BIDASOAK ASOBAL LIGAKO HELBURUEI EUTSIKO DIO IGANDEAN
Eskubaloia

BIDASOAK ASOBAL LIGAKO HELBURUEI EUTSIKO DIO IGANDEAN

Talde irundarrak BM Logroño La Rioja taldea jasoko du igandean (18:30) Artalekun

Bidasoak, Europako ametsari agur erranda, Plenitude ASOBAL Ligako helburuei eutsi beharko dio orain. Gero eta neurketa gutxiago gelditzen dira denboraldia bukatzeko, eta hemendik aitzinera, partidu guztiak final baten gisakoak izanen dira talde irundarrarentzat. Horrelakoa izanen da igande honetakoa ere. Izan ere, Jacobo Cuetararen mutilek BM Logroño La Rioja bere aurkari zuzenaren kontra jokatuko dute orduan Artalekun (18:30).

Jacobo Cuetarak hemendik aitzinerako partidu guztiak “finalak” izanen direla onartu du gaur goizeko prentsaurrekoan. Sailkapenean, alde gutxi dago taldeen artean eta “huts egiteko tarte gutxi” dagoela ere azpimarratu du entrenatzaileak. Hala ere, Bidasoa konfiantzarekin dago, azken aldian lortu dituen emaitza onak direla eta: “Entrenatzaile batek beti nahi du gehiago, baina taldeak momentu onean dagoela sentitzen du. Konfiantzarekin gaude eta espero dugu azken aldian izan ditugun emaitza onak pilatzen segitzea. Pozik nago taldearen egoerarekin”.

Logroñoren inguruan, “erasoan ongi jokatzen” ari dela adierazi du, “pibotean joko aunitz egiten eta desoreka bilatzen bat baten kontrako ekintzetan”. Azken aldian, errioxarrek baja aunitz izan dituztela ere argitu du prestatzaileak, baina “hori aprobetxatu dutela defentsan aldaketak egiteko”. Aldaketa horiek ongi funtzionatu dute taldean eta “erritmo ona” dutela ikusi da.

Honen aitzinean, Bidasoak bere onena erakutsi beharko du etxeko kantxan. Zaleen babesa izanen dute bertze behin, eta horrek ere partiduaren bilakaeran eta emaitzan eragina izanen duela eztabaidaezina da. 

ALEX MOZAS: “ONGI EGITEN DIREN GAUZAK APROBETXATU ETA INERTZIEKIN HAUTSI NAHI DUGU”
Eskubaloia

ALEX MOZAS: “ONGI EGITEN DIREN GAUZAK APROBETXATU ETA INERTZIEKIN HAUTSI NAHI DUGU”

Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...

HUGO SANCHEZ IZANEN DA ILCAPO HONDARRIBIAKO ENTRENATZAILEA
Eskubaloia

HUGO SANCHEZ IZANEN DA ILCAPO HONDARRIBIAKO ENTRENATZAILEA

Sanchezi laguntzen, Eñaut Uruñuela egonen da bigarren entrenatzaile moduan eta Yon Gomezek atezainekin eginen du lan

CD Bidasoak eta Hondarribia...

BIDASOA IRUNGO LAU JOKALARI EUSKADIKO SELEKZIOAREKIN FINLANDIAN
Eskubaloia

BIDASOA IRUNGO LAU JOKALARI EUSKADIKO SELEKZIOAREKIN FINLANDIAN

Gorka Nietok, Eneko Furundarenak, Asier Iribarrek eta Julen Mujikak Finlandiaren kontra bi lagunarteko jokatuko dituzte aste honetan

Bidasoa Irungo...

SAN MARTZIAL SENIOR NESKEN III. ESKUBALOI TORNEOA BIHAR ARTALEKUN
Eskubaloia

SAN MARTZIAL SENIOR NESKEN III. ESKUBALOI TORNEOA BIHAR ARTALEKUN

Euskal Herri osotik etorritako sei taldek hartuko dute parte txapelketan

III. San Martzial Senior Nesken Eskubaloi Torneoa ospatuko da bihar, ekainaren...

JULEN URRUZOLAK ETA XABIER BARRETOK ALACANTEN JOKATUKO DUTE HURRENGO BI DENBORALDITAN
Eskubaloia

JULEN URRUZOLAK ETA XABIER BARRETOK ALACANTEN JOKATUKO DUTE HURRENGO BI DENBORALDITAN

CD Bidasoak, bi urteren buruan, aukera izanen du bi jokalariak berreskuratzeko

CD Bidasoak jakinarazi duenez, Ohorezko Mailako EON Horneo Alicante...

BIDASOA IRUN ERREGE KOPAKO FINALERDIETAN GELDITU ZEN
Eskubaloia

BIDASOA IRUN ERREGE KOPAKO FINALERDIETAN GELDITU ZEN

Barçaren kontra 28-32 galdu ondotik, denboraldia agurtu zuen talde horiak

Bidasoa Irunek ezin izan zuen Barça garaitu Errege Kopako finalerdietan....

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika