BIDASOA-KOLSTAD NEURKETARAKO SARRERAK SALGAI
Eskubaloia

BIDASOA-KOLSTAD NEURKETARAKO SARRERAK SALGAI

Irailaren 27an ospatuko da Artalekun EHF European Leagueko Bigarren Kanporaketako joaneko neurketa

Bidasoak Europako Txapelketarako bidea datorren asteartean, irailaren 27an, hasiko du. Orduan, Kolstad Håndball talde norbegiarra jaso beharko du Artalekun, 20:45ean, EHF European Leagueko Bigarren Kanporaketako joaneko neurketa jokatzeko. Bidasoa Irun klubetik jakinarazi dutenez, partida ikusteko sarrerak salgai daude dagoeneko. Bi zatitan banatuko dute salmenta eta 3 eta 9 euro tarteko kostua izanen dute bazkideentzat eta 5 eta 18 euro tartekoa bazkide ez direnentzat.

Klubeko bazkideek lehentasuna izanen dute neurketarako sarrerak erosteko. Hain zuzen ere, bihar irailak 21, eguerdiko 12:00ak arte, bazkideek beraien ohiko eserlekua erosteko aukera izanen dute. Hortik aurrera, prezio murriztua mantenduko dute, baina ezin izanen zaie bermatu beraien eserlekua libre egonen denik. Bazkide ez direnek berriz, bihar eguerditik aitzinera erosi ahal izanen dituzte sarrerak. Edonola ere, bigarren talde honek aurretik eserlekuak erreserbatzeko aukera ere izanen du, cdbidasoa@cdbidasoa.eus email-era mezu bat idatziz.

Epea baino lehen sarrerak erosten dituzten bazkideek, Bazkideen Eremuan egin dezakete hau. Bertan, Bidasoa Irun-Kolstad Håndball neurketan sakatu beharko dute eta ordainketa egin. Horrela, beraien eserlekua erreserbatua izanen dute.

Famili-abonua duten bazkideek famili-sarrera eskuratzeko aukera ere izanen dute neurketa honetan. Hala ere, familiako kide batzuk soilik gerturatzen badira partida ikustera, klubarekin harremanetan jarri beharko dira horretarako.

Modu digitalean sarrerak erosteko zailtasunak dituztenak Bidasoako bulegora gerturatzen ahalko dira laguntza eskatzera. Klubak berak jakinarazi duenez, aurrez aurreko arretaren ordutegia 10:30etik 13:00etara eta 15:30etik 18:00etara izanen da.

(Argazkia: Arrate Morales)

DA SILVA ETA SKRZYNIARZ BRASILGO ETA POLONIAKO SELEKZIOEKIN
Eskubaloia

DA SILVA ETA SKRZYNIARZ BRASILGO ETA POLONIAKO SELEKZIOEKIN

Bidasoako bi jokalariek euren selezioekin Munduko eta Europako Txapelketak prestatuko dituzte urrian

Bidasoako...

JACOBO CUETARA: “ARTALEKUREN BABESA BEHARKO DUGU”
Eskubaloia

JACOBO CUETARA: “ARTALEKUREN BABESA BEHARKO DUGU”

Bidasoak bihar ekingo dio Europako Txapelketa Kolstad Håndball taldearen kontra jokatuko duen neurketarekin

BIDASOAK HIRUGARREN GARRAIPENA JARRAIAN ESKURATU DU
Eskubaloia

BIDASOAK HIRUGARREN GARRAIPENA JARRAIAN ESKURATU DU

Bidasotarrek 33-28ko markagailuarekin hartu zuten mendean Recoletas Atletico Valladolid taldea

Bidasoak denboraldi...

JACOBO CUETARA: “ASIER NIETO ETA JULEN AGINAGALDE BERRESKURATU DITUGU”
Eskubaloia

JACOBO CUETARA: “ASIER NIETO ETA JULEN AGINAGALDE BERRESKURATU DITUGU”

Bidasoak Valladolid jasoko du ortzirale honetan Artalekun

Bidasoak denboraldiko laugarren jardunaldia jokatuko du...

BIDASOA-KOLSTAD NEURKETARAKO SARRERAK SALGAI
Eskubaloia

BIDASOA-KOLSTAD NEURKETARAKO SARRERAK SALGAI

Irailaren 27an ospatuko da Artalekun EHF European Leagueko Bigarren Kanporaketako joaneko neurketa

Bidasoak...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika