“URTARRILA HILABETE ERABAKIORRA IZAN OHI DA”
Eskubaloia

“URTARRILA HILABETE ERABAKIORRA IZAN OHI DA”

Hiru asteko atsedenaldiaren ostean, Sacyr Asobal Ligako bigarren itzulia prestatzen hasteko, Bidasoa duela minutu gutxi batzuk bueltatu da entrenamenduetara.

Eskubaloiko selekzio onenak Munduko Txapelketa prestatzen ari drien eta lehaituko diren bitartean, gaurko egunean Bidasoa entrenamenduetara bueltatu da. Lehen itzuli ikaragarria eginda, 2020.urtea 26 punturekin eta Bartzelonaren atzetik, Sacyr Asobal Ligako 2.postuan bukatu zuen. Emaitza horiek berdindu edo, nork daki, hobetu nahian, Jacobo Cuetararen taldea lanean da jada.

Entrenamenduaren aurretik, denboraldi-aurreko eta bigarren itzuliko helburuak azaldu nahian, Jacobo Cuetarak prentsaurrekoa eskaini du. Bertan, argi eta garbi adierazi du urtarrilak denboraldietan duen garrantzia. “Urtarrila hilabete garrantzitsua izan ohi da gure prestaketan: lehenik eta behin, otsailera lehen itzulian eman genuen maila altuenera ahalik eta hurbilen iristeko, eta ahal bada, hobetu edo hazteko, oso zaila baita hori lortzea bigarren itzulian”, adierazi du entrenatzaile asturiarrak. Azken urteetan, Bidasoari “ondo datorkion” hilabetea izan dela gehitu du; hala ere, aurreko urtean otsailean eta martxoan izan zuen beherakada ekiditeko, Bidasoa “tentuz ibili behar dela” aitortu du. “Iaz pairatu genituen lesioak medio, ezin izan genuen denboraldi-aurrean eta bidenabar, bigarren itzuliko lehen hilabeteetan gure mailarik onena eman”.

Denboraldi-aurrea osatzeko, oso estuak izango diren hiru neurketa hitzartu ditu Bidasoak. Bada Huesca, Helvetia Anaitasuna eta Fenix Toulouse izango dira, hurrenez hurren, urtarrilean talde irundarraren aurka arituko diren taldeak. Cuetarak azaldu duenez, norgehiagokak zehazteko garaian, klubak bi irizpide izan ditu konutan: “batetik, osasun segurtasuna, berme handiekin ibiltzen diren arerioak izango ditugu aurrean; eta bestetik, kalitatezko taldeak izan daitezen, taktikoki aberatsak eta sasoian daudenak”.

Lesioen aurrean, eraberritzea. 

2021 urtea Matheus Da Silva brasildarraren lesioarekin hasi du. Eskuin eskuko hirugarren metakarpianoan hastura du eta gaur egin diote ebakuntza. Oraindik goiz da lesioaren iraupena jakiteko, baina zaila izango du hilabete baten buruan guztiz osatzea.

Jokalari garrantzitsua da brasildarra, bereziki, defentsa lanetan. Jacobo Cuetarak Bada Huesca, Helvetia Anaitasuna eta Fenix Toulousen neurketak baliagarri izango ditu defentsako lana sendotu eta eraberritzeko. Jacobo Cuetarak aipatu duenez, “Dan Racotearentzat hilabete garrantzitsua izan daiteke. Defentsaren erdigunean joka dezakeen jokalaria da eta ahalegin berezia egin beharko du Da Silvaren baja ordezkatzeko”. Horretaz gain, Julen Aginagaldek edota Iker Serranok brasildarraren postua har dezaketela aitortu du: “Aginagaldek eta Serranok ere ezagutza soberan dute postu horretan defendatzeko. Normalean, trantsizio egoerak lantzen ditugunean, postu horretan defendatzea egokitzen zaie; beraz, ez zaie berria izango”.

2021erako zoriontasuna. 

Cuetarak desio argi eta zehatza du 2021erako, “taldea zoriontsu jarraitzea”. “Taldeak jokatu eta irabazten duenean, gu guztiok, ni entrenatzaile bezala eta zaleak, taldearekin gozatzen dugunean, zoriontsu gara. Hori da lan honen alderdi politena”, gehitu du.

“URTARRILA HILABETE ERABAKIORRA IZAN OHI DA”
Eskubaloia

“URTARRILA HILABETE ERABAKIORRA IZAN OHI DA”

Hiru asteko atsedenaldiaren ostean, Sacyr Asobal Ligako bigarren itzulia prestatzen hasteko, Bidasoa duela minutu gutxi batzuk bueltatu da...

HIRU TALDE SENDO BIGARREN ITZULIA PRESTATZEKO
Eskubaloia

HIRU TALDE SENDO BIGARREN ITZULIA PRESTATZEKO

Bigarren itzulia lehena bezain ona izan dadin, Bada Huesca, Helvetia Anaitasuna eta Fenix Toulouse HB taldeen aurka arituko da Bidasoa.

Datorren...

MATHEUS DA SILVA MIN HARTUTA BUELTATU DA IRUNERA
Eskubaloia

MATHEUS DA SILVA MIN HARTUTA BUELTATU DA IRUNERA

Brasilgo selekzioarekin kontzentratuta zegoela, eskuin eskuko hirugarren metakarpianoan haustura izan du.

 Berri txarrarekin hasi du urtea Bidasoak....

BARTZELONA SLEKEZIOA DA
Eskubaloia

BARTZELONA SLEKEZIOA DA

Lehen bukatzeko, porrot mingarria jaso du Jacobo Cuetararen taldeak. Hori bai, Asobal Ligako 2.bezala eta Asobal zein Errege Kopako sailkatze-txartelak...

“BARTZELONAK SELEKZIOAK GARAITUKO LITUZKEEN TALDEA DU”
Eskubaloia

“BARTZELONAK SELEKZIOAK GARAITUKO LITUZKEEN TALDEA DU”

Lehen itzulia bukatzeko, Bidasoak Bartzelona ahalguztidunaren aurka jokatuko du. Lehen sailkatuaren eta bigarrenaren arteko neurketa sutsua izango...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika