BIDASOAK DENBORALDIKO LEHEN GARAIPENA ESKURATU DU
Eskubaloia

BIDASOAK DENBORALDIKO LEHEN GARAIPENA ESKURATU DU

Jacobo Cuetararen taldea 29-34ko markagailuarekin gailendu zitzaion Torrelavegari

Bidasoak denboraldiko lehen garaipena eskuratu zuen atzo Torrelavegaren kontra. Etxetik kanpo lortzen dituen lehen bi puntuak dira gainera, eta taldea sasoi onean dagoela ziurtatu zuten honekin.

Torrelavega bisitatu zuen atzo Bidasoak eta garaipena lortuta bueltatu zen Irunera. 1.600 zaleen aitzinean, ikuskizun ederra eskaini zuen Jacobo Cuetararen taldeak eta 29-34 markagailua eskuratuta, garaipena lortu zuen kantabriarren kontra. Hala ere, hasiera ez zen hain erraza izan. Etxekoek eskuratu zituzten lehen abantailak eta irundarrek horri aurre egin behar izan zioten. Lanean jarri ziren eta Rodrigo Salinasek segidan sartutako hiru golei esker, 5-6koa ezarri zuten markagailuan. Hortik aitzinera, Bidasoarena izan zen neurketa.


Atsedenaldira ailegatu baino lehen, bisitariek irekitako hiru goleko tartea batera murriztu zuen Torrelavegak. Hala ere, Cuetararen mutilek ez zuten amore eman eta berriz ere abantaila bereganatu zuten, defentsan lan ona eginez eta Mehdi Harbaouiren sendotasunari esker. Horrela, bortz golekoa izan zen Bidasoak lortutako errenta lehen zatia bukatzerakoan (13-18).

Bigarren zatian bide beretik joan zen partidua. Bidasoak indarra erakusten segitu zuen eta zortzi goleko errenta lortu zuen lehen minutuetan. Etxekoek, etsiturik, bi hutsarte eskatu zituzten bortz minututan, neurketaren norabidea aldatzeko asmoarekin. Markagailuko tartea bi tantora murriztea lortu bazuten ere, ezin izan zuten Bidasorekin berdindu. Indarrak agortuta, talde bisitariko Gorka Nietok berriz ere bortz golera eraman zuen euren abantaila eta horrela, 29-34ko emaitzarekin bukatu zen norgehiagoka.

Aurredenboraldiko sentsazio txarrak erabat uxatuta, sasoi onean dagoela erakutsi du talde irundarrak. Horrela, hurrengo erronkei aurre egiteko prestaketak arinagoak izanen dira eta are gehiago, heldu den asteburuan etxean aritzeko aukera edukita. Hain zuzen ere, datorren ortziralean (irailaren 22an), Bidasoak Artalekun jasoko du Recoletas Atletico Valladolid.

(Argazkia: Luis Palomeque)

ZAISA BIDASOA IRUN ESPAINIAKO SEKTORE FASEAN
Eskubaloia

ZAISA BIDASOA IRUN ESPAINIAKO SEKTORE FASEAN

Kadete mailako gizonezkoak Kantabrian egonen dira asteburuan B multzoan Sektore Fasea jokatzen

Zaisa Bidasoa Irun, Bidasoako kadete mailako gizonezkoak,...

JACOBO CUETARA: “TXAPELDUNORDE IZATEAREN ARDURA IZANEN DUGU AZKEN PARTIDUAN”
Eskubaloia

JACOBO CUETARA: “TXAPELDUNORDE IZATEAREN ARDURA IZANEN DUGU AZKEN PARTIDUAN”

Bidasoa Irunek Plenitude ASOBAL Ligako azken jardunaldia jokatuko du, Cuencaren kontra eta matematikoki txapeldunordetza lortuta

Plenitude ASOBAL...

BIDASOA IRUN ASOBAL LIGAKO TXAPELDUNORDE
Eskubaloia

BIDASOA IRUN ASOBAL LIGAKO TXAPELDUNORDE

Puerto Saguntoren kontra irabazita, talde irundarrak matematikoki lortu du bigarren postuan sailkatzea, baita Europako txapelketarako sarbidea...

BIDASOAK ATE IREKIKO SAIOA ANTOLATU DU EMAKUME INFANTILENTZAT
Eskubaloia

BIDASOAK ATE IREKIKO SAIOA ANTOLATU DU EMAKUME INFANTILENTZAT

Jardunaldiak maiatzaren 21ean, 23an, 28an eta 30ean ospatuko dira Artalekun

CD Bidasoak ate irekiko saioak eginen ditu 2011 eta 2012 urte artean jaiotako...

JACOBO CUETARA: “NEURKETA BEREZIA IZANEN DA, BAINA TXAPELDUNORDETZA LORTU BEHAR DUGU DENAREN GAINETIK”
Eskubaloia

JACOBO CUETARA: “NEURKETA BEREZIA IZANEN DA, BAINA TXAPELDUNORDETZA LORTU BEHAR DUGU DENAREN GAINETIK”

Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan

Bidasoa Irunek Plenitude ASOBAL...

CIUDAD REAL IZANEN DA BIDASOAREN AURKARIA ERREGE KOPAKO FINAL LAURDENETAN
Eskubaloia

CIUDAD REAL IZANEN DA BIDASOAREN AURKARIA ERREGE KOPAKO FINAL LAURDENETAN

Maiatzaren 31n ospatuko da neurketa Jaengo Olivo Arenan

Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika