BIDASOAK DENBORALDIARI BUKAERA EMANEN DIO BIHAR ARTALEKUN
Eskubaloia

BIDASOAK DENBORALDIARI BUKAERA EMANEN DIO BIHAR ARTALEKUN

Azken partidua jokatzeaz gain, klubak eta zaleek Julen Aginagalde, Jon Azkue, Ander Ugarte, Victor Rodriguez eta Mihajlo Mitic agurtuko dituzte

Bidasoak bukaera emanen dio bihar, ekainaren 3an, denboraldiari. Puente Genil jasoko du Artalekun azken partidu hori jokatzeko. Berezia izanen da, ez bakarrik denboraldia bukatuko delako, baizik eta Bidasoak bere ibilbidean garrantzitsuak izan diren zenbait jokalari agurtuko dituelako ere. Zaleek aukera izanen dute, neurketaren ondotik, behar bezalako omenaldia eskaintzeko Julen Aginagalderi, Jon Azkueri, Ander Ugarteri, Victor Rodriguezi eta Mihajlo Mitic-i.

Jacobo Cuetarak gaurko prentsaurrekoan erran duenez, “azken partiduak pena bat izan dira, baina gure helburua oraindik ere ahalik eta puntu gehien batzea izanen da”. Bigarren itzuliaren balorazioa positiboa egin du entrenatzaileak: “Bigarren itzulian 23 puntu batu ditugu eta emaitza oso ona da hori. Ahal genuen guztia egin dugu, sailkapena iraultzeko puntuan egon gara eta pozik gaude egin dugun lanarekin. Orain azken partidu honi aurre egin behar diogu”.

Sailkapeneko laugarren postua ziurtatu zuen Bidasoak pasa den asteburuan eta “goian egoteak” erregulartasuna duen kluba dela adierazten du. “Champions-aren urteko postu bera errepikatu dugu eta, kontuan edukita 45 neurketa jokatu ditugula aurten, pozik gelditu gara Europan eta Ligan egindako lanarekin. Ez ordea, Errege Kopan egindakoarekin”, erran du Cuetarak. Hala ere, “ikusteko urte bat” izan dela azpimarratu du, “esperientzia asko bizituta, etorkizunean baliagarriak izanen direnak”.

Bihar azken neurketaren inguruan, “emozioz betetako jardunaldia” izanen dela argi du entrenatzaileak, baita “giro ederra” egonen dela ere. “Klubak jarduera asko prestatu ditu egun berezia izan dadin eta nik jende animatu nahiko nuke denboraldia eta jokalariak agurtzera”, adierazi du prestatzaileak. Hain zuzen ere, biharko arratsaldean, denboraldia agurtzeaz gain, klubarentzat garrantzitsuak izan diren zenbait jokalari ere agurtuko dituzte, hala nola Julen Aginagalde, Jon Azkue, Ander Ugarte, Victor Rodriguez eta Mihajlo Mitic.

Bidasoaren biharko ardura beraz, “ikuskizun handia” ematea izanen da. Jacobo Cuetarak erran duenez, “eskubaloi ona egin behar dugu eta lehiakorrak izan behar gara azken partiduan, ikuskizun ederra emateko”. Arlo profesionaletik aparte, entrenatzaileak dio “aho zapore onarekin” utzi nahi duela zalegoa. 

(Argazkia: Arrate Morales)

BIDASOAKO JOKALARI ETA ENTRENATZAILE OHIA FERNANDO BOLEA ZENDU DA
Eskubaloia

BIDASOAKO JOKALARI ETA ENTRENATZAILE OHIA FERNANDO BOLEA ZENDU DA

Boleak ASOBAL Liga, Errege Kopa, ASOBAL Kopa eta Europako Kopa irabazi zituen Bidasoan jokalari gisa, eta entrenatzaile moduan ASOBAL Ligara azken igoeraren...

PIOTR MIELCZARSKI POLONIARRA BIDASOAKO DIZIPLINAN SARTUKO DA
Eskubaloia

PIOTR MIELCZARSKI POLONIARRA BIDASOAKO DIZIPLINAN SARTUKO DA

Erdiko atzelari gaztea utzita ariko da BM Guadalajaran 2024/25 denboraldian

CD Bidasoak eta Piotr Mielczarski jokalariak akordioa lortu dute eta horren...

ALEX MOZAS: “ONGI EGITEN DIREN GAUZAK APROBETXATU ETA INERTZIEKIN HAUTSI NAHI DUGU”
Eskubaloia

ALEX MOZAS: “ONGI EGITEN DIREN GAUZAK APROBETXATU ETA INERTZIEKIN HAUTSI NAHI DUGU”

Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...

HUGO SANCHEZ IZANEN DA ILCAPO HONDARRIBIAKO ENTRENATZAILEA
Eskubaloia

HUGO SANCHEZ IZANEN DA ILCAPO HONDARRIBIAKO ENTRENATZAILEA

Sanchezi laguntzen, Eñaut Uruñuela egonen da bigarren entrenatzaile moduan eta Yon Gomezek atezainekin eginen du lan

CD Bidasoak eta Hondarribia...

BIDASOA IRUNGO LAU JOKALARI EUSKADIKO SELEKZIOAREKIN FINLANDIAN
Eskubaloia

BIDASOA IRUNGO LAU JOKALARI EUSKADIKO SELEKZIOAREKIN FINLANDIAN

Gorka Nietok, Eneko Furundarenak, Asier Iribarrek eta Julen Mujikak Finlandiaren kontra bi lagunarteko jokatuko dituzte aste honetan

Bidasoa Irungo...

SAN MARTZIAL SENIOR NESKEN III. ESKUBALOI TORNEOA BIHAR ARTALEKUN
Eskubaloia

SAN MARTZIAL SENIOR NESKEN III. ESKUBALOI TORNEOA BIHAR ARTALEKUN

Euskal Herri osotik etorritako sei taldek hartuko dute parte txapelketan

III. San Martzial Senior Nesken Eskubaloi Torneoa ospatuko da bihar, ekainaren...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika