BIDASOAK BERTZE BI PUNTU ESKURATU DITU PONTEVEDRAN
Eskubaloia

BIDASOAK BERTZE BI PUNTU ESKURATU DITU PONTEVEDRAN

Talde irundarrak 19-28 irabazi zion Club Cisneri Plenitude ASOBAL Ligako bederatzigarren jardunaldian

Bidasoa Irunek bertze bi puntu batu zituen atzo gauean Plenitude ASOBAL Ligako sailkapenerako. Talde irundarrak Pontevedran jokatu zuen denboraldiko bederatzigarren jardunaldia eta 19-28ko markagailuarekin irabazi zion bertako Club Cisne taldeari. Asteari bukaera ona emateko, garaipen zabala eskuratu zuten Jacobo Cuetararen mutilek.

Lehen minutuetan parekatuak ibili ziren bi taldeak markagailuan, eta etxeko taldea ere gainetik ibili zen momentu batean (6-4, 8. minutuan). Hala ere, Bidasoak defentsan egindako lanari esker, eta Mehdi atezainaren laguntzarekin, lehen aldiz jarri zen aitzinetik (8-11), 2-7ko partziala egin ondotik. Cisnek, partidaren norabidea galtzen ari zela ikusita, bi hutsarte eskatu zituen, baina bisitariak zazpi goleko hutsunea ireki zuen markagailuan atsedenaldirako (11-18).

Bigarren zatian bide beretik joan zen neurketa. Talde irundarrak defentsan sendo jarraitu zuen eta abantaila handitzea ere lortu zuen. Neurketako errentarik zabalena eskuratu zuen Bidasoak azken minutuetan, hamar golekoa hain zuzen ere (15-25 eta 17-27, 45. eta 50. minutuetan, hurrenez hurren). Hala ere, Cisnek tarte hori bederatzira gutxitu zuen eta azkenean, 19-28ko markagailuarekin bukatu zen norgehiagoka.

Rodrigo Salinas eta Victor Rodriguez gabe, Bidasoak bertze erakustaldi eder bat eman zuen Pontevedran, eta bi puntu gehiago ditu orain sailkapenean. Hurrengo neurketa datorren asteazkenean (azaroak 9) jokatuko dute Jacobo Cuetararen mutilek. Oraingo honetan Errege Kopako partida izanen da, Malagan, Trops Malagaren kontra, arratsaldeko 20:30ean. Hurrengo larunbatean berriz, azaroaren 12an, Plenitude ASOBAL Liga bueltan izanen da Artalekun. Bidasoak Blendio Sinfín jasoko du, arratsaldeko 16:00etan.

(Argazkia: Fernando Largo)

CUENCA GARAITZEA IZANEN DA BIDASOAREN BIHARKO ERRONKA
Eskubaloia

CUENCA GARAITZEA IZANEN DA BIDASOAREN BIHARKO ERRONKA

Talde irundarrak ez du 1996. urtetik garaipenik eskuratu El Sargal kantxan

Bidasoa gaur goizean abiatu da...

BIDASOAK BI PUNTU GEHIAGO BATU DITU EHF-KO SAILKAPENEAN
Eskubaloia

BIDASOAK BI PUNTU GEHIAGO BATU DITU EHF-KO SAILKAPENEAN

Multzo Faseko hirugarren jardunaldian HC Motor talde ukrainarra garaitu du 26-22ko markagailuarekin

Bidasoak HC...

BIDASOAK BIHAR JASOKO DU ARTALEKUN HC MOTOR TALDEA
Eskubaloia

BIDASOAK BIHAR JASOKO DU ARTALEKUN HC MOTOR TALDEA

Bidasotarrek EHF-ko Multzo Faseko hirugarren jardunaldia jokatuko dute talde ukrainarraren kontra

Bidasoak bihar...

GURUTZ AGINAGALDEK LEHENDAKARITZAN JARRAITUKO DU
Eskubaloia

GURUTZ AGINAGALDEK LEHENDAKARITZAN JARRAITUKO DU

Beste hautagaitzarik ez zenez aurkeztu, Bidasoako bazkideek Gurutz Aginagalderen zerrenda aukeratu zuten

Bidasoa...

GRANOLLERSEK IRABAZI ZITUEN PUNTUAK ARTALEKUN
Eskubaloia

GRANOLLERSEK IRABAZI ZITUEN PUNTUAK ARTALEKUN

Neurketa parekatua jokatu ondotik, kataluniarrek eskuratu zuten jardunaldiko garaipena 30-32ko markagailuarekin

BIDASOAK GRANOLLERS JASOKO DU BIHAR ARTALEKUN
Eskubaloia

BIDASOAK GRANOLLERS JASOKO DU BIHAR ARTALEKUN

Talde irundarrak Plenitude ASOBAL Ligako bigarren talderik onena hartuko du etxean, bihar 18:00etan

Bidasoak,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika