BAZTANEK ETA DONEZTEBEK GALTZEN HASI DUTE URTEA
Futbola

BAZTANEK ETA DONEZTEBEK GALTZEN HASI DUTE URTEA

Baztandarrek 3-0 galdu zuten Mutilvera B taldearen kontra, eta doneztebarrek berriz, 0-1 Alsasuaren aitzinean

Nafarroako Ligako zenbait taldek txapelketari berrekin zioten pasa den asteburuan. Lehen maila autonomikoko Baztanen eta Preferente mailako Donezteben kasua izan zen hori, eta bi talde hauek ere ez zuten urtea arrakastarekin hasi. Lehenak 3-0 galdu zuten Mutilvera B taldearen kontra, eta bigarrenak 0-1eko emaitzarekin bukatu zuten etxeko zelaian Alsasuaren kontra jokatutako partiduan.

Baztandarren entrenatzailea den Iban Romok aipatu duenez, parekatua egon zen Mutilvera B-ren kontrako partidua. Bukaera bitarte golik ez jasotzea lortu bazuten ere, bi taldeentzat markagailua hutsean geldituko zela uste zutenean, hiru gol segidan hartu zituen Baztanek. Azken minutuetan izanda, ezin izan zuten deus ere egin eta porrotarekin bueltatu ziren etxera. Aitzakirik jarri nahi ez badute ere, lehiaketaren erritmo falta somatu zuten Romoren mutilek, baita Eguberrietako egunetan entrenamendu saio nahasiak izan zirela eta jokalariak osasunez ez zeudela beraien onenean ere. Hala ere, maila eman zutela azpimarratu nahi izan du entrenatzaileak, batez ere 18 urtez behitiko sei bat jokalariekin aritu zirelako.

Doneztebeko Joel Gil bigarren entrenatzaileak ere jasotako porrotean lehiaketaren etenaldiak eragina izan zuela uste du. Hauek ere ez dute aitzakirik jarri nahi, baina hori izan zen jokalariek somatu zutena. Alsasua izan zuten aitzinean doneztebarrek eta aurkari zaila izanen zela bazekiten. Lehen zatian sartu zuen aurkariak garaipenaren gola eta etxeko atezainak ezin izan zuen deus ere egin hori ekiditeko. Bigarren zatian neurketa berdintzen saiatu ziren, baina gola ez zen ailegatu eta beraz, puntuak aurkariarentzat izan ziren.

Heldu den asteburuan, Baztanek Injerto jasoko du Giltxaurdin, larunbatean (urtarrilak 13) 17:00etan, eta Doneztebek berriz, Leitzako Aurrera bisitatuko du euren arteko derbia jokatzeko. Azken hauen partidua igandean jokatuko da, urtarrilaren 14an, 16:00etan. 


REAL UNIONEK ROCA TALDEAREN INGURUKO LIBURUA KALERATU DU
Futbola

REAL UNIONEK ROCA TALDEAREN INGURUKO LIBURUA KALERATU DU

“Ecos del Roca” izenburupean, Roca talde historikoaren sorrera kontatu dute liburuan

Real Unionek “Ecos del Roca” liburua kaleratu berri du,...

REAL UNIONGO BETERANOEK IRUN HIRIA TXAPELKETA OSPATUKO DUTE LARUNBATEAN
Futbola

REAL UNIONGO BETERANOEK IRUN HIRIA TXAPELKETA OSPATUKO DUTE LARUNBATEAN

Zazpigarren edizioa izanen da eta txapelketa triangularrean, Touring KEk eta Arenas Clubak parte hartuko dute

Real Unionek Irun Hiria Beteranoen...

JOSH FEENEY ETA TOMMI O´REILLY ASTON VILLARA BUELTATUKO DIRA
Futbola

JOSH FEENEY ETA TOMMI O´REILLY ASTON VILLARA BUELTATUKO DIRA

2024ko urte hasieran ailegatu ziren Real Unionera bi jokalariak utzita eta orain, jatorrizko taldera bueltatuko dira berriz ere

Real Unionek...

REAL UNIONEK FUTBOL CAMPUSA ANTOLATU DU UZTAILERAKO
Futbola

REAL UNIONEK FUTBOL CAMPUSA ANTOLATU DU UZTAILERAKO

Izen emateak irekiak daude ekainaren 26ra bitarte

Real Unionek aurten ere Udako Campusa antolatu du hiriko eta eskualdeko haur...

GALLARDOK IRABAZI DU REAL UNIONEN III. ENPRESEN TXAPELKETA
Futbola

GALLARDOK IRABAZI DU REAL UNIONEN III. ENPRESEN TXAPELKETA

Final handian Tecnari irabazi zion Irungo enpresak

Real Unionek III. Enpresen Txapelketa ospatu zuen pasa den asteburuan Stadium Galeko anexoan eta...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika