Nerea Murua eta Unai Arroyo garaile Donibane Lohizune-Hondarribia lasterketan

Pasa den igandean, urriaren 25ean, ospatu zen Donibane Lohizune-Hondarribia lasterketaren 27. edizioa. 3.700 korrikalarik hartu zuten parte, eta horietatik onenak Nerea Murua eta Unai Arroyo izan ziren. Nerea Muruak 2019an erregistratutako denborarik onena gainditu zuen Hondarribiako Kale Nagusian, 1:21:03ko denboran osatutako maratoi erdia. Unai Arroyok berriz, bere hirugarren garaipena eskuratu zuen lasterketa honetan, nahiz eta ezin izan zuen 2024an berak markatutako denborarik onena hobetu. Irundarrak 1:08:33ko denboran lortu zuen helmugaratzea. Emakumeetan, Muruaren gibeletik, Esther Ramos eta Nerea Egia sailkatu ziren. Arroyoren atzetik, Kevin Lassere eta Timo Kupper.