BAZTAN-BIDASOALDEKO FUTBOL TALDE IA GEHIENEK LORTU DUTE GARAIPENA ASTEBURUAN
Futbola

BAZTAN-BIDASOALDEKO FUTBOL TALDE IA GEHIENEK LORTU DUTE GARAIPENA ASTEBURUAN

Beti Gazteko emakumeek liderrarekin berdindu zuten eta Baztanek berriz, 2-0 galdu zuen Erriberriren kontra

Asteburu emankorra izan da Baztan-Bidasoaldeko futbol talde nagusientzat. Beti Gazteko gizonek, Gure Txokoak eta Doneztebek jardunaldiko hiru puntuak irabazi zituzten. Beti Gazteko emakumeek berriz, berdinketarekin bukatu zuten liderraren kontrako neurketa, eta Baztanek 2-0 galdu zuen Erriberri taldearen kontra.

Gipuzkoako Ligan, Beti Gazteko Ohorezko Erregional mailako emakumeek bina berdindu zuten etxean Antiguoko taldearen kontra. Aurkaria sailkapeneko lider moduan ailegatu zen Mastegira, eta lesakarrek eurekin puntuak banatzea lortu zuten, ia garaipena eskuratu ere. Izan ere, luzapenean lortu zuen bisitariak lesakarren markagailua berdintzea. Hala ere, Ainara Otxoteko bigarren entrenatzaileak aipatu bezala, aurten egindako lanak fruituak eman dituela erakutsi zuten etxean, eta gai direla aurkari haundiei aitzin egiteko.

Beti Gazteko Ohorezko Erregional mailako gizonezkoek berriz, garaipena eskuratu zuten etxean ere, Tolosaren kontra. 2-1eko markagailua erdietsi zuten lesakarrek eta hauek ere pozik bukatu zuten jardunaldia, hiru puntuak bilduz, eta sailkapeneko azken postuak sahieztuz bertze asteburu batez, Javier Escagües entrenatzaileak erran duenez.

Erregional mailako Gure Txokoak ere garaipen ederra bildu zuen Matzadan igandean. Elgoibar B jaso zuen bertan, eta 6-1eko markagailuarekin irabazi zuten beratarrek. Honen ondotik, sailkapeneko hirugarren postuan kokatu dira Ganix Zubietaren mutilak, bigarrenarekin eta laugarrenarekin puntuetan berdinduta. Horrez gain, liderra soilik bi puntutara dute. Hurrengo jardunaldietan beraien onena eman beharko dutela aipatu du Zubieta entrenatzaileak berak, eskura baitute igoera zuzena.

Nafarroako Ligan, Lehen Maila Autonomikoko Baztanek 2-0 galdu zuen Erriberri taldearen kontra. Neurketa parekatua jokatu zutela aipatu du Iban Romo entrenatzaileak eta horregatik beragatik, berdinketa justuagoa izanen litzatekeela. Hala ere, itxura ona eman zuten eta horrekin gelditu ziren baztandarrak. Ia errekuperatzeko astirik gabe, bihar, maiatzaren lehenean, jokatuko dute hurrengo jardunaldia, Amigoren kontra, etxean, 18:00etan.

Azkenik, Preferente mailako Doneztebek 0-1 irabazi zuen Universidad de Navarra taldearen kontra. Joel Gil bigarren entrenatzaileak adierazi duenez, euren taldea aurkaria baino gehiago izan zen, batez ere bigarren zatian, eta honek indarra emanen die orain denboraldia bukatu baino lehen jokatu beharko dituzten azken bortz partiduetan. Hain zuzen ere, gaur bertan jokatuko dute hauek ere hurrengo jardunaldia. Apirilaren 30ean, arratsaldeko 20:00etan, Mendi taldea bisitatuko dute doneztebarrek. 

REAL UNION ROCAK SAN MIGUELEN UTZI ZITUEN PUNTUAK
Futbola

REAL UNION ROCAK SAN MIGUELEN UTZI ZITUEN PUNTUAK

Unai Gordok bere atean sartutako gol baten ondorioz, Mutrikuk eraman zuen garaipena

Mutriku FT: Arambarri; Etxebarria, Blanco...

REAL UNIONEK GARAIPENA ESKURATU ZUEN ETXEKO AZKEN JARDUNALDIAN
Futbola

REAL UNIONEK GARAIPENA ESKURATU ZUEN ETXEKO AZKEN JARDUNALDIAN

Talde txuribeltzak Fuenlabrada garaitu zuen (2-1) luzapenean Bazek sartutako gol bati esker

Real Unionek denboraldiko azken aurreko jardunaldia...

IRUNGO UDALAK 534.000 EURO BIDERATUKO DITU STADIUM GALEN HOBEKUNTZAK EGITEKO
Futbola

IRUNGO UDALAK 534.000 EURO BIDERATUKO DITU STADIUM GALEN HOBEKUNTZAK EGITEKO

Irisgarritasun neurriak betetzeko igogailua instalatzeko eta berdegunea berritzeko inbertsioak aurreikusi ditu 

Maiatzeko udal osoko bilkuran...

OSASUNAK UDAKO FUTBOL CAMPUSA EGINEN DU DONEZTEBEN
Futbola

OSASUNAK UDAKO FUTBOL CAMPUSA EGINEN DU DONEZTEBEN

4 eta 14 urte bitarteko haurrek hartzen ahalko dute parte ekainaren 24tik 27ra eginen den topaketan

Osasunak udako futbol campusa antolatu du Donezteben,...

FRAN JUSTO: “BIHAR IRABAZI NAHI DUGU AITZINERA PAUSU GARRANTZITSUA IZANEN DELAKO”
Futbola

FRAN JUSTO: “BIHAR IRABAZI NAHI DUGU AITZINERA PAUSU GARRANTZITSUA IZANEN DELAKO”

Real Unionek denboraldiko azken aurreko partidua jokatuko du bihar, azkena etxean, Fuenlabradaren kontra

Real Unionek denboraldiko azken aurreko partidua...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika