18 URTEZ AZPIKO ESPAINIAKO TXAPELKETAN IZAN DIRA BAT-EKO BORTZ ATLETA

Aritz Zuazok, Alaine Aguerraldek, Leire Martiarenak, Izaskun Sanzek eta Iker Ibargurenek parte hartu dute Salamancan ospatu den txapelketan

Espainiako 18 urtez azpiko Txapelketan izan dira berriki Bidasoa Atletiko Taldeko bortz atleta: Aritz Zuazo, Alaine Aguerralde, Leire Martiarena, Izaskun Sanz eta Iker Ibarguren. Bortzek lan ona egin dute eta bertan ikasitakoarekin itzuli dira berriz ere etxera.

Aritz Zuazok altuera jauzian parte hartu zuen eta lan bikaina osatu zuen. Bere marka pertsonala gainditu zuen, 1,88 metrotik gorako jauzia eginez. Azkenik, 13. postuan bukatu zuen txapelketa, pista estaliko denboraldia ongi borobilduz.

Alaine Aguerraldek ere ia segundu batean hobetu zuen bere marka 400 metroko lasterketan. Denboraldi honetan jokatu dituen proba guztietan hobetu du bere marka eta Espainiako Txapelketan ere horrela egin zuen. Kanporaketa oso azkarrean parte hartu zuen Aguerraldeak eta, finalera pasatu ezinik gelditu bazen ere, 57,31 segunduko proba osatu zuen, sailkatze denboratik oso hurbil.

Leire Martiarenak 18 urtez azpiko lehen Espainiako Txapelketa jokatu zuen aurten. 200 metroko lasterketan 26,11 segunduko kanporaketa osatu zuen. Martiarenak ez zuen lortu finalera pasatzean, baina denboraldi bikaina borobildu zuen azken marka honekin, urteko lasterketa guztiak korrituta.

Izaskun Sanzek 16. postua eskuratu zuen 1500 metroko lasterketan. Finalerdietarako txartela ere irabazi zuen eta bertan, 4:59,69 minutuko denbora egin zuen, hamaseigarren postuan sailkatuta azkenik.

Bukatzeko, Iker Ibargurenek zapore gaziaren eman zion amaiera pista estaliko denboraldiari. 1500 metroko finalerdietara pasatu zen Ibarguren eta aitzineko postuetan ibili zen azkeneko itzulira arte. Orduan, aurkariekin arazo bat izan zuen eta epaileek bertzeei traba egin ziela ebatzi zuten. Horrela, deskalifikatua izan zen. Ibargurenek bigarren postuan bukatua zuen proba, 4:07,09 denbora osatuz, finalera pasatzeko aukera zuelarik.

BAT-EKOAK EUSKADIKO SELEKZIOAREKIN KROS TXAPELKETAN

Hugo Vazquezek, Julen Mendozak, Adur Ugartemendiak eta Iker Ibarguenek Espainiako Kros Txapelketan parte hartu zuten Euskadiko taldearekin

Bidasoa...

18 URTEZ AZPIKO ESPAINIAKO TXAPELKETAN IZAN DIRA BAT-EKO BORTZ ATLETA

Aritz Zuazok, Alaine Aguerraldek, Leire Martiarenak, Izaskun Sanzek eta Iker Ibargurenek parte hartu dute Salamancan ospatu den...

EUSKADIKO JAURTIKETA TXAPELKETAN LAU DOMINA ESKURATU DITUZTE BAT-EKOEK

Urrezko domina bat, zilarrezko bertze bat eta brontzezko bi eskuratu dituzte atletek Durangon

Euskadiko jaurtiketa luzeko txapelketa ospatu zen pasa...

JOSE GOMEZ DE ARRIBA GIPUZKOAKO 10K TXAPELKETAKO TXAPELDUNORDEA

Asier Landart bortzgarren postuan sailkatu zen, 32:49ko denbora eginez

Gipuzkoako 10K Txapelketa ospatu zen pasa den igandean Donostian. Bidasoa...

SANDRA MARTINEZEK ETA UNAI ARROYOK IRABAZI ZUTEN IRUNGO MARATOI ERDIA

10K lasterketan berriz, Ane Taibo eta Ion Garraus izan ziren lehenbiziko postuan helmugaratu zirenak

Irungo Maratoi Erdiaren bostgarren edizioa ospatu zen...

BAT-EKO HARROBIA SASOI ONEAN DAGO

Anoetan ospatu zen 18 eta 20 urtez azpiko Gipuzkoako Txapelketan hogei domina baino gehiago eskuratu zituzten atletek

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika