BI DOMINA ESKURATU DITUZTE BAT-EKO ATLETEK ESPAINIAKO TXAPELKETAN

Naia Llorente Espainiako txapeldunorde izan zen eta Egoitz Miquelarena podiumeko hirugarren koskara igan zen

Bidasoa Atletiko Taldeko 16 urtez azpiko kirolariak Ourensen jokatu den kategoria horretako Espainiako Txapelketan lehiatu dira. Bertan parte hartu duten bortz atleta irundarrek emaitza onak lortu dituzte, tartean, Naia Llorente Espainiako txapeldunorde izan da eta Egoitz Miquelarenak brontzezko domina eskuratu du.

Naia Llorente Espainiako txapeldunorde izan zen 16 urtez azpiko Espainiako Txapelketan. 1,64 metroko azken jauzia eginda iritsi zen Ourensera irundarra. Bertan, 1,66 metroko saiakera egin zuen eta finala lehiatzera iritsi zen, Aitana Alonsoren kontra, Espainiako errekorra duen atleta. 1,72 metro lortu zituen, baina 1,74ko langa ezin pasatu gelditu zen eta beraz, txapeldunorde bilakatu zen atleta irundarra. Hala ere, bere marka pertsonala hautsi zuen 8 zentimetrotan, eta 16 urtez azpiko Euskadiko errekorra ere egin zuen.

Egoitz Miquelarena berriz, podiumeko hirugarren koskara igan zen asteburuan, 300 metroko proban. Finalera pasatzea lortu zuen, finalerdietan hirugarren postuan sailkatu ondotik. Finalean, postu bera errepikatu zuen 36,68 segundutan lasterketa osatuta.

Jon Gajatek laugarren postua eskuratu zuen 60 metroko hesi-lasterketan. 8,63 segunduko markarekin, finalera pasatu zen Gajate eta bertan, laugarren postuan helmugaratu zen, 8,55ko denborarekin. Azkenik, Hugo Vazquezek eta Alai Cabellok emaitza onak lortu zituzten 1000 metroko lasterketan. Vazquez ez zen finalean sartu, baina finalerdietan 2:46,65ko denbora ona egin zuen. Cabellok berriz, 2:53,20 minututan osatu zuen bere azken finalerdietako lasterketa, bederatzigarren postuan. 

HAMAIKA DOMINA ESKURATU DITUZTE BATEKO ESKOLARTEKOEK GIPUZKOAKO TXAPELKETAN

Plaiaundin jokatu zen alebin eta infantil mailako Gipuzkoako Txapelketa eta etxekoek hamaika domina bildu zituzten guztira

Gipuzkoako alebin eta...

BIDASOA ATLETIKO BETERANOEK HAMAIKA DOMINA ESKURATU DITUZTE EUSKADIKO TXAPELKETAN

Irungo klubeko Arantxa Ausan, Juana Usabarrena, Miguel Arburua, Imanol Gil eta Javier Garcia Arnedo nagusitu ziren kategoria desberdinetan

Euskadiko...

HONDARRIBIAKO 10K HERRI LASTERKETA IGANDE HONETAN OSPATUKO DA

Ibilbide laua eta oztoporik gabekoa denez, marka egiteko aproposa izanen dela iragarri dute antolatzaileek

Lasterketaren aurkezpena egin zuten orain dela...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika