BAT-EKO NESKA-MUTILEK LIGAN MAILA MANTENTZEA LORTU ZUTEN

Neskek Ohorezko Mailan jarraituko dute beste urte batez, eta mutilek Lehen Mailan

Bidasoa Atletiko Taldeko neska-mutilek asteburu erabakiorra izan zuten aurrekoan. Izan ere, Ligako hirugarren eta azken jardunaldian parte hartu zuten eta maila mantentzea zuten jokoan bi taldeek ere. Nahiz eta aurreikuspenak ez zuten laguntzen helburu hori lortzeko, emaitza onak eskuratu eta maila mantentzea ere lortu zuten.

BAT-eko neskak Donostin lehiatu ziren pasa den larunbatean, Ohorezko Maila mantentzeko asmoarekin. Azken jardunaldi hau zaila zen taldearentzat, izan ere, gutxienez seigarren postua eskuratu behar zuten neskek maila berean jarraitzeko. Gainera, azken aldian izan dituzten bajak kontuan hartuta, salbazioa oraindik zailagoa zen.

Taldeak bazekien akatsik gabeko lehiaketa burutu behar zuela, eta horrela izan zen. Aurreikuspenak bete zituzten proba guztietan, eta batzuetan hauek gainditu ere egin zituzten. Honekin, erreleboen probara maila mantentzeko aukerekin iritsi ziren. Errelebo motzetan azken postuan sailkatu ziren, 48,47 segundurekin. 4x400eko erreleboan aldiz, Angelak, Junkalek, Maek eta Alaznek lasterketa izugarria burutu zuten eta hirugarren postua eskuratu zuten, Teneriferen aurretik. Horrela, sailkapen orokorrean bostgarren postuan amaitu zuen taldeak eta beraz, Ohorezko Maila mantentzea lortu zuten, 85 punturekin guztira.

BAT-eko mutilak Lehen Mailan jarraituko dute

Mutilak Gandiara joan behar izan ziren Ligako azken jardunaldia jokatzera. Nahiz eta hauek aurreikuspen hobeak eduki, akatsik gabeko lehiaketa egin behar zuten eta zalantzan zegoen beraien salbazioa ere. Mutilen helburua ere seigarren postuan sailkatzea zen Lehen Maila mantentzeko.

Pau Blasiren bajarekin, baina Juan Errandonea berreskuratuta, taldeak lan bikaina egin zuen proba guztietan eta bere mailarik onena erakutsi zuen, lehen postu ugari lortuz. Erreleboen probara aukerekin iritsi ziren hauek ere eta 4x100 metroko proban, dagoeneko, ziurtatu zuten maila mantenduko zutela. Sailkapen orokorrean laugarren postua eskuratuta, 91,5 punturekin, BAT-eko mutilak urte bete gehiago emango dute Lehen Mailan.

Adur Amilibiarekin solastu ginen eta berak eman zigun asteburuko jardunaldiaren berri.

 

(Argazkia: BAT)

HAMAIKA DOMINA ESKURATU DITUZTE BATEKO ESKOLARTEKOEK GIPUZKOAKO TXAPELKETAN

Plaiaundin jokatu zen alebin eta infantil mailako Gipuzkoako Txapelketa eta etxekoek hamaika domina bildu zituzten guztira

Gipuzkoako alebin eta...

BIDASOA ATLETIKO BETERANOEK HAMAIKA DOMINA ESKURATU DITUZTE EUSKADIKO TXAPELKETAN

Irungo klubeko Arantxa Ausan, Juana Usabarrena, Miguel Arburua, Imanol Gil eta Javier Garcia Arnedo nagusitu ziren kategoria desberdinetan

Euskadiko...

HONDARRIBIAKO 10K HERRI LASTERKETA IGANDE HONETAN OSPATUKO DA

Ibilbide laua eta oztoporik gabekoa denez, marka egiteko aproposa izanen dela iragarri dute antolatzaileek

Lasterketaren aurkezpena egin zuten orain dela...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika