ADRIAN CROWLEY, AGUR BIDASOA ETA ESKUBALOIARI
Eskubaloia

ADRIAN CROWLEY, AGUR BIDASOA ETA ESKUBALOIARI

Duela ordu gutxi eginiko agerraldian, Asobal Koparen ostean erretiroa hartuko duela iragarri du Adrian Crowley irundarrak.

Bizitza osoa eman du Bidasoan Adrian Crowleyk; 2002an kluban sartu zen, 2005ean lehen taldearekin entrenatu zuen lehendabizkoz eta 2006an debuta egin zuen. "Bidasotar eta irundar bezala nuen ametsa bete” zuelarik, gaurko egunean Bidasoa eta eskubaloia utziko duela iragarri du Adrian Crowleyk. Une onak eta txarrak bizi izan dituen jokalaria da; lesioak gainditu, eraberritu eta taldearekin batera, jauzi kualitatibo handia eman duena.

Esan bezala, 2005-2006 denboraldian Bidasoa eta Bartzelonaren arteko lehian estreinatu zen lehen taldearekin Crowley. 29-30 galdu zuen talde irundarrak, baina egun eta denboraldi horretako emanaldiak ez ziren oharkabean igaro. Portland San Antoniok 2006-2007 denboraldian fitxatu zuen eta Almerian urtebete utzita egon ondotik, 2011-2012 denboraldira arte talde nafarraren kamiseta defendatu zuen.

Bidasotar moduan egin duen bigarren garai hau "beste amets bat izan da, pabiloia beteta jokatuta. Zilarretik igotzea, beste kantxa batzuetara gure zaleak joanez, Championsa jokatu... Denborarekin guzti honi balioa emango diogu, ia ez baitugu denborarik izan hainbeste bizipenekin, gehienak, oso onak".

Crowleyk Bidasoa eta eskubaloia uzteko argudiak zintzoki azaldu ditu: Erabaki honetara eraman nauten hainbat gertaera izan dira. Pasatzen utzi ezin dudan lan aukera bat atera zait, hurrengo hilabeteetan bigarrenez aita izango naiz eta honekin guztiarekin mentalki ez dut neure burua hurrengo denboraldirako prest ikusten". Bidasoak kontratua berritzeko asmoa zuen, hala adierazi du jokalariak, baina “zoritxarrez ez nago berritzeko egoeran” argudiatu du. Berritzeko aukera emanagatik, Adrian Crowleyk Gurutz Aginagalde lehendakariari eta Bidasoa entitateari eskerrak eman nahi izan dizkio.

Eskerren artean, taldekideak, teknikariak, medikuak, zuzendaritzako kideak eta Artalekuko zalek gogoan nahi izan ditu: "Espainiako eskubaloiko onena. Beti egon dira gurekin. Zilarrean, ASOBALen, Championsen eta beti berdin etorri dira. Nire esker onik bereziena beraientzat da, oso ondo zaindu bainaute irundarra naizen aldetik”. Geratuko zaion pena bakarra Artalekun bertan agurra ez egitea izango da: “Artalekuko zaleei Artalekun bertan agur esaterik ez izatea da pena bakarra. Eskubaloiak, Bidasoak eta Irunek nirekin izan duten tratua eskertzeko”.

Crowleyk 235 partida jokatu ditu Sacyr ASOBAL ligan, eta 457 gol sartu ditu. EHF Champions Leaguen debutatu zuen Portland San Antoniorekin 2006/2007 denboraldian eta Iruñeko taldearekin 4 gol sartu zituen 10 partidatan, Errekopan (2009/2010 eta 2010/2011) 10 partida jokatu zituen eta 38 tanto sartu zituen. Bidasoa Irunekin VELUX EHF Champions Leagueko 12 partidak jokatu zituen (17 gol) eta EHF European Leagueko hirurak (6 gol) denboraldi honetan.

“Eskerrak guri ematea dagokigu”.

Bidasoako lehendakariak, Gurutz Aginagaldek, Adrian Crowleyrekin batera egin du agerraldia. Crowley entitateari eskerrak eman dion bezala, Aginagaldek gauza bera egin nahi izan du: “guri dagokigu eskerrak ematea. Adrianek Bidasoa den guztia bizi izan du, 2002an hasi eta une berezi batean itzuli zen. Zilarrezko Ohorezko Maila, igoerak, Europa, orain tituluen borrokan egotea… Harrobiko jokalaria definitu beharko bagenu, Adrianen irudia izan liteke".

Eskertuta baino gehiago, Aginagaldek Adrian Crowleyk Bidasoan bizitako une guztiak balioan jarri nahi izan ditu, baita Crowley jokalariarena ere: "oso eskertuta gaude kirol arloan eta klubari pertsonalki eman dion guztiarengatik, baina baita profesionalki ere, ez da ahaztu behar. Jokalari eta pertsona gisa duen kalitatea azpimarratu nahi dut. Kalitate hori, burua eta grina nagusi diren une zailetan egoten jakite hori, Adrianek ematen duen oreka hori oso garrantzitsua da ".

 HARROBIAREN URTEA “IKUSGARRIA” IZAN DA C.D. BIDASOAKO HARROBIKO ZUZENDARI BERRIAREN ARABERA
Eskubaloia

HARROBIAREN URTEA “IKUSGARRIA” IZAN DA C.D. BIDASOAKO HARROBIKO ZUZENDARI BERRIAREN ARABERA

Borja Burgetek, C.D. Bidasoako harrobiko zuzendari teknikoak, sasoi zail honen balantzea egin du.

Lehen taldeak eginiko denboraldia historikoa izan bada,...

ABUZTUAK 2an HASIKO DU DENBORALDI-AURREA BIDASOAK
Eskubaloia

ABUZTUAK 2an HASIKO DU DENBORALDI-AURREA BIDASOAK

Momentuz, hiru dira konfirma ditzakegun lagunartekoak: Fenix Toulouse, Billere Handball Pau eta Ereintza Aguaplast.

Bidasoak badu denboraldi-aurrerari...

EZKER HEGALEKO JOKALARI BERRIA DA DARIEL GARCIA
Eskubaloia

EZKER HEGALEKO JOKALARI BERRIA DA DARIEL GARCIA

24 urteko jokalari Kubatarra urtebeterako akordioa erdietsi du Bidasoarekin.

Gaurko egunean Bidasoak denboraldi berriko laugarren fitxaketa iragarri du....

ANDER UGARTE, ADRIAN FERNANDEZ ETA VICTOR RODRIGUEZ, KOLPEZ HIRU FITXAKETA
Eskubaloia

ANDER UGARTE, ADRIAN FERNANDEZ ETA VICTOR RODRIGUEZ, KOLPEZ HIRU FITXAKETA

C.D. Bidasoak Ander Ugarte eta Adrian Fernandezekin akordioa erdietsi du hurrengo bi denboralditan piboteak eta erdilariak talde irundarrean joka dezaten; Victor...

IÑAKI CAVEROK BIDASOAREKIN BERRITU DU
Eskubaloia

IÑAKI CAVEROK BIDASOAREKIN BERRITU DU

Eskuin hegaleko jokalari irundarra beste urte batez bere herriko taldearen kamiseta defendatzen jarraituko du.

2021-2022 denboraldian ere Iñaki Caverok...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika