05 Api, 2022
Irundarrek gaur jokatuko dute GOG taldearen aurka EHF Ligako Last 16 kanporaketako itzulerako partida
Aurreko astean, Artalekun, 28-30eko markagailuarekin joaneko neurketa galdu ostean, Bidasoak gaur jokatuko du GOG taldearen aurka EHF Ligako Last 16 kanporaketako itzulerako neurketa. Danimarkako Gudme hirian ospatuko da norgehiagoka, arratsaldeko 18:45ean.
Atzo abiatu ziren jokalariak Irundik Danimarkara eta han daude dagoeneko gaurko hitzordu garrantzitsurako azken prestaketak egiten. Autobusera igo aurretik, Jacobo Cuetara entrenatzaileak prentsaurrekoa egin zuen eta bertan, “neurketak duen zailtasunaz jabetuta, taldea amaierara arte borrokatzen” ibiliko dela onartu zuen. GOG “etxean eta etxetik kanpo ongi aritzen den taldea” dela ere jakinarazi zuen Cuetarak eta neurketa berri honek izan ditzakeen desberdintasunak aipatu nahi izan zituen: “Desberdintasunak egon daitezke. Izan ere, hona zertxobait baldintzatuta etorri zirela pentsa genezake, aurretik jokatu zituzten partiduengatik. Gainera, gure alde jokatzen duten beste alderdi batzuk ere baditugu. Hemen hamaikagatik irabazteko borrokatu genuen eta hamahirugatik galtzeko jaurti. Joko horretan oinarritu beharko gara lehiakorrak izateko”.
Bi egoera posible daudela ere azpimarratu zuen prestatzaileak: “Alde batetik, logikoena izan daitekeena. Hara joan eta aurkariaren mailaz jabetuta, irabazteko aukerarik ez edukitzea. Beste kasua hemen jokatu genuen neurketa erreferentzi ona izatea da eta, orduan, kontuz”. Gainera, Logroño gainditu ondoren, “pausu handi bat eman dugula ohartu gara eta han borrokatzen jarraituko dugu. GOG garaipena eskuratzeko faboritoa da eta hori aprobetxatuko dugu guk”, erabaki zuen Cuetarak.
(Argazkia: Eduardo Agreda)
Talde irundarrak 33-26ko markagailu zabalarekin irabazi zuen Valladoliden aurka larunbatean Artalekun
Pasa den...
Arrate Eibar 31-39 menderatu ostean, Il Capo Hondarribiak sailkapeneko hirugarren postuan bukatu du aurtengo denboraldia
Ekainaren 4ean ospatuko da finalerdia Zaragozako Principe Felipe Jauregian
Bidasoak Granollers izango du aurkari...
Etxeko taldea irabaztera aterako da kantxara, sailkapenean ahalik eta puntu gehien batzeko helburuarekin
Bidasoak...
Klub irundarraren digitalizazio prozesuaren barrenean, bazkide txartela eta partiduetarako sarrerak mugikorrean edukitzea da helburuetako bat