cesson taldean jokatuko du datorren...

OFIZIALKI, DATORREN DENBORALDIAN BIDASOAK EUROPAN JOKATUKO DU
Eskubaloia

OFIZIALKI, DATORREN DENBORALDIAN BIDASOAK EUROPAN JOKATUKO DU

Espainiako Federazioaren Batzorde delegatuak atzo onartu zuen denboraldia lehen itzuliko sailkapenarekin bukatzea, beraz, Bidasoak 2019-2020 denboraldia hirugarren...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika