BALIO HANDIKO PUNTUA
Futbola

BALIO HANDIKO PUNTUA

Kalitate handiko neurketa jokatu dute Bilbao Athletic eta Real Unionek. 0-0eko markagailua eta puntu banaketa emaitza justuena izan da.

Ondo hasi du 2021.urtea Real Unionek. Liderraren aurka jokatu du, bere zelaian, Lezaman eta itxura paregabea utzi du. Asteazkenean Santanderreko Racingen aurka jokatu aurretik, sendoa den taldearen tankera hartzen ari den seinaleak utzi ditu talde txuri-beltzak. 0-0eko berdinketarekin, 14 puntu eskuratuta, Real Unionek bosgarren postura igo da.

Bi tal deak oso serio atera dira Lezamako berdegunera, Aitor Zulaikaren taldeak erdigunean presioa eragin nahi izan du partiduaren hasieratik eta Bilbao Athleticen joko dinamikoa oztopatzea lortu du. Neurketako lehen aukera talde txuri-beltzak izan du, korner baten aldaratzea Jon Madrazoren oinetan erori da eta honen jaurtiketa mantso Julen Agirrezabalaren eskuetara joan da. Aukera horren ostean, etxekoen lehen zatiko abagune bakarra iritsi da. Jon Cabok 1-0ekoa egiteko aukera garbia izan du, baina Jon Irazustabarrenak erantzun bikaina eman dio bilbotarraren saiakerari.

Oso fin ibili da defentsan Real Union lehen zati osoan zehar, Artola eta Zarragak zailtasunak izan dituzte Behobide eta Elizondoren defentsak gainditzeko. Bilbao Athleticen jokoaren motorra geldituta, Real Unionek bi aukera izan ditu lehen zatian markagailuan aurretik jartzeko. Lehena, Jon Madrazok izan du. Aldaratze batean, baloia area txikian solte geratu da, baina Jon Madrazo baloia sarera bidaltzekoa zenen, Bilbao Athleticen atezaina aurreratu zaio eta baloia geratzea lortu du. Bigarrena, ordea, Sergio Llamasen oinetatik etorri da. Galanek baloi gozoa utzi dio gasteiztarrari eta honen jaurtiketa, beste behin, Agirrezabalak 1-0ekoa ekidin du. Llamasen aukera, talde irundarraren lehen zatiko abagune garbiena izan da.

Bigarren zatia lehena bezain ondo ekin du Real Unionek. Aukera argirik gabe, baina arrisku sentsazio handiarekin, Bilbao Athletic bere zelaian sartzea behartu du. Minutuak aurrera egin ahala, aldiz, bilbotarrak hobeto kokatu dira soropilean eta baloiaren jabetza bereganatu dute. Lehoi kumeen aukera bakarra Juan Artolak izan du, bere jaurtiketa Kijeraren bizkarrean jo ostean, kanpora joan da.

Aitor Zulaikak , neurketa eraldatu nahian, bi aldaketa egin ditu. Viguera eta Rivero zelairatu ditu, lehenak 1-0ekoa egiteko bi abagune izan ditu, baina Athleticeko jokalari ohiak bietan huts egin du. Bigarren aukeraren aurretik, Nico Williamsek gola sartu du, baina epaileak jokoz kanpo zegoela adierazi du. Neurketaren ondarrean, Real Unionek izan ditu aukerarik garbienak. Minutu erabakigarrienetan, talde txuri-beltzak aurrera egin du eta Capeleteren bidez hiru puntuak bereganatzeko aukera bikaina izan du. Irundarraren boleaz jaurtitako ezkerkadari sekulako erantzuna eman dio Julen Arrizabalaga atezainak eta 0-0eko markagailua mantendu du. Azkenean, puntu banaketa Lezaman. 

GOL FESTA GALEN
Futbola

GOL FESTA GALEN

Real Unionek Stadium Galen Leioa 5-0 irabazi du, hasieratik amaierara arte, erakustaldia eman du Aitor Zulaikaren taldeak.

Duela urte asko Real Unionek...

IGOERA POSTUETAN KOKATZEKO GARAIPEN SUFRITUA
Futbola

IGOERA POSTUETAN KOKATZEKO GARAIPEN SUFRITUA

Azken 9 puntuetatik 7 lortu ditu Real Unionek. Gaur Ibaiako futbol zelaian, asko sufrituta 0-1 garaitu du Aitor Zulaikaren taldeak.

Aitor Zulaikaren...

ONDO BIDEAN, EZ DEZATELA ATZERA BEGIRATU
Futbola

ONDO BIDEAN, EZ DEZATELA ATZERA BEGIRATU

Zailtasunekin hasi eta sendo bukatu du Real Unionek lehen itzulia. Atzean geratu dira, momentuz, iraganeko mamuak eta ilusioak gainezka larunbatean Ibaian...

THIOR, NEGUKO FITXAKETA
Futbola

THIOR, NEGUKO FITXAKETA

Real Unionek bigarren itzulia hasteko atarian neguko fitxaketa egin du, Erreleko jokalari ohia den Zourdine Thiorrek denboraldia bukatu arte sinatu...

BOLADA ONAREN EGIAZTAPENA
Futbola

BOLADA ONAREN EGIAZTAPENA

Real Unionek 1-3 irabazi dio Santanderreko Racingi Campos de Sport El Sardineron eta laugarren sailkatu bezala bukatu du lehen itzulia.

Era hoberenean...

BALIO HANDIKO PUNTUA
Futbola

BALIO HANDIKO PUNTUA

Kalitate handiko neurketa jokatu dute Bilbao Athletic eta Real Unionek. 0-0eko markagailua eta puntu banaketa emaitza justuena izan da.

Ondo hasi du...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika