BAZTAN-BIDASOALDEKO FUTBOL TALDE NAGUSI BAKAR BATEK ERE EZ DU GALDU ASTEBURUAN
Futbola

BAZTAN-BIDASOALDEKO FUTBOL TALDE NAGUSI BAKAR BATEK ERE EZ DU GALDU ASTEBURUAN

Beti Gazteko bi taldeek, Gure Txokoak eta Baztanek garaipena eskuratu zuten eta Doneztebek berriz, berdinketa

Jardunaldi arrakastatsua izan dute gure asteburuan eskualdeko futbolariek, Baztan-Bidasoaldeko futbol talde nagusi bakar batek ere ez baitu galdu. Beti Gazteko bi taldeek, Gure Txokoak eta Baztanek garaipena eskuratu zuten, eta Doneztebek berriz, berdinketa gehiago merezi izan zuten partiduan.

Gipuzkoako Ligan, Beti Gazteko Ohorezko Erregional mailako emakumeek 5-4 garaitu zuten pasa den larunbat eguerdian Urola taldea. Aurkari gogorra zuten lesakarrek, eta Mastegiko zelaian nagusi izan ziren etxekoak, Ainara Otxoteko bigarren entrenatzaileak kontatu duenez. Hala ere, markagailua ez zen guztiz euren alde jarri bukaera arte. Azkenik, bukaerarako hamar minutu gelditzen zirenean lortu zuten aitzinetik jartzea eta hiru puntuak ere etxean gelditzea.

Beti Gazteko Ohorezko Erregional mailako gizonezkoek ere 3-2 irabazi zuten igande arratsaldean Mutrikuren kontra. Lesakarrak hobeak izan ziren partidu guztian zehar eta irabazitako hiru puntuak ere merezitakoak izan ziren. Hala ere, neurketa ez zen erraza izan, lehiatu beharrekoa baizik. Maila mantentzeko borrokan, garrantzitsua izan zen lortutako garaipena, nahiz eta oraindik ez duten helburua ziurtatua, Javier Escagües entrenatzaileak dioenez.

Erregional mailako Gure Txokoak ere garaipena eskuratu zuen, Sanpedrotarra Bri 4-1 irabazita. Derrigorrezkoak zituzten beratarrek hiru puntuak eta lortu zituzten. Sailkapeneko laugarren postuan kokatuak daude orain, hirugarrenarekin eta bigarrenarekin berdinduta. Euren helburua hirugarren postua eskuratzea izanen da, promozioa jokatu ahal izateko. Edonola ere, liderra bisitatu beharko dute heldu den asteburuan eta beraz, ez da erraza izanen. Irabaziz gero ere, eurekin berdinduta dauden taldeen emaitzei begira egon beharko dira, Ganix Zubieta entrenatzaileak aipatu duenez.

Nafarroako Ligan, Lehen Maila Autonomikoko Baztanek 3-1 garaitu zuen Mutilvera B. Bolada hagitz onean daude baztandarrak eta hiru puntu gehiago batuta, sailkapeneko laugarren postuan daude kokatuta, promozio maila jokatzeko egoera ezin hobean. Denboraldia bukatzeko bi jardunaldi bertzerik ez zaizkie falta eta, partiduz partidu joanen direla aipatu du Iban Romo entrenatzaileak, helburu garbiarekin: garaipena eskuratu eta promozioa jokatu.

Azkenik, Preferente mailako Doneztebek ezin izan zuen Altsasu garaitu, pasa den igandean arratsaldean. Banako berdinketa lortu zuen eta beraz, puntu baliagarria ekarri zuten doneztebarrek bueltan etxera. Markagailuak islatzen duen moduan, neurketa parekatua izan zen. Bi taldeek aukerak izan zituzten neurketa irabazteko, baina azkenerako puntuak banatu zituzten. Joel Gil bigarren entrenatzaileak etxera zapore gazi-gozoarekin bueltatu zirela erran du, markagailua euren alde baldin bazuten ere, ezin izan zituztelako hiru puntuak eskuratu. Hala ere, puntua baliagarria da eta denboraldi bukaeran ere indartsu daudela erakusten ari dira. 

REAL UNION ROCAK SAN MIGUELEN UTZI ZITUEN PUNTUAK
Futbola

REAL UNION ROCAK SAN MIGUELEN UTZI ZITUEN PUNTUAK

Unai Gordok bere atean sartutako gol baten ondorioz, Mutrikuk eraman zuen garaipena

Mutriku FT: Arambarri; Etxebarria, Blanco...

REAL UNIONEK GARAIPENA ESKURATU ZUEN ETXEKO AZKEN JARDUNALDIAN
Futbola

REAL UNIONEK GARAIPENA ESKURATU ZUEN ETXEKO AZKEN JARDUNALDIAN

Talde txuribeltzak Fuenlabrada garaitu zuen (2-1) luzapenean Bazek sartutako gol bati esker

Real Unionek denboraldiko azken aurreko jardunaldia...

IRUNGO UDALAK 534.000 EURO BIDERATUKO DITU STADIUM GALEN HOBEKUNTZAK EGITEKO
Futbola

IRUNGO UDALAK 534.000 EURO BIDERATUKO DITU STADIUM GALEN HOBEKUNTZAK EGITEKO

Irisgarritasun neurriak betetzeko igogailua instalatzeko eta berdegunea berritzeko inbertsioak aurreikusi ditu 

Maiatzeko udal osoko bilkuran...

OSASUNAK UDAKO FUTBOL CAMPUSA EGINEN DU DONEZTEBEN
Futbola

OSASUNAK UDAKO FUTBOL CAMPUSA EGINEN DU DONEZTEBEN

4 eta 14 urte bitarteko haurrek hartzen ahalko dute parte ekainaren 24tik 27ra eginen den topaketan

Osasunak udako futbol campusa antolatu du Donezteben,...

FRAN JUSTO: “BIHAR IRABAZI NAHI DUGU AITZINERA PAUSU GARRANTZITSUA IZANEN DELAKO”
Futbola

FRAN JUSTO: “BIHAR IRABAZI NAHI DUGU AITZINERA PAUSU GARRANTZITSUA IZANEN DELAKO”

Real Unionek denboraldiko azken aurreko partidua jokatuko du bihar, azkena etxean, Fuenlabradaren kontra

Real Unionek denboraldiko azken aurreko partidua...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika