Zehaztasuna falta izan zaio Real Unioni
Futbola

Zehaztasuna falta izan zaio Real Unioni

REAL UNION: Tena, Ibarbia, Aimar, Esnaola, Morcillo, Iriondo (Arzamendi, 67'), Urkizu, Silas (Ozkoidi, 63'), Goikoetxea, Seguin, Galán (Saizar, 83').

GETAFE B: Olmedo, Edu Paya, Jose Carlos, Vigaray, Carbonell, Pedro Alonso, Pere Milla, Alex Felip, Orbegozo (Hugo Sánchez, 75'), Ivi (John Pirez, 83'),Poncelas (Buendia, 64').

EPAILEA: ávalos Martos. Txartel horiak: Edu Paya, Jose Carlos, Carbonell (Getafe B).

Bi taldeek izan dituzten gol aukerak kontuan hartuta, gezurra dirudi Stadium Galeko norgehiagoka hutsean amaitu izana. Baina puntuak banatu behar izan dituzte azkenean Real Unionek eta Getafe Bk. Aurkari gogorra izan da madrildarra Irungo taldearentzat. Ezohiko filiala da, esperientzia handiko jokalariak dituena. Estu hartu du talde txuribeltza behin baino gehiagotan. Neurketa bizia izan da, baloia azkar ibili da gora eta behera, eta gol aukerak bata bestearen atzetik iritsi dira. Kanpokoek bizpahiru saiakera egin ondoren, Real Unionek lehen gola sartzeko abagune argien segida izan du ordu erdia bete eta gero. Goikoetxearen burukada atezainak urrundu du lehenengo. Kornerrean baloia Silasi heldu zaio, hainbat aldaratzeren ondoren. Sahararrak erremate gogorra egin du, baina defentsak atepetik atera du baloia. Hurrengo kornerrean, Galanen bolea langaren gainetik irten da.

Bigarren zatian bide berdina hartu du norgehiagokak. Pere Millak eman du lehen abisua, kanpora irten zaion burukadarekin. Galanek atezainaren aurrean huts egin du bost minutu beranduago. Ez Getafek, ezta Unionek ere ez dute zelai erdiaren jabe egitea lortu. Iriondok berdegunea utzi behar izan du gainera, giharretako arazoak zirela medio. Arzamendik ordezkatu du, eta Urkizurekin batera aritu da ez ohiko lanean. Zentrala eta laterala, zelai erdian borrokan. 75.minutuan aukera bikoitza izan dute txuribeltzek, Goikoetxeak lehenengo, eta Galanek ondoren. Bukaerara arte amorerik ez du eman Real Unionek, eta luzapenean abagunerik argiena izan du Ozkoidik. Baina Olmedo atezainak urrundu du donostiarraren errematea. Punteriarik ez du izan Unionek, eta puntu bakarra bildu ahal izan du. Hala ere, azpimarratzekoa da hutsune nabarmenak zituela lesioen eta zigorren ondorioz. Eta aurkaria, multzoko onenetarikoa zela. Play-off postuetan jarraituko dute txuribeltzek jardunaldiaren amaieran.

AZKEN MINUTUAN BERDINKETA
Futbola

AZKEN MINUTUAN BERDINKETA

Real Unionek El Mantico futbol zelai mitikoan 1-1 berdindu zuen Aitor Aranzabek 89.minutuan gol bat erdietsi eta gero

Talde txuribletzak sailkapeneko...

REAL UNIONEK BI JOKALARI BERRI SINATU DITU
Futbola

REAL UNIONEK BI JOKALARI BERRI SINATU DITU

Klubak gaurko egunean argitaratu du Nicolas Kata Martinez eta Alvaro Matias Telis talde txuribeltzaren jokalari berriak izango direla denboraldi...

BERDINKETAREKIN  BUKATU ZEN GALEKO LEHEN NEURKETAN
Futbola

BERDINKETAREKIN BUKATU ZEN GALEKO LEHEN NEURKETAN

Partidu ona jokatu eta aukera hoberenak izan arren Real Unionek 1-1 berdindu zuen Leongo Kulturalaren aurka, Alain Eizmendik aurreratu zituen txuribeltzak eta...

REAL UNIONEK DENBORALDI BERRIA PORROTAREKIN HASI DU
Futbola

REAL UNIONEK DENBORALDI BERRIA PORROTAREKIN HASI DU

Talde txuribeltzak 2-0 galdu zuen Calahorraren aurka Errioxan, denboraldi berria ezkerreko hankarekin hasi dute

Real Unionek ez du denboraldi berria ondo...

DEFENTSARAKO ESKARMENTUA ESKEINIKO DIO BORDAK REAL UNIONI
Futbola

DEFENTSARAKO ESKARMENTUA ESKEINIKO DIO BORDAK REAL UNIONI

Aritz Borda 34 urteko defentsa gipuzkoarra datorren urtean talde txuribeltzaren kamiseta defendatuko du

Fitxaketa berri bat aurkeztu du gaurko goizean...

ERDIGUNEA INDARTZEKO JOKALARI BERRI BAT
Futbola

ERDIGUNEA INDARTZEKO JOKALARI BERRI BAT

 Xabi Cardenas 21 urteko jokalari Usurbildarra denboraldi baterako Real Unionekin akordio batera iritsi da 

Real Unionek jokalari berri bat...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika