Plenitude ASOBAL Ligako hamaikagarren jardunaldia jokatu du talde irundarrak Leonen, gaueko 21:00etan

Bidasoak Abanca Ademar Leon taldea izanen du gaur aurkari Plenitude ASOBAL Ligako hamaikagarren jardunaldian. Leongo Palacio de los Deportes kantxan ospatuko da neurketa, gaueko 21:00etan.

Jacobo Cuetarak aurreikusi duenez, Bidasoa eta Leonen arteko partidua “zaila” izango da, “etxeko taldeak bere mailarik onena erakusten badu”. Entrenatzaileak “Granollersi 40 gol sartzea lortu zuen taldea” dela ere jakinarazi du. Honen harira, aurkariaren “erasorako eta gola sartzeko ahalmena” azpimarratu ditu Cuetarak, baita “indibidualki duten maila” ere. “Ligako bigarren talde goleatzailea da” eta Borja Burguete bigarren entrenatzaileak gaineratu duenez, “kontraerasoan ere oso lan ona egiten dute, nahiz eta pixkat irregularrak diren”.

Horregatik guztiagatik, gaur gauean ikusiko beharko du Bidasoak ze talde kantxaratzen den eta nola egin aurre horri. Honez gain, talde irundarrak bere jokoa egin behar duela adierazi du Burguetek: “Gure jokoa egitea lortu behar dugu eta gero ikusiko dugu nola gauden”. Azken finean, kontuan edukita Leon “oso ondo” dabilela eta “fitxaketa oso onak” egin dituela, “akats gutxien egiten duen taldeak irabaziko” duela onartu du bigarren prestatzaileak.

Bidasoa beraz, aurreko larunbateko indar berberarekin kantxaratu beharko da Leongo Palacio de los Deportes kantxan. Irabazteko asmoarekin eta sailkapeneko lehen postuetan egoteko helburuarekin lehiatuko da gaur Abanca Ademar Leon taldearen kontra, gaueko 21:00etan.