BI URTE PASATA, EMAITZA BERDINAK

Sara Villasantek eta Unai Arroyok, duela bi urteko garaileak, lasterkari herrikoiak lasterketetara itzuli ziren egunean, garaipena errepikatu zuten.

2019ko edizioan, pandemia suertatu aurreko urteko, lasterkari berberek garaipena eskuratu zuten 2021eko Txingudi Korrikan. Sara Villasante eta Unai Arroyo nagusitasun osoz garaipenak erdietsi zituzten, errekorrak eta guzti. Baina hori baino garrantzitsuagoa izan zen lasterkari herrikoien parte hartzea. Behe Bidasoa eskualdeko lehen lasterketa antolatua izan zen Txingudi Korrika eta 600 bat korrikalarik parte hartu zuten.

Bazirudien eguraldiak eguna petralduko zuela, baina euriak atseden eman zuen. Lasterkariek eroso egin zituzten Hendaia, Irun eta Hondarribia lotzen zituzten 10 kilomtroak. Korrikalarien artean zirrara zen nabari, bi urte zeramatzaten lasterketa herrikoietan parte hartu gabe, lehen aldietako emozioa atzeman zitekeen aurpegietan.

Garaileek, Sara Villasantek eta Unai Arroyok, 2019ko garaipenak errekorrarekin errepikatu zituzten. Lehenak, 35:41 denboran bukatu zuen proban, minutu eta erdi hobetu zuen bere marka pertsonala eta Idoia Pico eta Carla Vignolle bidasotarren aurretik geratu zen. Gizonezkoetan, Unai Arroyok Jose Gomez de Arribari eta Beñat Bengoetxeari aurre hartu zien, minutu erdian hobetu zuen duela bi urteko marka.

Roller eta handbike. 

Ion Galarraga jaun eta jabe izan zen handbike modalitatean, 28:11ko denbora egin zuelarik, probako dominatzaile nagusia izan zen. Roller modalitatean, Ilazki Zalakainek eta Berezi Martinezek erdietsi zuten garaipena. Lehenak, 19:55 minututan bukatu zituen 10 kilometroak, kilometroa bi minutu baino gutxiagotan egiteko gaitasuna erakutsi zuen. 

BEÑAT ELZO MENDI LASTERKETA BERTAN BEHERA

Bigarrenez geratuko da bertan behera Beñat Elzo mendi lasterketa. Hala iragarri zuen antolakuntzak bart komunikabideoi bidalitako prentsa-oharrean. Nahiz eta Covid-19aren inguruko neurri...

BI URTE PASATA, EMAITZA BERDINAK

Sara Villasantek eta Unai Arroyok, duela bi urteko garaileak, lasterkari herrikoiak lasterketetara itzuli ziren egunean, garaipena errepikatu...

DONIBANE LOHIZUNE-HONDARRIBIA MARATOI ERDIA BERTAN BEHERA

Antolatzaileek, halabeharrez, “pandemiaren bilakaerak sortzen dizkigun zalantzek bultzatuta, lasterketa bertan behera uztea” erabaki dute.

“Lanean...

LASTERKETA HERRIKOIAK IRAILAREN 18AN BUELTAN IZANGO DIRA

2019tik ospatzen ez den Txingudi Korrikak Behe Bidasoa eskualdean ospatzen diren lasterketen itzuleraren mugarria izango da, irailaren 18an.

Urte eta erdi...

IRUNE MUGURUZA 20 URTEZ AZPIKO TXAPELDUNA BILAKATU DA

 Bidasoa Atletiko Taldeko Unai Gonzalezek zilarrezko domina erdietsi zuen pertika jauziko proban. 

Teresa Errandonea Tokioko Joko Olinpikoetan egongo...

ESPAINIAKO TXAPELDUN BILAKATU DA TERESA ERRANDONEA

13.07’’ segundutan egin zuen 100 metro hesidunetako proba eta bigarren urtez jarraian, Espainiako Txapeldun bilakatu zen.

Azken urtearen antzera,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika