BETI GAZTEKO EMAKUMEEK ETA DONEZTEBEK IRABAZI DUTE ASTEBURUAN
Futbola

BETI GAZTEKO EMAKUMEEK ETA DONEZTEBEK IRABAZI DUTE ASTEBURUAN

Beti Gazteko gizonezkoek puntu bat atera zuten euren jardunalditik eta Gure Txokoak eta Baztanek porrot bana jaso

Baztan-Bidasoaldeko futbol talde nagusien artean, Beti Gazteko Ohorezko Erregional mailako emakumeen eta Preferente mailako Doneztebek soilik eskuratu dute garaipena. Ohorezko Erregional mailako Beti Gazteko gizonezkoek berriz, bana berdinduta bukatu zuten Deban eta Erregional mailako Gure Txokoak eta Lehen Maila Autonomikoko Baztanek porrot bana jaso zuten asteburuan.

Gipuzkoako Ligan, Beti Gazteko Ohorezko Erregional mailako emakumeek 2-0 irabazi zuten etxean, Mastegin, Hernani B taldearen kontra. Pasa den asteburuko porrota alde batera utzi eta berriz ere hiru puntuak batzeko gai izan ziren lesakarrak. Ainara Otxoteko bigarren entrenatzaileak kontatu duenez, sasoi onean daude lesakarrak eta hemendik aitzinera gelditzen zaizkien neurketei aitzin egiteko baliagarria izanen zaie indar hori ere.

Beti Gazteko Ohorezko Erregional mailako gizonezkoek aldiz, bana berdindu zuten igandean Deban Amaikak Bat taldearen kontra. Gibeletik joan ziren lesakarrak, aurkariak gola sartu zuenetik, eta azken minutuan partidua berdintzea lortu zuten. Honela, Javier Escagües entrenatzaileak adierazi duen moduan, baliagarria izan zen etxera bueltan ekarri zuten puntua.

Erregional mailako Gure Txokoak berriz, porrota jaso zuen Lazkaoren kontra Matzadan. 2-4ko markagailuarekin galdu zuten beratarrek eta sailkapeneko lidergotza ere Lazkaoren eskutan utzi dute orain. Hala ere, oraindik igoera lortzeko aukerak irekiak daude, Ganix Zubieta entrenatzaileak erran duenez. Denboraldiko bigarren fase honen erdian daude momentu honetan, zazpi partidu jokatuta eta bertze zazpi jokatzeko, eta beratarrak beraz, itxaropentsu daude lanean segi eta garaipenak batzeko.

Nafarroako Ligan, Lehen Mila Autonomikoko Baztanek 2-1 galdu zuen Rotxapea taldearen kontra. Hasi aitzinetik baztandarrek bazekiten neurketa zaila izanen zela, sailkapeneko liderra baita aurkaria. Hala ere, maila eman zutela azpimarratu du Iban Romo entrenatzaileak eta bere taldeak ere punturen bat ateratzea merezi izan zuela, tarte batzuetan joko ona erakutsi zutelako eta gehiago ere izan zirelako. Hala ere, ez zen posible izan, baina esperientzia hau gehiago bilduta, indartsuagoak dira orain sailkapeneko hirugarren postuan dagoen taldea etxean jasotzeko.

Azkenik, Preferente mailako Doneztebek garaipena eskuratu zuen igande arratsaldean Iñaki Indart zelaian. 4-2 irabazi zuten doneztebarrek Aibares taldearen kontra. Erritmoa hartzea kosta egin zitzaion etxeko taldeari, baina behin golak sartzen hasita, 4-0eko markagailua erdietsi zuen Doneztebek. Emaitza hori lortuta, jokoaren erritmoa berriz ere jeitsi zuten eta horrela, Aibaresek bi gol sartzeko aukera aprobetxatu zuen. Hala ere, Doneztebek ez zuen arriskurik izan eta garaipena etxean gelditu zen. Partida gogorrak espero dituzte orain ,Joel Gil bigarren entrenatzaileak kontatu duenez, eta sasoi on honi eutsi beharko diote.

 

REAL UNION ROCAK HIRU PUNTUAK ESKURATU ZITUEN AZPEITIAN
Futbola

REAL UNION ROCAK HIRU PUNTUAK ESKURATU ZITUEN AZPEITIAN

1-3ko markagailuarekin txuribeltzek garaipena eskuratu zuten Garmendipen, Lagun Onak B taldearen kontra

CD Lagun Onak B: Madrazo; Arizmendi,...

REAL UNIONEK PORROTA JASO ZUEN LAS LLANAS ZELAIAN
Futbola

REAL UNIONEK PORROTA JASO ZUEN LAS LLANAS ZELAIAN

Sestaok sartutako bi penaltiekin, 3-1eko emaitzarekin galdu zuen Real Unionek

Real Unionek porrota jaso zuen pasa den larunbatean Las Llanas...

FRAN JUSTO: “GURE ONENA EMAN BEHAR DUGU, MODU PERFEKTUAN ARITZEKO ETA HIRU PUNTUAK ESKURATZEKO”
Futbola

FRAN JUSTO: “GURE ONENA EMAN BEHAR DUGU, MODU PERFEKTUAN ARITZEKO ETA HIRU PUNTUAK ESKURATZEKO”

Real Unionek bihar bisitatuko du Sestao River (20:00), zalerik gabe jokatuko den neurketa ospatzeko

Real Unionek, pasa den asteburuko garaipena...

REAL UNIONEK CORNELLA GARAITU ZUEN GALEN
Futbola

REAL UNIONEK CORNELLA GARAITU ZUEN GALEN

Alex Cerdák sartutako golari esker, hiru puntuak etxean gelditu ziren

Urtarriletik garaipenik batu gabe egon ondotik, Real Unionek Cornella garaitu...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika